ମେଜର ମନଜିତ୍ ଏବଂ ନାୟକ ଦିଲୱର ଖାନଙ୍କୁ କୀର୍ତ୍ତି ଚକ୍ର, ୧୪ ଜଣଙ୍କୁ ଶୌର୍ଯ୍ୟ ଚକ୍ର

ନୂଆଦିଲ୍ଲୀ: ସଶସ୍ତ୍ର ବଳ ଏବଂ କେନ୍ଦ୍ରୀୟ ସଶସ୍ତ୍ର ପୋଲିସ ବଳର ୯୩ ଯବାନଙ୍କୁ ବୀରତା ପୁରସ୍କାର ପ୍ରଦାନ କରାଯିବ । ୭୬ତମ ସାଧାରଣତନ୍ତ୍ର ଦିବସ ଅବ୍ୟବାହିତ ପୂର୍ବରୁ ଶନିବାର ସଂଧ୍ୟାରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ଏଥିପାଇଁ ପାଇଁ ମଞ୍ଜୁରୀ ଦେଇଛନ୍ତି । ଏଥିରୁ ୧୧ ପୁରସ୍କାର ମରଣୋତ୍ତର ପ୍ରଦାନ କରାଯିବ । ମେଜର ମନଜିତ୍ ଏବଂ ନାୟକ ଦିଲୱର ଖାନଙ୍କୁ କୀର୍ତ୍ତି ଚକ୍ରରେ ସମ୍ମାନିତ କରାଯିବ । ଉଲ୍ଲେଖଯୋଗ୍ୟ ଯେ ଦିଲୱର ଖାନଙ୍କୁ ମରଣୋତ୍ତର କୀର୍ତ୍ତି ଚକ୍ରରେ ସମ୍ମାନିତ କରାଯିବ । ସେହିପରି ୧୪ ବୀର (ତିନି ଜଣଙ୍କୁ ମରଣୋତ୍ତର)ଙ୍କୁ ଶୌର୍ଯ୍ୟ ଚକ୍ର ପ୍ରଦାନ କରାଯିବ ।

କୀର୍ତ୍ତି ଚକ୍ର ଭାରତର ଶାନ୍ତି ସମୟର ସର୍ବୋଚ୍ଚ ବୀରତା ପଦକ ଅଟେ । ଏହି ପଦକ ଯବାନଙ୍କୁ ସେମାନଙ୍କ ଅସାଧାରଣ ବୀରତା ଏବଂ ଅଦମ୍ୟ ସାହସଙ୍କ ପାଇଁ ପ୍ରଦାନ କରାଯାଇଥାଏ । ଚଳିତ ବର୍ଷ ପଞ୍ଜାବ ରେଜିମେଣ୍ଟର ମେଜର ମନଜିତ୍ ଏବଂ ଆର୍ଟିଲରୀ ୨୮ ରାଷ୍ଟ୍ରୀୟ ରାଇଫଲ୍ସର ଦିଲୱର ଖାନ (ମରଣୋତ୍ତର) କୀର୍ତ୍ତି ଚକ୍ର ପ୍ରଦାନ କରାଯିବ ।

ପ୍ରଦାନ କରାଯିବାକୁ ଥିବା ପୁରସ୍କାର

୨ କୀର୍ତ୍ତି ଚକ୍ର

୧୪ ଶୌର୍ଯ୍ୟ ଚକ୍ର

୧ ୱାର୍ ଟୁ ସେନା ମେଡାଲ୍ (ଗ୍ୟାଲେଣ୍ଟ୍ରି)

୬୬ ସେନା ମେଡାଲ (ବୀରତା)

୨ ନୌସେନା ମେଡାଲ (ବୀରତା)

୮ ବାୟୁ ସେନା ମେଡାଲ (ବୀରତା)

ଏହା ବ୍ୟତୀତ ରାଷ୍ଟ୍ରପତି ଦ୍ରୌପଦୀ ମୁର୍ମୁ ସଶସ୍ତ୍ର ବଳ ଏବଂ ଅନ୍ୟ କର୍ମଚାରୀଙ୍କୁ ୩୦୫ ରକ୍ଷା ଅଳଙ୍କରଣ ପ୍ରଦାନ କରିବା ପାଇଁ ମଞ୍ଜୁରୀ ଦିଆଯାଇଛି । ଏଥିରେ ୩୦ ପରମ ବିଶିଷ୍ଟ ସେବା ମେଡାଲ, ୫ ଉତ୍ତମ ଯୁଦ୍ଧ ସେବା ମେଡାଲ, ୫୭ ଅତି ବିଶିଷ୍ଟ ସେବା ପଦକ, ୧୦ ଯୁଦ୍ଧ ସେବା ମେଡାଲ, ୧ ୱାର ଟୁ ସେନା ମେଡାଲ, ୧୫ ବାୟୁସେନା ପଦକ (କର୍ତ୍ତବ୍ୟ ପ୍ରତି ସମର୍ପଣ), ୪ ୱାର୍ ଟୁ ବିଶିଷ୍ଟ ସେବା ମେଡାଲ୍ ଏବଂ ୧୩୨ ବିଶିଷ୍ଟ ସେବା ମେଡାଲ ସାମିଲ ଅଛି ।