ଭୋଟ୍ ଦେବାକୁ ଛିଡ଼ା ହୋଇଥିବା ବେଳେ ହୃଦଘାତର ଶିକାର ହେଲେ ବିଧାୟକ ପ୍ରାର୍ଥୀ, ଚାଲିଗଲା ପ୍ରାଣବାୟୁ

ମହାରାଷ୍ଟ୍ରର ୨୮୮ ଆସନରେ ବୁଧବାର ସନ୍ଧ୍ୟା ୫ଟା ସୁଦ୍ଧା ୫୮.୨୨% ମତଦାନ ହୋଇଛି । କିନ୍ତୁ ଏହାରି ମଧ୍ୟରେ ଏକ ଦୁଃଖଦ ଖବର ଆସିଛି । ବିଡ୍ ବିଧାନସଭା ନିର୍ବାଚନ ମଣ୍ଡଳୀର ସ୍ୱାଧୀନ ପ୍ରାର୍ଥୀ ବାଲା ସାହେବ ସିନ୍ଦେଙ୍କର ମୃତ୍ୟୁ ହୋଇଛି । ମତଦାନ କେନ୍ଦ୍ରରେ ହିଁ ହୃଦଘାତରେ ତାଙ୍କ ପରଲୋକ ହୋଇଛି ।

ମତଦାନ କେନ୍ଦ୍ରରେ ଭୋଟ୍ ଦେବାକୁ ଛିଡ଼ା ହୋଇଥିବା ବେଳେ ହଠାତ୍ ସେ ହୃଦଘାତର ଶିକାର ହୋଇଥିଲେ । ଏହାପରେ ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା । ହେଲେ ସେଠି ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ।

ମିଳିଥିବା ସୂଚନା ମୁତାବକ, ବାଲା ସାହେବ ସିନ୍ଦେ ବିଡର ଏକ ବିଦ୍ୟାଳୟରେ ହୋଇଥିବା ମତଦାନ କେନ୍ଦ୍ରରେ ତଳେ ପଡ଼ିଯାଇଥିଲେ । ପ୍ରଥମେ ତାଙ୍କୁ ସ୍ଥାନୀୟ ହସ୍ପିଟାଲ ଏବଂ ପରେ ଛତ୍ରପତି ଶମ୍ଭାଜୀ ନଗର ହସ୍ପିଟାଲ ନିଆଯାଇଥିଲା । କିନ୍ତୁ ସେଠାରେ ଡାକ୍ତରମାନେ ତାଙ୍କୁ ମୃତ ଘୋଷଣା କରିଥିଲେ । ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି ବୋଲି ପୋଲିସ କହିଛି ।

ଜନ ପ୍ରତିନିଧି ଅଧିନିୟମ ୧୯୫୧ ଅନୁଯାୟୀ, ଯଦି ନିର୍ବାଚନ ସମୟରେ କୌଣସି ପ୍ରାର୍ଥୀଙ୍କର ମୃତ ହୁଏ, ତେବେ ଧାରା ୫୨ ଅଧୀନରେ ସମ୍ପୃକ୍ତ ଆସନରେ ମତଦାନ ସ୍ଥଗିତ ରଖାଯାଇ ପାରିବ ।

The post ଭୋଟ୍ ଦେବାକୁ ଛିଡ଼ା ହୋଇଥିବା ବେଳେ ହୃଦଘାତର ଶିକାର ହେଲେ ବିଧାୟକ ପ୍ରାର୍ଥୀ, ଚାଲିଗଲା ପ୍ରାଣବାୟୁ appeared first on KNews Odisha.