ମୟୂରଭଞ୍ଜରେ ଝାଡ଼ଖଣ୍ଡୀ ହାତୀଙ୍କ ଉପଦ୍ରବ, ବେତନଟୀ ରେଞ୍ଜ ଅଞ୍ଚଳରେ ଅଛନ୍ତି ୫୭ ଟିକିଆ ହାତୀପଲ

ମୟୂରଭଞ୍ଜ : ମୟୂରଭଞ୍ଜ ଜିଲ୍ଲାରେ ଥମୁନି ହାତୀ ଆତଙ୍କ। ଦୀର୍ଘ ୪ ଦିନ ହେଲା ବେତନଟୀ ରେଞ୍ଜ ଅଞ୍ଚଳରେ ଅଛନ୍ତି ୫୭ ଟିକିଆ ଝାଡ଼ଖଣ୍ଡି ହାତୀପଲ।  ଆଜି ବେତନଟୀ ରେଞ୍ଜ ଦଲକୀ ସଂରକ୍ଷିତ ଜଙ୍ଗଲରେ ଡେରା ପକାଇଛନ୍ତି ।  ଏହି ଝାଡ଼ଖଣ୍ଡି ହାତୀ ପ୍ରତିବର୍ଷ ଭଳି ପଶ୍ଚିମବଙ୍ଗ ଦେଇ ମୟୂରଭଞ୍ଜ ଜିଲ୍ଲାରେ ପଶିଛନ୍ତି ।

ନିଳଗିରୀ ଯିବା ରାସ୍ତାରେ ବ୍ୟାପକ ଫସଲ ନଷ୍ଟ କରୁଛନ୍ତି । ହାତୀପଲଙ୍କୁ ନେଇ ଏବେ ଚିନ୍ତିତ ଅଞ୍ଚଳବାସୀ ।  ଦିନ ତମାମ ଜଙ୍ଗଲରେ ରହୁଛନ୍ତି ।  ସନ୍ଧ୍ୟା ହେବା ମାତ୍ରେ ଜଙ୍ଗଲରୁ ବାହାରି ଧାନକ୍ଷେତରେ ପଶୁଛନ୍ତି ।  ୨ ଦିନ ହେଲା ଆଗକୁ ନ ବଢ଼ି ଦଲକୀ ସଂରକ୍ଷିତ ଜଙ୍ଗଲରେ ରହି ବନ ବିଭାଗ ପାଇଁ ଚିନ୍ତା ବଢାଇଛନ୍ତି ।

The post ମୟୂରଭଞ୍ଜରେ ଝାଡ଼ଖଣ୍ଡୀ ହାତୀଙ୍କ ଉପଦ୍ରବ, ବେତନଟୀ ରେଞ୍ଜ ଅଞ୍ଚଳରେ ଅଛନ୍ତି ୫୭ ଟିକିଆ ହାତୀପଲ appeared first on KNews Odisha.