ଯଦି ସୂର୍ଯ୍ୟ ପଶ୍ଚିମରେ ଉଦୟ ହୁଅନ୍ତି, ତେବେ କ’ଣ ସବୁ ଘଟିବ ପୃଥିବୀରେ ଜାଣନ୍ତୁ…

ସମସ୍ତେ ଜାଣିଛନ୍ତି ଯେ, ସୂର୍ଯ୍ୟ ପୂର୍ବରେ ଉଦୟ ହୋଇ ପଶ୍ଚିମରେ ଅସ୍ତ ଯାନ୍ତି। ଏହି କାରଣରୁ ପାଣିପାଗରେ ପରିବର୍ତ୍ତନ ଘଟେ। ଋତୁଚକ୍ର ବଦଳିଥାଏ। ଯେଉଁ ଋତୁରେ ଯାହା ଘଟିବା କଥା ତାହା ହିଁ ଘଟିଥାଏ। ଶୀତ ଋତୁରେ ପୃଥିବୀପୃଷ୍ଠରେ ବରଫ ଆଚ୍ଛାଦିତ ହୋଇଥାଏ। ଏହା ପରେ ଧୀରେ ଧୀରେ ବସନ୍ତ ଆସେ ଏବଂ ତା’ପରେ ଗ୍ରୀଷ୍ମ।

ବୈଜ୍ଞାନିକଙ୍କ ଅନୁଯାୟୀ, ପୃଥିବୀର ଘୂର୍ଣ୍ଣନ ହେତୁ ଏହି ସବୁ ଘଟେ। କିନ୍ତୁ ଯଦି ସୂର୍ଯ୍ୟ ପଶ୍ଚିମରେ ଉଦୟ ହୁଅନ୍ତି ତେବେ ପୃଥିବୀ ଉପରେ ଏହାର ପ୍ରଭାବ କ’ଣ ହେବ? ଏହାର ଉତ୍ତର ଜାଣିଲେ ଆଶ୍ଚର୍ଯ୍ୟ ହେବେ।

କିଛି ବର୍ଷ ପୂର୍ବେ ଯେତେବେଳେ ବୈଜ୍ଞାନିକମାନେ ଜାଣିବାକୁ ପାଇଲେ ଯେ, ଶୁକ୍ର ଧୀରେ ଧୀରେ ପଛକୁ ଘୂରିଥିଲେ ସେତେବେଳେ ଲୋକେ ଭୟଭୀତ ହୋଇଯାଇଥିଲେ। କାରଣ ଏହା ପୃଥିବୀ ଉପରେ ଖରାପ ପ୍ରଭାବ ପକାଇପବା ଭୟ ରହିଥିଲା। କିନ୍ତୁ ପରେ ଏହା ଆବିଷ୍କୃତ ହେଲା ଯେ, ଶୁକ୍ର ପ୍ରକୃତରେ ଦିଗକୁ ଓଲଟାଇ ନ ଥିଲୋ ବରଂ ଓଲଟପାଲଟ ହୋଇଥିଲେ। ଏହା ସେତେଟା ଚିନ୍ତାର ବିଷୟ ନୁହେଁ। କିନ୍ତୁ ଯଦି ପୃଥିବୀ ସହିତ ଏହା ଘଟେ ତେବେ କ’ଣ ହେବ?

ରିପୋର୍ଟ ଅନୁଯାୟୀ, ପଶ୍ଚିମରୁ ସୂର୍ଯ୍ୟ ଉଦୟ ହେବା ସମ୍ଭବ ଯେତେବେଳେ ପୃଥିବୀ ପଶ୍ଚିମରୁ ପୂର୍ବ ପରିବର୍ତ୍ତେ ପଶ୍ଚିମ ଦିଗକୁ ଘୂର୍ଣ୍ଣନ କରିବା ଆରମ୍ଭ କରେ। ଯଦି ଏହା ଘଟେ ତେବେ ପୃଥିବୀର ବାୟୁମଣ୍ଡଳ ଏତେ ଶୀଘ୍ର ପରିବର୍ତ୍ତନ ହେବ ନାହିଁ। ଫଳାଫଳ ସୁପରସୋନିକ୍‌ ପବନ ଏବଂ ଝଡ଼ ହେବ। ସମୁଦ୍ରରେ ଭୟଙ୍କର ସୁନାମି ପରିସ୍ଥିତି ସୃଷ୍ଟି ହେବ। ଅନେକ ପ୍ରାଣୀ ବିଲୁପ୍ତ ହୋଇଯିବେ।

ପବନର ଦିଗ ଓଲଟା ହେବ। ସମୁଦ୍ର ସ୍ରୋତ ଦିଗରେ ମଧ୍ୟ ପରିବର୍ତ୍ତନ ଆସିବ। ଆଜି ଉତ୍ତର ଏବଂ ଦକ୍ଷିଣ ଆମେରିକାର ସବୁଜ ଜଙ୍ଗଲ ମରୁଭୂମିରେ ପରିଣତ ହେବ। ଏଥିସହିତ ସାହାରା ଏବଂ ମଧ୍ୟ ପୂର୍ବର ମରୁଭୂମି ଅଞ୍ଚଳରେ ସବୁଜତା ଦେଖାଯିବ। ପବନର ପରିବର୍ତ୍ତନ ତାପମାତ୍ରାରେ ପରିବର୍ତ୍ତନ ଆଣିବ। ପୂର୍ବ ୟୁରୋପ ଏବଂ ଉତ୍ତର ଚାଇନାରେ ଏହା ଥଣ୍ଡା ହେବା ଆରମ୍ଭ କରିବ। ମରୁଭୂମିରେ ତାପମାତ୍ରା ହ୍ରାସ ପାଇବ ଏବଂ ଜୀବନ୍ତ ଅବସ୍ଥା ସେଠାରେ ରହିବ। ତଥାପି ଏହା ସମୁଦ୍ର କୂଳରେ ଅଧିକ ପ୍ରଭାବ ପକାଇବ ନାହିଁ।

ବୈଜ୍ଞାନିକଙ୍କ ଅନୁଯାୟୀ, ଏହା ମଧ୍ୟ ସମ୍ଭବ ଯେ ଉପକୂଳବର୍ତ୍ତୀ ଅଞ୍ଚଳ ବ୍ୟତୀତ ମୌସୁମୀ ଅନ୍ୟ କୌଣସି ସ୍ଥାନକୁ ଆସି ନ ପାରେ। ଭାରତର ଉତ୍ତରରେ ଅବସ୍ଥିତ ୪-୫ ରାଜ୍ୟରେ ପାଗ ଅତି ଶୀଘ୍ର ବଦଳିଯିବ। କେତେକ ଉପକୂଳବର୍ତ୍ତୀ ଅଞ୍ଚଳ ବୁଡ଼ି ଯାଇପାରେ। ମାଟି ଭିତରେ ଲୁଚି ରହିଥିବା ସମ୍ବଳ ବାହାରକୁ ଆସିପାରେ। କିଛି ଫସଲ ଏବଂ ଖାଦ୍ୟ ସାମଗ୍ରୀର ଉତ୍ପାଦନରେ ହ୍ରାସ ଘଟିବ। ବାୟୁରେ ଆର୍ଦ୍ରତା କମ୍‌ ରହିବ କିନ୍ତୁ ପାଗ ଥଣ୍ଡା ରହିବ। ମାଟିର ଉପର ପୃଷ୍ଠ କମ୍‌ ଉର୍ବର ହେବ। ଅନେକ ପ୍ରାଣୀ ଯେଉଁମାନେ ପରିବର୍ତ୍ତନକୁ ସହ୍ୟ କରି ପାରିବେ ନାହିଁ, ବିଲୁପ୍ତ ହୋଇଯିବେ। ପୃଥିବୀର ମାଧ୍ୟାକର୍ଷଣରେ ପରିବର୍ତ୍ତନ ହୋଇପାରେ। ଏହା ମଣିଷ ଉପରେ ସିଧାସଳଖ ପ୍ରଭାବ ପକାଇବ।

The post ଯଦି ସୂର୍ଯ୍ୟ ପଶ୍ଚିମରେ ଉଦୟ ହୁଅନ୍ତି, ତେବେ କ’ଣ ସବୁ ଘଟିବ ପୃଥିବୀରେ ଜାଣନ୍ତୁ… appeared first on Dharitri Odia News.