ମାଗଣାରେ ଆଧାର କାର୍ଡ ଅପଡେଟ୍‌ କରିବାର ଶେଷ ତାରିଖ ନିକଟତର, ଶୀଘ୍ର ଉଠାନ୍ତୁ ଫାଇଦା

ନୂଆଦିଲ୍ଲୀ,୬।୩: ପ୍ରତ୍ୟେକ ଗୁରୁତ୍ୱପୂର୍ଣ୍ଣ କାର୍ଯ୍ୟ ପାଇଁ ଆଧାର କାର୍ଡ ଦରକାର। ଏହି କାରଣରୁ ପିଲାଙ୍କ ଠାରୁ ଆରମ୍ଭ କରି ବୟସ୍କଙ୍କ ପର୍ଯ୍ୟନ୍ତ ସମସ୍ତଙ୍କ ପାଇଁ ଆଧାର କାର୍ଡ ତିଆରି କରାଯାଇଛି, ଯେଉଁମାନଙ୍କର ଆଧାର କାର୍ଡ ନାହିଁ ସେମାନେ ଅନେକ ସ୍ଥାନରେ ଅସୁବିଧାର ସମ୍ମୁଖୀନ ହେଉଛନ୍ତି। ଆଧାର କାର୍ଡରେ ଭୁଲ ତଥ୍ୟ ହେତୁ ଅନେକ ଲୋକଙ୍କୁ ମଧ୍ୟ ସମସ୍ୟାର ସମ୍ମୁଖୀନ ହେବାକୁ ପଡିଛି। ଏଭଳି ପରିସ୍ଥିତିରେ ସେମାନଙ୍କୁ ସଂଶୋଧନ କରିବାକୁ ପଡିବ । ବର୍ତ୍ତମାନ, ଯଦି ଆପଣଙ୍କର ଆଧାର କାର୍ଡରେ ଥିବା ନାମ କିମ୍ବା ଠିକଣା ଭୁଲ ରହିଛି, ତେବେ ଆପଣ ଏହାକୁ ମାଗଣାରେ ଅପଡେଟ୍‌ କରିପାରିବେ, ମାଗଣା ଅପଡେଟ ପାଇଁ ଶେଷ ତାରିଖ ମଧ୍ୟ ନିକଟତର ।

ଶେଷ ତାରିଖ ପୂର୍ବରୁ ଆପଣ ଅନଲାନ୍‌ରେ ନିଜର ଠିକଣା କିମ୍ବା ନାମ ଅପଡେଟ କରିପାରିବେ। ଅଫଲାଇନ ଅପଡେଟ ପାଇଁ ଆପଣଙ୍କୁ ୫୦ ଟଙ୍କା ଦେୟ ଦେବାକୁ ପଡିବ । ମାର୍ଚ୍ଚ୧୪ ପର୍ଯ୍ୟନ୍ତ ଆଧାର କାର୍ଡ ମାଗଣାରେ ଅପଡେଟ୍‌ ହୋଇପାରିବ। ଆପଣ ଆପଣଙ୍କର ଜନ୍ମ ତାରିଖ, ମୋବାଇଲ ନମ୍ବର କିମ୍ବା ଠିକଣା ଇତ୍ୟାଦି ବିବରଣୀକୁ ମାଗଣାରେ ଅପଡେଟ କରିପାରିବେ।

ଆପଣ ଆଧାରର ଅଫିସିଆଲ ୱେବସାଇଟ ପରିଦର୍ଶନ କରି ଲଗଇନ କରିପାରିବେ ଏବଂ ଏହା ମାଧ୍ୟମରେ ଆଧାର ଅପଡେଟ କରିପାରିବେ। ଏଥିପାଇଁ ଆପଣଙ୍କୁ myaadhaar.uidai.gov.in କୁ ଯିବାକୁ ପଡିବ।

The post ମାଗଣାରେ ଆଧାର କାର୍ଡ ଅପଡେଟ୍‌ କରିବାର ଶେଷ ତାରିଖ ନିକଟତର, ଶୀଘ୍ର ଉଠାନ୍ତୁ ଫାଇଦା appeared first on Dharitri Odia News.