ମୁହଁ ମୋଡିଲେ ମୋଦି ସରକାର, ଲାଲୁ ବି ଦାବି କଲେ ଇସ୍ତଫା, ଚିନ୍ତାରେ ନୀତୀଶ!

ପାଟନା,୨୨।୭: ବିହାର ପାଇଁ ସ୍ବତନ୍ତ୍ର ରାଜ୍ୟ ମାନ୍ୟତା ପାଇବା ସମ୍ଭବ ନୁହେଁ। ମୋଦି ସରକାରଙ୍କ ତରଫରୁ କେନ୍ଦ୍ର ଅର୍ଥ ରାଜ୍ୟମନ୍ତ୍ରୀ ପଙ୍କଜ ଚୌଧୁରୀ ଜେଡିୟୁ ଏମପି ରାମପ୍ରୀତ ମଣ୍ଡଳଙ୍କ ପ୍ରଶ୍ନର ଏହି ଉତ୍ତର ଦେଇଛନ୍ତି। ପଙ୍କଜ ଚୌଧୁରୀ ତାଙ୍କ ଲିଖିତ ଉତ୍ତରରେ କହିଛନ୍ତି ଯେ ବିହାର ସ୍ବତନ୍ତ୍ର ରାଜ୍ୟ ମାନ୍ୟତା ପାଇବା ପାଇଁ ମାନଦଣ୍ଡ ପୂରଣ କରୁନାହିଁ, ଏଭଳି ପରିସ୍ଥିତିରେ ସ୍ବତନ୍ତ୍ର ରାଜ୍ୟ ମାନ୍ୟତା ଦେବା ସମ୍ଭବ ନୁହେଁ।

କେନ୍ଦ୍ର ସରକାରଙ୍କ ଏହି ଉତ୍ତର ପରେ ବିହାରର ରାଜନୈତିକ ତାପମାତ୍ରା ଅଧିକ ରହିଛି। ଲାଲୁ ଯାଦବ ଉଭୟ ନୀତୀଶ କୁମାର ଏବଂ ମୋଦି ସରକାରଙ୍କୁ ଟାର୍ଗେଟ କରିଛନ୍ତି।
ଲାଲୁ ଯାଦବ ଅଭିଯୋଗ କରି କହିଛନ୍ତି, ‘ପ୍ରଧାନମନ୍ତ୍ରୀ ମୋଦି ଏବଂ ନୀତୀଶ ବଡ ନିର୍ଲଜତାରେ ବିହାରକୁ ଏକ ସ୍ବତନ୍ତ୍ର ରାଜ୍ୟ ବୋଲି ଖେଳନା ଧରାଇ ଦେଇଛନ୍ତି। ଜେଡିୟୁ ଭାଜପା ସମ୍ନାରେ ମୁଣ୍ଡ ନୁଆଇଁ କହୁଛି ଯେ ଏହା ଏକ ସ୍ବତନ୍ତ୍ର ରାଜ୍ୟର ମାନ୍ୟତା ନୁହେଁ, ତେବେ ସ୍ବତନ୍ତ୍ର ପ୍ୟାକେଜ ନାଁରେ ଯାହା ବିହାରକୁ କିଛି ବି ଦିଅ।
ଲାଲୁ ଯାଦବ ନୀତୀଶ କୁମାରଙ୍କ ଇସ୍ତଫା ଦାବି କରିଛନ୍ତି। ଲାଲୁ ଯାଦବ କହିଛନ୍ତି ଯେ ନୀତୀଶ କୁମାର କହିଛନ୍ତି ଯେ ସେ ବିହାରକୁ ସ୍ବତନ୍ତ୍ର ମାନ୍ୟତା ଦେବେ, କିନ୍ତୁ କେନ୍ଦ୍ର ସରକାର ମନା କରିଦେଇଛନ୍ତି। ନୀତୀଶ କୁମାର ତୁରନ୍ତ ଇସ୍ତଫା ଦେବା ଉଚିତ୍‌।

The post ମୁହଁ ମୋଡିଲେ ମୋଦି ସରକାର, ଲାଲୁ ବି ଦାବି କଲେ ଇସ୍ତଫା, ଚିନ୍ତାରେ ନୀତୀଶ! appeared first on Dharitri Odia News.