ରାଜା-ରାଣୀଙ୍କ ଉପରକୁ କାଦୁଅ ଫୋପାଡି ବିରୋଧ କଲେ ଜନତା

ମାଦ୍ରିଦ,୪।୧୧: ଦଶନ୍ଧି ମଧ୍ୟରେ ସ୍ପେନ ସବୁଠାରୁ ଭୟଙ୍କର ବନ୍ୟା ପରିସ୍ଥିତିର ସମ୍ମୁଖୀନ ହୋଇଛି । ଏହି ବନ୍ୟାରେ ଏପର୍ଯ୍ୟନ୍ତ ୨୦୦ରୁ ଅଧିକ ଲୋକ ପ୍ରାଣ ହରାଇଛନ୍ତି। ନିଖୋଜ ଲୋକଙ୍କୁ ଖୋଜାଖୋଜି କରାଯାଉଛି। ବର୍ତ୍ତମାନ ବନ୍ୟା ପ୍ରଭାବିତ ଲୋକଙ୍କ କ୍ରୋଧ ମଧ୍ୟ ସରକାରଙ୍କ ଉପରେ ବଢିବାରେ ଲାଗିଛି। ସ୍ପେନର ରାଜା ଫେଲିପ ଏବଂ ରାଣୀ ଲେଟିଜିଆ ବନ୍ୟା ପ୍ରଭାବିତ ସହର ପାପୋରାଟା ପରିଦର୍ଶନ କରିଛନ୍ତି। ଏଠାରେ ତାଙ୍କୁ ଲୋକଙ୍କ କ୍ରୋଧର ସାମ୍ନା କରିବାକୁ ପଡିଥିଲା। ଲୋକମାନେ ରାଜା ଓ ରାଣୀଙ୍କ ଉପରେ କାଦୁଅ ଫିଙ୍ଗିଥିଲେ। ବିରୋଧ କରି ସ୍ଲୋଗାନ ବି ଦେଇଥିଲେ।

ଯେତେବେଳେ ରାଜ ଏବଂ ତାଙ୍କର ପ୍ରତିନିଧୀ ପାପୋରଟା ସହର ଦେଇ ଯିବା ଆରମ୍ଭ କଲେ, ବନ୍ୟା ପ୍ରଭାବିତ ଲୋକମାନେ ମଧ୍ୟ ରାଜାଙ୍କ ବିରୋଧରେ ‘ହତ୍ୟାକାରୀ’ ଏବଂ ‘ଲଜ୍ଜା କରି’ କହି ସ୍ଲୋଗାନ ଦେଇଥିଲେ। ତେବେ ଏହି ସମୟରେ ରାଜା ଓ ରାଣୀ ଲୋକମାନଙ୍କୁ ଭେଟି ସେମାନଙ୍କୁ ସାନ୍ତ୍ୱନା ଦେଇଥିଲେ। କିନ୍ତୁ ରାଜା ଓ ରାଣୀଙ୍କ ମୁହଁ କାଦୁଅରେ ଆଚ୍ଛାଦିତ ହୋଇଥିଲା। ଏହା ସତ୍ତ୍ୱେ ରାଜା ମଧ୍ୟ ଅନେକ ଲୋକଙ୍କୁ ଆଲିଙ୍ଗନ କଲେ।
ରାଜା ଏବଂ ରାଣୀଙ୍କ ସହିତ ସ୍ପେନର ପ୍ରଧାନମନ୍ତ୍ରୀ ପେଡ୍ରୋ ସାଞ୍ଚେଜ ଏବଂ ଭାଲେନ୍ସିଆ ସଂସଦର ମୁଖ୍ୟ କାର୍ଲୋସ ମାଜୋନ ଥିଲେ। କିନ୍ତୁ ଏମାନଙ୍କୁ ଦେଖଇବା ପରେ ବି ଜନତାଙ୍କ କ୍ରୋଧ କମିଲା ନାହିଁ। ଏହା ପରେ ପ୍ରଧାନମନ୍ତ୍ରୀଙ୍କୁ ସେଠାରୁ ସୁରକ୍ଷିତ ଭାବେ ବାହାରକୁ ନିଆଯାଇଥିଲା। ସ୍ପେନର ଗଣମାଧ୍ୟମ ରିପୋର୍ଟ ଅନୁଯାୟୀ, ପିଏମ ସାଞ୍ଚେଜଙ୍କୁ ଅନେକ ଜିନିଷ ଉପରେ ଆକ୍ରମଣ କରାଯାଇଥିଲା। ବିବିସି ଅନୁଯାୟୀ, ପିଏମ ସାଞ୍ଚେଜଙ୍କ କାରରେ ମଧ୍ୟ ପଥର ମାଡ ହୋଇଛି।
ପରେ ସ୍ପେନ ପୋଲିସ କ୍ରୋଧିତ ଜନତାଙ୍କୁ ବଳ ପ୍ରୟୋଗ କରିବାକୁ ଚେଷ୍ଟା କରିଥିଲା। ସୂଚନା ଅନୁଯାୟୀ, ବନ୍ୟା ପ୍ରଭାବିତ ଭାଲେନ୍ସିଆ ପ୍ରଦେଶର ଚିଭା ସହରକୁ ରାଜା ଏବଂ ରାଣୀଙ୍କୁ ମଧ୍ୟ ଯିବାକୁ ପଡିଲା। କିନ୍ତୁ କ୍ରୋଧିତ ଭିଡ଼ ଯୋଗୁଁ ଏହି ଯାତ୍ରା ବାତିଲ କରିବାକୁ ପଡିଲା।
କର୍ତ୍ତୃପକ୍ଷଙ୍କ ବନ୍ୟା ପରିସ୍ଥିତି ସତର୍କତା ସତ୍ତ୍ୱେ ପର୍ଯ୍ୟାପ୍ତ ସହାୟତା ଅଭାବରୁ ଲୋକମାନେ ଅସନ୍ତୋଷ ପ୍ରକାଶ କରିଛନ୍ତି। ଅନ୍ୟପକ୍ଷରେ ବନ୍ୟା ପରିସ୍ଥିତି ଯୋଗୁଁ ରିଲିଫ ଓ ଉଦ୍ଧାର କାର୍ଯ୍ୟ ଚାଲିଛି। ଜରୁରୀକାଳୀନ କର୍ମଚାରୀମାନେ ଲୋକଙ୍କୁ ଉଦ୍ଧାର କରିବାରେ ବ୍ୟସ୍ତ ଅଛନ୍ତି। ଅଣ୍ଡରଗ୍ରାଉଣ୍ଡ ପାର୍କିଂ ଏବଂ ଟନେଲରେ ଲୋକଙ୍କ ମୃତଦେହ ମିଳିଛି।

The post ରାଜା-ରାଣୀଙ୍କ ଉପରକୁ କାଦୁଅ ଫୋପାଡି ବିରୋଧ କଲେ ଜନତା appeared first on Dharitri Odia News.