ଭିକ୍ଟର ଆମ୍ୱ୍ରୋସ ଏବଂ ଗ୍ୟାରି ରଭକନ କିଏ ? ମେଡିସିନ୍ ପାଇଁ ଚଳିତ ବର୍ଷ ପାଇବେ ନୋବେଲ୍

ନୂଆଦିଲ୍ଲୀ: ୨୦୨୪ ମସିହା ପାଇଁ ନୋବେଲ୍ ପୁରସ୍କାର ଘୋଷଣା ସୋମବାର ଆରମ୍ଭ ହୋଇଛି । ଆଜି ପ୍ରଥମ ଦିନରେ ଫିଜିୟୋଲଜି ବା ମେଡିସିନ କ୍ଷେତ୍ର ପାଇଁ ଏହି ସମ୍ମାନ ପାଇବାକୁ ଥିବା ବିଜେତାଙ୍କ ନାଁ ଘୋଷଣା କରାଯାଇଛି । ଦୁଇ ଆମେରିକୀୟ ବୈଜ୍ଞାନିକ ଭିକ୍ଟର ଆମ୍ୱ୍ରୋସ ଏବଂ ଗ୍ୟାରି ରଭକନଙ୍କୁ ମାଇକ୍ରୋ RNA ଉପରେ ତାଙ୍କ ଗବେଷଣା ଲାଗି ମେଡିସିନରେ ନୋବେଲ ପୁରସ୍କାର ଦିଆଯିବ । ମାଇକ୍ରୋ ଆରଏନଏ ଉପରେ କରାଯାଇଥିବା ଏହି ରିସର୍ଚ୍ଚ ଜରିଆରେ ଜିନ୍ ମାନବ ଶରୀରରେ କିପରି କାମ କରୁଛି ଏବଂ ଏହା ମଣିଷ ଶରୀରର ବିଭିନ୍ନ ଟିସୁଙ୍କୁ କିପରି ଜନ୍ମ ଦେଇଥିବା ତାହା ଉଜାଗର କରାଯାଇଛି ।

ଭିକ୍ଟର ଆର ଆମ୍ବ୍ରୋସ କିଏ ?

ଆମେରିକାର ପ୍ରସିଦ୍ଧ ଜୀବବିଜ୍ଞାନୀ ଭିକ୍ଟର ଆର ଆମ୍ବ୍ରୋସଙ୍କ ଜନ୍ମ ୧୯୫୩ ମସିହାରେ ନ୍ୟୁ ହାମ୍ପସାୟାରର ହାନୋଭରରେ ହୋଇଥିଲା। ଭିକ୍ଟର ଆମ୍ୱୋସ ଦୁନିଆରେ ପ୍ରଥମ ମାଇକ୍ରୋ ଆରଏନ୍ଏ (miRNA) ଆବିଷ୍କାର ପାଇଁ ପରିଚିତ । ବର୍ତ୍ତମାନ ମାସାଚୁସେଟ୍ସ ୱର୍କେଷ୍ଟର ସ୍ଥିତ ମାସାଚୁସେଟ୍ସ ମେଡିକାଲ୍ ସ୍କୁଲରେ ପ୍ରଫେସର ଭାବେ କାର୍ଯ୍ୟରତ ଅଛନ୍ତି । ଆମ୍ବ୍ରୋସ୍ ୧୯୭୫ ମସିହାରେ ମାସାଚୁସେଟ୍ସ ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (MIT)ରୁ ସ୍ନାତକ ହାସଲ କରିଥିଲେ । ସେ ହାର୍ଭାର୍ଡ, ଡାର୍ଟମାଉଥ୍ ଏବଂ ମାସାଚୁସେଟ୍ସ ୟୁନିଭରସିଟି ମେଡିକାଲ୍ ସ୍କୁଲରେ ଅଧ୍ୟାପକ ଥିବାବେଳେ ନିଜର ଅନୁସନ୍ଧାନ ଜାରି ରଖିଥିଲେ ।

ଗ୍ୟାରି ରଭକନ କିଏ ?

୧୯୫୨ ମାର୍ଚ୍ଚରେ କାଲିଫର୍ନିଆର ବରେଲିରେ ଗ୍ୟାରି ରଭକନ ଜନ୍ମଗ୍ରହଣ କରିଥିଲେ । ମାସାଚୁସେଟ୍ସ ଜେନେରାଲ୍ ହସ୍ପିଟାଲର ଜଣେ ଆମେରିକୀୟ ଜୀବବିଜ୍ଞାନୀ ଏବଂ ହାର୍ଭାର୍ଡ ମେଡିକାଲ୍ ସ୍କୁଲର ଜେନେଟିକ୍ ପ୍ରଫେସର । ଭିକ୍ଟର ଆମ୍ବ୍ରୋସଙ୍କ ଦ୍ୱାରା ଚିହ୍ନିଟ ପ୍ରଥମ ମାଇକ୍ରୋ ଆରଏନ୍ଏ (miRNA) ଲିନ୍-୩ କିପରି ଏହାର ଲକ୍ଷ୍ୟ ସହିତ ଅସମ୍ପୂର୍ଣ୍ଣ ବେସ୍-ଯୋଡି ମାଧ୍ୟମରେ ମେସେଞ୍ଜର RNA ଅନୁବାଦକୁ ନିୟନ୍ତ୍ରଣ କରେ ତାହା ଆବିଷ୍କାର କରିଥିଲେ । ରଭକନ ମଧ୍ୟ ଦ୍ୱିତୀୟ miRNA, let-7 ଆବିଷ୍କାର କରିଥିଲେ । ଏବଂ ଜାଣିବାକୁ ପାଇଥିଲେ ଯେ ଏହା ମଣିଷ ସମେତ ପଶୁଙ୍କ ମଧ୍ୟରେ ବି ରହିଛି ।

୧୯୭୩ ମସିହାରେ କାଲିଫର୍ନିଆ ୟୁନିଭରସିଟିରୁ ୟୁଜି କରିଥିଲେ ଏବଂ ୧୯୮୨ ମସିହାରେ ହାର୍ଭାର୍ଡ ୟୁନିଭରସିଟିରୁ ବାୟୋଫିଜିକ୍ସରେ ପିଏଚ୍‌ଡି କରିଥିଲେ । ରଭକନ ହାର୍ଭାର୍ଡ ସୋସାଇଟି ଅଫ୍ ଫେଲୋ (୧୯୮୨-୧୯୮୫) ରେ ଜୁନିଅର ଫେଲୋ ଭାବରେ କାର୍ଯ୍ୟ କରିବା ପରେ ୧୯୮୫ ମସିହାରୁ ହାର୍ଭାର୍ଡ ମେଡିକାଲ୍ ସ୍କୁଲରେ ଜେନେଟିକ୍ସର ପ୍ରଫେସର ଅଛନ୍ତି । ତାଙ୍କର ପ୍ରମୁଖ ଅନୁସନ୍ଧାନ କ୍ଷେତ୍ରଗୁଡ଼ିକରେ ମାଇକ୍ରୋ ଆରଏନ୍ଏ ଏବଂ ଆରଏନ୍ଏ ଇଣ୍ଟରଫେସ୍ ପ୍ରଣାଳୀ ସାମିଲ ରହିଛି ।