ରେଣୁକାସ୍ଵାମୀ ହତ୍ୟା ମାମଲା ; ଅଭିନେତା ଦର୍ଶନଙ୍କୁ ମିଳିଲା ସର୍ତ୍ତମୂଳକ ଜାମିନ

ମୁମ୍ଵାଇ ୩୦।୧୦: କର୍ଣ୍ଣାଟକ ହାଇକୋର୍ଟ ଅଭିନେତା ଦର୍ଶନଙ୍କୁ ୬ ସପ୍ତାହ ଜାମିନ ପ୍ରଦାନ କରିଛନ୍ତି। ମେଡିକାଲ ଆଧାରରେ ତାଙ୍କୁ ଏହି ଜାମିନ ମିଳିଛି। ରେନୁକାସ୍ୱାମୀ ହତ୍ୟା ମାମଲାରେ ଦର୍ଶନ କର୍ଣ୍ଣାଟକର ବେଲାରୀ ଜେଲରେ ରହିଛନ୍ତି। ଏହାପୂର୍ବରୁ ତାଙ୍କୁ ବେଙ୍ଗାଲୁରୁ ଜେଲରେ ରଖାଯାଇଥିଲା। ତା’ପରେ ତାଙ୍କୁ ଜେଲରେ 'ଭିଆଇପି ଚିକିତ୍ସା' ଦିଆଯାଉଥିବା ଅଭିଯୋଗ ହୋଇଥିଲା। ଏହା ପରେ ତାଙ୍କୁ ବେଲାରୀକୁ ସ୍ଥାନାନ୍ତର କରାଯାଇଥିଲା। କହିବାକୁ ଗଲେ ଦର୍ଶନଙ୍କୁ ହତ୍ୟା ମାମଲାରେ ଅନ୍ୟ ଅଭିଯୁକ୍ତଙ୍କ ସହ ଜୁନ୍ ମାସରେ କର୍ଣ୍ଣାଟକ ପୋଲିସ ଗିରଫ କରିଥିଲା। 

ଦର୍ଶନଙ୍କୁ କାହିଁକି ମିଳିଲା ଜାମିନ ?

ସୂଚନାନୁସାରେ, ମେରୁଦଣ୍ଡ ଅସ୍ତ୍ରୋପଚାର ପାଇଁ ଦର୍ଶନ ଥୁଗୁଦୀପା କର୍ଣ୍ଣାଟକ ହାଇକୋର୍ଟରେ ଜାମିନ ଆବେଦନ କରିଥିଲେ। ଏହି ମାମଲାରେ ଡାକ୍ତରୀ ପରୀକ୍ଷା ରିପୋର୍ଟ ଉପସ୍ଥାପନ କରିବାକୁ କୋର୍ଟ ପ୍ରଶାସନକୁ କହିଥିଲେ। ରିପୋର୍ଟରେ କୁହାଯାଇଛି ଯେ ତାଙ୍କ ପିଠି ସମସ୍ୟା ପାଇଁ ଦର୍ଶନଙ୍କୁ ଫିଜିଓଥେରାପି କିମ୍ବା ଅସ୍ତ୍ରୋପଚାର କରିବାକୁ ପଡିପାରେ। ଏହା ପରେ ମେଡିକାଲ ଆଧାରରେ କୋର୍ଟ ଦର୍ଶନଙ୍କୁ ୬ ସପ୍ତାହ ପାଇଁ ମଧ୍ୟବର୍ତ୍ତୀକାଳୀନ ଜାମିନ ପ୍ରଦାନ କରିଛନ୍ତି।

ଏହି ମାମଲାରେ ଟ୍ରାଏଲ କୋର୍ଟ ଜାମିନ ପ୍ରଦାନ ନକରିବାକୁ ଦର୍ଶନଙ୍କ ନିଷ୍ପତ୍ତିକୁ ଚ୍ୟାଲେଞ୍ଜ କରିଛନ୍ତି ଏବଂ ନିୟମିତ ଜାମିନ ଆବେଦନ ମଧ୍ୟ ହାଇକୋର୍ଟରେ ବିଚାରାଧୀନ ଅଛି। ଏନେଇ ଶୀଘ୍ର ହାଇକୋର୍ଟରେ ମଧ୍ୟ ଶୁଣାଣି ହୋଇପାରେ।