ଭାରତୀୟ କୁସ୍ତିଯୋଦ୍ଧାଙ୍କ ପାଇଁ ଖୁସି ଖବର! WFI ଉପରେ ଲାଗିଥିବା ପ୍ରତିବନ୍ଧକ ହଟିଲା

ନୂଆଦିଲ୍ଲୀ,୧୧।୩: ଭାରତୀୟ କ୍ରୀଡା ମନ୍ତ୍ରଣାଳୟ ମଙ୍ଗଳବାର ଭାରତୀୟ କୁସ୍ତି ମହାସଂଘ (WFI) ଉପରେ ଲଗାଯାଇଥିବା ନିଲମ୍ବନକୁ ପ୍ରତ୍ୟାହାର କରିନେଇଛି। ଏହି ନିଷ୍ପତ୍ତି ଘରୋଇ କୁସ୍ତି ପ୍ରତିଯୋଗିତା ଆୟୋଜନ ଏବଂ ଅନ୍ତର୍ଜାତୀୟ ଟୁର୍ନାମେଣ୍ଟ ପାଇଁ ଜାତୀୟ ଦଳ ଚୟନ ପାଇଁ ପଥ ପରିଷ୍କାର କରିଛି। ମନ୍ତ୍ରଣାଳୟ ୨୪ ଡିସେମ୍ବର ୨୦୨୩ରେ WFIକୁ ନିଲମ୍ବିତ କରିଥିଲା।

ନିଲମ୍ବନର କାରଣ ଥିଲା WFI ଦ୍ୱାରା ୧୫ ବର୍ଷରୁ କମ ଏବଂ ୨୦ ବର୍ଷରୁ କମ ଜାତୀୟ କୁସ୍ତି ଚାମ୍ପିୟନଶିପର ତରବରିଆ ଘୋଷଣା, ଯାହାକୁ ସରକାର ନିୟମର ଉଲ୍ଲଂଘନ ବୋଲି ବିବେଚନା କରିଥିଲେ। ଏବେ ମନ୍ତ୍ରଣାଳୟ ତାଙ୍କ ଆଦେଶରେ କହିଛି ଯେ ଫେଡେରେଶନ ଆବଶ୍ୟକୀୟ ସଂଶୋଧନମୂଳକ ପଦକ୍ଷେପ ନେଇଛି, ତେଣୁ ଏହି ନିଷ୍ପତ୍ତି ନିଆଯାଇଛି।

୨୪ ଡିସେମ୍ବର ୨୦୨୩ରେ, କ୍ରୀଡ଼ା ମନ୍ତ୍ରଣାଳୟ ୧୫ ବର୍ଷରୁ କମ ଏବଂ ୨୦ ବର୍ଷରୁ କମ ଜାତୀୟ ଚାମ୍ପିଅନସିପ ଘୋଷଣା କରିବାରେ ଶୀଘ୍ରତା ଦେଖାଇବା ପାଇଁ ଭାରତୀୟ କୁସ୍ତି ମହାସଂଘକୁ ନିଲମ୍ବିତ କରିଥିଲା। ସେହି ସମୟରେ, ସଞ୍ଜୟ ସିଂଙ୍କ ପ୍ୟାନେଲ ୨୧ ଡିସେମ୍ବର ୨୦୨୩ରେ WFI ନିର୍ବାଚନରେ ବିଜୟୀ ହୋଇଥିଲା।

The post ଭାରତୀୟ କୁସ୍ତିଯୋଦ୍ଧାଙ୍କ ପାଇଁ ଖୁସି ଖବର! WFI ଉପରେ ଲାଗିଥିବା ପ୍ରତିବନ୍ଧକ ହଟିଲା appeared first on Dharitri Odia News.