ରାଜଧାନୀରେ ବଡ଼ଧରଣ ଅଗ୍ନିକାଣ୍ଡ, ଗୋଦାମରେ ଥିବା ସାମଗ୍ରୀ ଜଳିପୋଡ଼ି ନଷ୍ଟ…

ଭୁବନେଶ୍ୱର: ରାଜଧାନୀରେ ବଡ଼ଧରଣ ଅଗ୍ନିକାଣ୍ଡ। ଭୁବନେଶ୍ୱର ସତ୍ୟନଗରସ୍ଥିତ ୱେରହାଉସରେ ଅଗ୍ନିକାଣ୍ଡ ହୋଇଥିବା ସୂଚନା ମିଳିଛି। ଏହି ଆଗ୍ନିକାଣ୍ଡରେ ବିଭିନ୍ନ କାମ୍ପାନୀର ଗ୍ରାଇଣ୍ଡର, ପ୍ରେସର କୁକର ଓ ଫ୍ୟାନ ଜଳିପୋଡ଼ି ପାଉଁଶ ହୋଇଯାଇଛି। ଅଗ୍ନିକାଣ୍ଡ କାରଣ ଅସ୍ପଷ୍ଟ ରହିଥିବାବେଳେ ଗୋଦାମରେ ଥିବା ସାମଗ୍ରୀ ଜଳିପୋଡ଼ି ନଷ୍ଟ ହୋଇଯାଇଛି। ଗୋଦାମରେ ନିଆଁ ଲାଗିଥିବା ଦେଖିବା ପରେ ସ୍ଥାନୀୟଲୋକେ ଗୋଦାମ ମାଲିକ ଓ ଅଗ୍ନିଶମ ବାହିନୀକୁ ଖବର ଦେଇଥିଲେ। ଏହି ଗୋଦାମରେ ତାଲା ପଡ଼ିଥିବାରୁ ପାଣି ଢାଳି ନିଆଁ ଲିଭାଇବା ସହଜ ହୋଇ ନ ଥିଲା। ଫଳରେ ଚାରିଆଡେ ନିଆଁ ବ୍ୟାପି ଯାଇଥିଲା। ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବାକୁ ଅଗ୍ନିଶମ ବାହିନୀର ୧୦ଟି ଟିମର ୧୦୦ରୁ ଉର୍ଦ୍ଧ୍ବ କର୍ମଚାରୀ ଉଦ୍ୟମ ଜାରି ରଖଛନ୍ତିି। ପ୍ରଥମ ଥର ପାଇଁ ନିଆଁଲିଭା କାର୍ଯ୍ୟରେ ରୋବୋଟିକ ମେସିନର ସାହାଯ୍ୟ ନିଆଯାଇଛି।