ମହାଦେବ ବେଟିଂ ଆପ୍ ପ୍ରମୋଟର୍ ସୌରଭ ଚନ୍ଦ୍ରାକର ଗିରଫ, ଦୁବାଇରେ ଲୁଚି ଥିଲା

ମହାଦେବ ବେଟିଂ ଆପ୍ ପ୍ରମୋଟର୍ ସୌରଭ ଚନ୍ଦ୍ରାକରକୁ ଦୁବାଇରେ ଗିରଫ କରାଯାଇଛି । ଅର୍ଥ ହେରଫେର ତଥା ଠକେଇ ମାମଲାରେ ଇଣ୍ଟରପୋଲ ସୌରଭ ଚନ୍ଦ୍ରାକର ବିରୋଧରେ ଗିରଫ ପରୱାନା ଜାରି କରିଥିଲା । ଗତ ବର୍ଷ ଦୁବାଇରେ ସୌରଭ ଚନ୍ଦ୍ରାକର ଏବଂ ମହାଦେବ ଆପର ଅନ୍ୟ ଜଣେ ପ୍ରମୋଟର ରବି ଉପ୍ପଲଙ୍କୁ ମଧ୍ୟ ଗିରଫ କରାଯାଇଥିଲା ।

ଉଭୟଙ୍କ ବିରୋଧରେ ରେଡ୍ କର୍ଣ୍ଣର ନୋଟିସ୍ ଜାରି କରିବାକୁ ପ୍ରବର୍ତ୍ତନ ନିର୍ଦ୍ଦେଶାଳୟ-ଇଡି ଅନୁରୋଧ କରିଥିଲା । ଛତିଶଗଡ଼ର ଭିଲାଇ ସହରର ବାସିନ୍ଦା ସୌରଭ ତାଙ୍କ ସହଯୋଗୀ ରବି ଉପ୍ପଲଙ୍କ ସହ ଦୁବାଇରୁ ‘ମହାଦେବ ଗେମିଂ-ବେଟିଂ’ ନାମକ ଏକ ଅନଲାଇନ୍ ବେଟିଂ ଆପ୍ ଚଲାଇଥିବା ଅଭିଯୋଗ ହୋଇଛି । ଏହି ଆପ୍ ର ବାର୍ଷିକ ବ୍ୟବସାୟ ୨୦ ହଜାର କୋଟିରୁ ଅଧିକ ହେବ ବୋଲି କୁହାଯାଉଛି । ମହାଦେବ ବେଟିଂ ଆପ୍ ଆରମ୍ଭ କରିବା ପୂର୍ବରୁ ସୌରଭ ଚନ୍ଦ୍ରାକର ଭିଲାଇରେ ଏକ ଜୁସ୍ ଦୋକାନ ଚଲାଉଥିଲା ।

The post ମହାଦେବ ବେଟିଂ ଆପ୍ ପ୍ରମୋଟର୍ ସୌରଭ ଚନ୍ଦ୍ରାକର ଗିରଫ, ଦୁବାଇରେ ଲୁଚି ଥିଲା appeared first on KNews Odisha.