ମୋଦୀ ସରକାର ୩.୦ରେ ସାମିଲ ମହିଳା ମନ୍ତ୍ରୀଙ୍କୁ କେଉଁ-କେଉଁ ବିଭାଗ ? ଜାଣନ୍ତୁ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱାଧୀନ ଏନଡିଏ ସରକାରର ମନ୍ତ୍ରୀମାନଙ୍କ ବିଭାଗ ବଣ୍ଟନ ହୋଇଛି । ମୋଦୀ ସରକାରଙ୍କ ତୃତୀୟ କାର୍ଯ୍ୟକାଳରେ ଅନେକ ମନ୍ତ୍ରୀଙ୍କୁ ସେମାନଙ୍କ ପୁରୁଣା ବିଭାଗ ମିଳିଛି । ଅନ୍ୟପଟେ କିଛି ମନ୍ତ୍ରୀଙ୍କ ବିଭାଗ ପରିବର୍ତ୍ତନ କରାଯାଇଛି । ପିଏମ୍ ମୋଦୀଙ୍କ ସମେତ ରବିବାର ମୋଟ ୭୨ ସାଂସଦ ମନ୍ତ୍ରୀ ପଦର ଶପଥ ନେଇଥିଲେ । ଏଥିରେ ୭ ଜଣ ମହିଳା ସାଂସଦ ସାମିଲ ଅଛନ୍ତି । ତେବେ ଆସନ୍ତୁ ଜାଣିବା ମୋଦୀ କ୍ୟାବିନେଟ ୩.୦ରେ ସାମିଲ ଏହି ମହିଳା ମନ୍ତ୍ରୀଙ୍କୁ କେଉଁ କେଉଁ ବିଭାଗ ମିଳିଛି ।

• ନିର୍ମଳା ସୀତାରମଣ-ଅର୍ଥ ମନ୍ତ୍ରଣାଳୟ
• ଅନ୍ନପୂର୍ଣ୍ଣା ଦେବୀ-ମହିଳା ଏବଂ ଶିଶୁ କଲ୍ୟାଣ ମନ୍ତ୍ରଣାଳୟ
• ଅନୁପ୍ରିୟା ପଟେଲ- ସ୍ୱାସ୍ଥ୍ୟ ଏବଂ ପରିବାର କଲ୍ୟାଣ ମନ୍ତ୍ରଣାଳୟରେ ରାଷ୍ଟ୍ର ମନ୍ତ୍ରୀ
• ଶୋଭା କରନ୍ଦଲାଜେ- ଏମଏସଏମଇ (ରାଷ୍ଟ୍ର ମନ୍ତ୍ରୀ), ଶ୍ରମ ଏବଂ ରୋଜଗାର (ରାଷ୍ଟ୍ର ମନ୍ତ୍ରୀ)
• ସାବିତ୍ରୀ ଠାକୁର-ମହିଳା ଏବଂ ଶିଶୁ କଲ୍ୟାଣ ମନ୍ତ୍ରଣାଳୟରେ ରାଷ୍ଟ୍ର ମନ୍ତ୍ରୀ
• ନୀମୁବେନ ବାମ୍ଭାନିଆ- ଖାଉଟି ମାମଲା ଏବଂ ସାର୍ବଜାନୀନ ବିତରଣ ମନ୍ତ୍ରଣାଳୟରେ ରାଷ୍ଟ୍ର ମନ୍ତ୍ରୀ
• ରକ୍ଷା ଖଡସେ-ଯୁବ ଏବଂ ଖେଳ ମନ୍ତ୍ରଣାଳୟରେ ରାଷ୍ଟ୍ର ମନ୍ତ୍ରୀ

ଉଲ୍ଲେଖଯୋଗ୍ୟ ଯେ ମୋଦୀ ୩.୦ କ୍ୟାବିନେଟରେ ସାମିଲ ମୋଟ କ୍ୟାବିନେଟ୍ ମନ୍ତ୍ରୀଙ୍କ ମଧ୍ୟରେ ବିଜେପିର ୨୫ ଜଣ ଏବଂ ସହଯୋଗୀ ଦଳଙ୍କ ୫ ଜଣ ଅଛନ୍ତି । ଅନ୍ୟପଟେ ସ୍ୱତନ୍ତ୍ର ପ୍ରଭାର ସହ ୫ ସାଂସଦଙ୍କୁ ରାଷ୍ଟ୍ର ମନ୍ତ୍ରୀ କରାଯାଇଛି । ଯେଉଁଥିରେ ବିଜେପିର ୩ ଏବଂ ଜୟନ୍ତ ଚୌଧୁରୀଙ୍କ ରୂପେ ଆରଏଲଡି ଏବଂ ପ୍ରତାପରାଓ ଯାଦବଙ୍କ ରୂପେ ଶିବସେନାର ଜଣେ ସାମିଲ ଅଛନ୍ତି ।