ମନିଷ ସିସୋଡିଆଙ୍କୁ ପୁଣି ଝଟ୍‌କା

ନୂଆଦିଲ୍ଲୀ,୨୪।୪: ଦିଲ୍ଲୀ ଲିକର୍‌ ପଲିସି ସହ ଜଡିତ ସିବିଆଇ ମାମଲାରେ ବର୍ତ୍ତମାନ ଚାର୍ଜସିଟ ନକରିବାକୁ ଦାବି କରି ରାଉଜ ଆଭେନ୍ୟୁ କୋର୍ଟ କେନ୍ଦ୍ରୀୟ ଅନୁସନ୍ଧାନ ଏଜେନ୍ସିରୁ ପ୍ରତିକ୍ରିୟା ଲୋଡିଛନ୍ତି। ଏହି ମାମଲାରେ ମନୀଷ ସିସୋଡିଆଙ୍କ ନ୍ୟାୟିକ ହେପାଜତକୁ ଆସନ୍ତା ମେ’ ୭ ପର୍ଯ୍ୟନ୍ତ ବୃଦ୍ଧି କରାଯାଇଛି।
ଶୁଣାଣି ସମୟରେ ଅଭିଯୁକ୍ତଙ୍କ ଓକିଲ ବିଚାରପତିଙ୍କୁ କହିଥିଲେ ଯେ ଆମେ କୋର୍ଟ ରୁମରୁ ବାହାରକୁ ଯିବା ଉଚିତ୍‌ ନୁହେଁ। ଏଥିପାଇଁ ଆମେ ମଧ୍ୟ କ୍ଷମା ପ୍ରାର୍ଥନା କରୁଛୁ। ଅସନ୍ତୋଷ ବ୍ୟକ୍ତ କରି ବିଚାରପତି କହିଛନ୍ତି ଯେ ଆମେ ପ୍ରଥମ ଥର ପାଇଁ ଏଭଳି ଆଚରଣ ଦେଖିଛୁ। ତୁମର ଯୁକ୍ତି ଶେଷ ହେବା ମାତ୍ରେ ତୁମେ କୋର୍ଟରୁ ବାହାରକୁ ଗଲ । ଏହି ସମୟରେ ତଦନ୍ତ ଜାରି ରହିଛି ବୋଲି ଆବେଦନକାରୀ ଯୁକ୍ତି ବାଢିଛନ୍ତି। ସିବିଆଇ ଏହି ଯୁକ୍ତିକୁ ବିରୋଧ କରିଥିଲା।

The post ମନିଷ ସିସୋଡିଆଙ୍କୁ ପୁଣି ଝଟ୍‌କା appeared first on Dharitri Odia News.