ଯେଉଁ ବ୍ୟକ୍ତି ଡିଜାଇନ କରିଥିଲେ ଟଙ୍କାର ପ୍ରତୀକ ‘‘₹’’, ଷ୍ଟାଲିନଙ୍କ ନିଷ୍ପତ୍ତି ଉପରେ ଦେଲେ ବଡ଼ ବୟାନ…

ଚେନ୍ନାଇ, ତାମିଲନାଡ଼ୁରେ ଚାଲିଥିବା ଭାଷା ବିବାଦ ମଧ୍ୟରେ ଷ୍ଟାଲିନ ସରକାର ବଡ଼ ନିଷ୍ପତ୍ତି ନେଇଛନ୍ତି। ବଜେଟ ସମୟରେ ସରକାର ଟଙ୍କାର ବ୍ୟବହାରୀକ ପ୍ରତୀକ ‘₹’ ହଟାଇ ଦେଇଛନ୍ତି। ତାମିଲନାଡୁ ବଜେଟରୁ ଟଙ୍କା ଲୋଗୋ ହଟାଇବା ପରେ, ଭାଷା ବିବାଦ ଜୋର ଧରିବାରେ ଲାଗିଛି। ଏପରି ପରିସ୍ଥିତିରେ, ତାମିଲନାଡୁ ସରକାର ରାଜ୍ୟ ବଜେଟ ପାଇଁ ନୂତନ ରୂପି ଲୋଗୋ ପ୍ରକାଶ କରିବାର କିଛି ଘଣ୍ଟା ପରେ ରୁପି ଲୋଗୋ ଡିଜାଇନ କରିଥିବା ଆଇଆଇଟି ଗୌହାଟୀର ପ୍ରଫେସର ଡି ଉଦୟ କୁମାର ବଡ଼ ବୟାନ ଦେଇଛନ୍ତି। ସେ ସିଧାସଳଖ ଭାଷା ବିବାଦରେ ପଡ଼ିବାକୁ ମନା କରିଦେଇଛନ୍ତି। ସେ କହିଛନ୍ତି ଯେ ଏହା କେବଳ ଏକ ସଂଯୋଗ ଥିଲା ଯେ ତାଙ୍କ ବାପା ଜଣେ ଡିଏମକେ ବିଧାୟକ ଥିଲେ।

ଭାଷାକୁ ନେଇ ତାମିଲନାଡୁରେ ପୂର୍ବରୁ ଏକ ବିବାଦ ଦେଖାଦେଇଥିଲା। ଏହି ସମୟରେ, ରାଜ୍ୟର ଦ୍ରାବିଡ଼ ମୁନେତ୍ର କାଝଗମ (DMK) ସରକାର 2025-26 ଆର୍ଥିକ ବର୍ଷ ପାଇଁ ଗୁରୁବାର ପ୍ରକାଶିତ ଲୋଗୋରେ ଭାରତୀୟ ଟଙ୍କା ପ୍ରତୀକ ପରିବର୍ତ୍ତେ ତାମିଲ ଅକ୍ଷର ବ୍ୟବହାର କରିଛନ୍ତି। ଏହି ବଜେଟ ଆଜି ବିଧାନସଭାରେ ଉପସ୍ଥାପିତ ହେବାକୁ ଯାଉଛି।

ପ୍ରଫେସର ଡି ଉଦୟ କୁମାର କହିଛନ୍ତି ଯେ ସରକାର ହଠାତ ଅନୁଭବ କଲେ ଯେ ପରିବର୍ତ୍ତନର ଆବଶ୍ୟକତା ଅଛି ଏବଂ ସେମାନେ ସେମାନଙ୍କର ସ୍କ୍ରିପ୍ଟ ଲାଗୁ କରିବାକୁ ଚାହୁଁଛନ୍ତି। ଏହା ରାଜ୍ୟ ସରକାରଙ୍କ ଉପରେ ର୍ନିଭର କରେ। ତେଣୁ, ଏ ବିଷୟରେ ମୋର କିଛି କହିବାର ନାହିଁ। ଏହା ସମ୍ପୂର୍ଣ୍ଣ ଭାବରେ ସରକାରଙ୍କ ଉପରେ ର୍ନିଭର କରେ। କୁମାରଙ୍କ ପିତା ଏନ ଧର୍ମଲିଙ୍ଗମ, ୧୯୭୧ ମସିହାରେ ଋଷିବନ୍ଦିୟମ ର୍ନିବାଚନମଣ୍ଡଳୀରୁ ଡିଏମକେ ଦଳର ବିଧାୟକ ଥିଲେ। ସେ କହିଥିଲେ ଯେ ମୋ ବାପା ମୋ ଜନ୍ମ ପୂର୍ବରୁ ମଧ୍ୟ ଜଣେ ବିଧାୟକ ଥିଲେ। ଏବେ ସେ ବୃଦ୍ଧ ହୋଇଗଲେଣି ଏବଂ ଆମ ଗାଁରେ ଶାନ୍ତିରେ ଜୀବନ ବିତାଉଛନ୍ତି। ଏହା କେବଳ ଏକ ସଂଯୋଗ ଥିଲା।

ଭାରତୀୟ ମୁଦ୍ରାକୁ ତାମିଲ ଭାଷାରେ ରୁବେ କୁହାଯାଏ। ଲୋଗୋରେ ‘ସମସ୍ତଙ୍କ ପାଇଁ ସବୁକିଛି’ ମଧ୍ୟ ଲେଖାଯାଇଛି, ଯାହା ରାଜ୍ୟରେ ଶାସକ ଡିଏମକେର ଅନ୍ତର୍ଭୁକ୍ତିମୂଳକ ଶାସନ ମଡେଲର ଦାବିକୁ ସୂଚିତ କରେ। ମୁଁ ଯେଉଁ ଡିଜାଇନ ତିଆରି କରିଛି ତାହା ସରକାରଙ୍କ ଦ୍ୱାରା ମଗାଯାଇଥିବା କିଛି ଆବଶ୍ୟକତା ଉପରେ ଆଧାରିତ। ଏହା ଭାରତ ସରକାରଙ୍କ ଦ୍ୱାରା ଆୟୋଜିତ ଏକ ପ୍ରତିଯୋଗିତା ଥିଲା। ମୁଁ ଅଂଶଗ୍ରହଣ କଲି ଏବଂ ମୋର ଡିଜାଇନ ପ୍ରତିଯୋଗିତାରେ ମନୋନୀତ ହେଲା, ଏବଂ ତା’ପରେ ଏହାକୁ କାର୍ଯ୍ୟକାରୀ କରାଗଲା।

The post ଯେଉଁ ବ୍ୟକ୍ତି ଡିଜାଇନ କରିଥିଲେ ଟଙ୍କାର ପ୍ରତୀକ ‘‘₹’’, ଷ୍ଟାଲିନଙ୍କ ନିଷ୍ପତ୍ତି ଉପରେ ଦେଲେ ବଡ଼ ବୟାନ… appeared first on Dharitri Odia News.