ଯେସାକୁ ତେସା ନୀତି ଆପଣାଇଲେ ମୋଦି: ଆମେରିକାକୁ ଦେଲେ ପାନେ

ନୂଆଦିଲ୍ଳୀ,୧୩।୫: ଭାରତ ଶେଷରେ ଆମେରିକାର ଏକପାଖିଆ ଟାରିଫ୍‌ ବିରୋଧରେ ପ୍ରତିଶୋଧ ନେବାକୁ ନିଷ୍ପତ୍ତି ନେଇଛି। ଆମେରିକା ଭାରତୀୟ ଇସ୍ପାତ ଏବଂ ଆଲୁମିନିୟମ ଉତ୍ପାଦ ଉପରେ ଭାରୀ ଟାରିଫ୍‌ ଲଗାଇଥିଲା, ଏବେ ଭାରତ ବିଶ୍ୱ ବାଣିଜ୍ୟ ସଂଗଠନ (WTO) ଅଧୀନରେ ପ୍ରତିଶୋଧମୂଳକ ଟାରିଫ୍‌ ଲାଗୁ କରିବାକୁ ଯାଉଛି। ଏହି ପଦକ୍ଷେପ ଏକ ସ୍ପଷ୍ଟ ବାର୍ତ୍ତା ଦେଉଛି, ଭାରତ ଏବେ ଚୁପ ରହିବ ନାହିଁ।

WTO ଅନୁଯାୟୀ, ଆମେରିକାର ପଦକ୍ଷେପ ଭାରତର ଇସ୍ପାତ ଏବଂ ଆଲୁମିନିୟମ ରପ୍ତାନିକୁ ୭.୬ ବିଲିୟନ ଡଲାର ପ୍ରଭାବିତ କରିଛି। ଭାରତ ଏବେ ୧.୯୧ ବିଲିୟନ ଡଲାର ପର୍ଯ୍ୟନ୍ତ ସମାନ ଟାରିଫ୍‌ ଆଦାୟ କରିବାକୁ ପ୍ରସ୍ତୁତ ହେଉଛି।

ଟ୍ରମ୍ପଙ୍କ ବାଣିଜ୍ୟ ନୀତିର ପରିଣାମ ଏବେ ଆମେରିକାକୁ ଭୋଗିବାକୁ ପଡ଼ିପାରେ। ଭାରତ ଭଳି ଏକ ବଡ଼ ବଜାର ସହିତ ମୁକାବିଲା ଆମେରିକାର ଘରୋଇ ଶିଳ୍ପ ଲବି ପାଇଁ ଚିନ୍ତାର ବିଷୟ ହେବ। ଭାରତରୁ ଆମେରିକୀୟ ରପ୍ତାନି ଉପରେ ସମାନ ଟାରିଫ୍‌ ଲାଗୁ କରିବା ଦ୍ୱାରା ଆମେରିକୀୟ ଉତ୍ପାଦଗୁଡ଼ିକ ପ୍ରତିଯୋଗିତାମୂଳକ ସ୍ଥିତି ହରାଇପାରନ୍ତି, ବିଶେଷକରି ଯନ୍ତ୍ରପାତି, କୃଷି ଏବଂ ଶିଳ୍ପ କ୍ଷେତ୍ରରେ।

ଏହି ପଦକ୍ଷେପ ଦୁଇ ଦେଶ ମଧ୍ୟରେ ବାଣିଜ୍ୟ ସମ୍ପର୍କରେ ବାଧା ସୃଷ୍ଟି କରିପାରେ, ବିଶେଷକରି ଯେତେବେଳେ ଆମେରିକା ଭାରତକୁ ଚାଇନାର ବିକଳ୍ପ ଭାବରେ ଦେଖୁଛି। ଭାରତ ପୂର୍ବରୁ ଆଲୋଚନାର ପଥ ଗ୍ରହଣ କରିଥିଲା କିନ୍ତୁ ଆମେରିକା କ୍ରମାଗତ ଭାବରେ ଟାରିଫ୍‌ ବୃଦ୍ଧି କରିବା ଏବଂ ଚୁକ୍ତିନାମାରୁ ଓହରି ଯିବା ପରେ, ଭାରତ ଏବେ WTOର ସୁରକ୍ଷା ଚୁକ୍ତିନାମା ଅନୁଯାୟୀ ରିହାତିକୁ ସ୍ଥଗିତ ରଖିବାକୁ ପ୍ରସ୍ତାବ ଦେଇଛି। ଏହା କେବଳ ଟାରିଫ୍‌ପ୍ରତି ଏକ ପ୍ରତିକ୍ରିୟା ନୁହେଁ, ଏହା ଏକ ବାର୍ତ୍ତା ଯେ ଭାରତ ଏବେ ସମାନ ପ୍ରତିଯୋଗିତା ଦେବାକୁ ପ୍ରସ୍ତୁତ।

The post ଯେସାକୁ ତେସା ନୀତି ଆପଣାଇଲେ ମୋଦି: ଆମେରିକାକୁ ଦେଲେ ପାନେ appeared first on Dharitri Odia News.