‘ମୋତେ ପଳାତକ କହିପାର କିନ୍ତୁ ଚୋର ନୁହେଁ…’: ୯ ବର୍ଷ ପରେ ମୁହଁ ଖୋଲିଲେ ବିଜୟ ମାଲ୍ୟା

ନୂଆଦିଲ୍ଲୀ: ଯଦି ତୁମେ ମୋତେ ପଳାତକ କହିବାକୁ ଚାହୁଁଛ, ତେବେ ତୁମେ କହିପାରିବ, କିନ୍ତୁ ଏଥିରେ 'ଚୋରି' କେଉଁଠି? ଏହା କହିଛନ୍ତି ପଳାତକ ମଦ ବ୍ୟବସାୟୀ ବିଜୟ ମାଲ୍ୟା। କିଙ୍ଗଫିଶର ଏୟାରଲାଇନ୍ସର ବିଫଳତା ପାଇଁ ସେ ସାର୍ବଜନୀନ ଭାବରେ କ୍ଷମା ମାଗିଛନ୍ତି। ଏକ ପୋଡକାଷ୍ଟରେ ସାକ୍ଷାତକାର ଦେଇ ଚୋରି ଅଭିଯୋଗକୁ ମଧ୍ୟ ଅସ୍ୱୀକାର କରିଛନ୍ତି ମାଲ୍ୟା। 

କିଙ୍ଗଫିଶର ଏୟାରଲାଇନ୍ସର ବିଫଳତା ପାଇଁ ସେ ସମସ୍ତଙ୍କ ନିକଟରେ କ୍ଷମା ପ୍ରାର୍ଥନା କରଥିଲେ ମାଲ୍ୟା। ଭାରତରୁ ଦୂରେଇ ରହିବାର କାରଣ ଉପରେ ସେ ଯୁକ୍ତି ବାଢ଼ିଥିଲେ। ଏହି ସମୟ ମଧ୍ୟରେ ମାଲ୍ୟା କୌଣସି ଅପରାଧିକ ଉଦ୍ଦେଶ୍ୟକୁ ଅସ୍ୱୀକାର କରିଥିଲେ।

ଏହା ସହିତ, ପଡକାଷ୍ଟରେ ବିଜୟ ମାଲ୍ୟା କହିଛନ୍ତି ଯେ ଯଦି ଏକ ନିରପେକ୍ଷ ବିଚାରର ନିଶ୍ଚିତତା ମିଳେ ତେବେ ସେ ଭାରତ ଫେରିବା ବିଷୟରେ ବିଚାର କରିପାରିବେ। ମାଲ୍ୟା ମାର୍ଚ୍ଚ ୨୦୧୬ରେ ବ୍ରିଟେନ ପଳାୟନ କରିଥିଲେ। ବ୍ରିଟେନରୁ ମାଲ୍ୟାଙ୍କ ପ୍ରତ୍ୟର୍ପଣ ଚାହୁଁଛି ଭାରତ।

ଅନ୍ୟପକ୍ଷରେ, ଚୋରି ଅଭିଯୋଗ ଉପରେ ବିଜୟ ମାଲ୍ୟା କହିଛନ୍ତି ଯେ ତୁମେ ମୋତେ ପଳାତକ କହିପାରିବ, କିନ୍ତୁ ମୁଁ ପଳାୟନ କରିନାହିଁ। ମୁଁ ଭାରତରୁ ଏକ ପୂର୍ବ ନିର୍ଦ୍ଧାରିତ ଯାତ୍ରାରେ ଆସିଥିଲି। କିନ୍ତୁ ମୁଁ ଅନେକ ଆଇନଗତ ସମସ୍ୟା ପାଇଁ ମୁଁ ଫେରି ନାହିଁ। ତେଣୁ ଯଦି ତୁମେ ମୋତେ ପଳାତକ କହିବାକୁ ଚାହୁଁଛ, ତେବେ ତୁମେ କହିପାରିବ, କିନ୍ତୁ ଏଥିରେ 'ଚୋରି' କେଉଁଠି?

ପ୍ରକାଶଥାଉକି ପୂର୍ବତନ ବ୍ୟବସାୟୀ ବିଜୟ ମାଲ୍ୟାଙ୍କ ଉପରେ ଭାରତୀୟ ବ୍ୟାଙ୍କଗୁଡ଼ିକରୁ କିଙ୍ଗଫିସର ଏୟାରଲାଇନ୍ସକୁ ଦିଆଯାଇଥିବା ୯ ହଜାର କୋଟି ଟଙ୍କାରୁ ଅଧିକ ଋଣ ପରିଶୋଧ ନକରିବାର ଅଭିଯୋଗ ରହିଛି। ସେ ୨୦୧୬ ମସିହାରୁ ରହୁଥିବା ବ୍ରିଟେନରେ ପ୍ରତ୍ୟର୍ପଣ ପ୍ରକ୍ରିୟା ବିରୋଧରେ ଲଢ଼ୁଛନ୍ତି। ୨୦୧୮ ମସିହାରେ ମାଲ୍ୟାଙ୍କ ପ୍ରତ୍ୟର୍ପଣ ସପକ୍ଷରେ ୟୁକେ କୋର୍ଟର ନିଷ୍ପତ୍ତି ସମେତ ଅନେକ ଆଇନଗତ ପ୍ରତିବନ୍ଧକ ସତ୍ତ୍ୱେ, ମିଡିଆ ଟ୍ରାଏଲ୍ ଦର୍ଶାଇ ଭାରତକୁ ତାଙ୍କର ପ୍ରତ୍ୟାବର୍ତ୍ତନକୁ ବିରୋଧ କରୁଛନ୍ତି ବିଜୟ ମାଲ୍ୟା। 

ଭାରତ ୨୦୧୭ ମସିହାରେ ବ୍ରିଟେନରୁ ତାଙ୍କର ପ୍ରତ୍ୟର୍ପଣ ପାଇଁ ଆବେଦନ କରିଥିଲା। ୨୦୧୮ ମସିହାରେ ଲଣ୍ଡନ କୋର୍ଟ ପ୍ରତ୍ୟର୍ପଣକୁ ମଞ୍ଜୁରୀ ଦେଇଥିଲେ ଏବଂ ୨୦୧୯ ମସିହାରେ ୟୁକେ ଗୃହ ସଚିବ ଏହାକୁ ମଞ୍ଜୁରୀ ଦେଇଥିଲେ। କିନ୍ତୁ ଏହା ପରେ ବିଜୟ ମାଲ୍ୟା ଆବେଦନ କରିଥିଲେ ଏବଂ ମାମଲା ଏବେ ଆଇନଗତ ବାଧା ଯୋଗୁଁ ଫସି ରହିଛି।