ରୋଗୀଙ୍କ ପାଇଁ ବଡ଼ ଆଶ୍ୱସ୍ତି, ୨୦୨୫ ମାର୍ଚ୍ଚ ଯାଏ ୭୮୨ ଅତିଆବଶ୍ୟକୀୟ ଔଷଧର ମୂଲ୍ୟରେ ହେବନି ବୃଦ୍ଧି

ନୂଆଦିଲ୍ଲୀ: ଚଳିତ ଆର୍ଥିକ ବର୍ଷରେ ଔଷଧ ଗ୍ରାହକଙ୍କ ପାଇଁ କେନ୍ଦ୍ର ସରକାର ବଡ଼ ଆଶ୍ୱସ୍ତି ଦେଇଛନ୍ତି । କେନ୍ଦ୍ର ସ୍ୱାସ୍ଥ୍ୟମନ୍ତ୍ରୀ ମନସୁଖ ମାଣ୍ଡଭିୟ ଗୁରୁବାର କହିଛନ୍ତି ଯେ ଆର୍ଥିକ ବର୍ଷ ୨୦୨୪-୨୫ରେ ଅତିଆବଶ୍ୟକୀୟ ଔଷଧର ମୂଲ୍ୟରେ କୌଣସି ବୃଦ୍ଧି ହେବ ନାହିଁ । ସେ କହିଛନ୍ତି ଯେ ପାଇକାରୀ ମୂଲ୍ୟ ଆଧାରିତ ମୁଦ୍ରାସ୍ଫୀତିରେ ଅତି ସାମାନ୍ୟ ବୃଦ୍ଧିକୁ ଦେଖି ଆର୍ଥିକ ବର୍ଷ ୨୦୨୪-୨୫ର ଅତିଆବଶ୍ୟକୀୟ ଔଷଧର ମୂଲ୍ୟରେ ବୃଦ୍ଧି ପାଇଁ କୌଣସି ଔଷଧ କମ୍ପାନିକୁ ଅନୁମତି ଦିଆଯିବ ନାହିଁ ।

ଉଲ୍ଲେଖଯୋଗ୍ୟ ଯେ ଏନପିପିଏ ନିକଟରେ ଜାରି କରିଥିବା ବିଜ୍ଞପ୍ତିରେ କହିଥିଲା ଯେ କ୍ୟାଲେଣ୍ଡର ବର୍ଷ ୨୦୨୨ ତୁଳନାରେ ୨୦୨୩ରେ ଡବ୍ଲୁପିଆଇରେ ବାର୍ଷିକ ପରିବର୍ତ୍ତନ ୦.୦୦୫ ପ୍ରତିଶତ ହୋଇପାରେ । ଏଥିପାଇଁ ଆବଶ୍ୟକ ଔଷଧଙ୍କ ରାଷ୍ଟ୍ରୀୟ ସୂଚୀ (NLEM)ରେ ସାମିଲ ଔଷଧର ମୂଲ୍ୟ ସ୍ଥିର ରହିବ ।

ଉଲ୍ଲେଖଯୋଗ୍ୟ ଯେ ଏନପିପିଏ ଡବ୍ଲୁପିଆଇ ଆଧାରରେ ଅନୁସୂଚିତ ଔଷଧଙ୍କ ସର୍ବାଧିକ ମୂଲ୍ୟରେ ସଂଶୋଧନ କରିଥାଏ । ଏବଂ ଭାରତ ସରକାରର ରସାୟନ ଏବଂ ଉର୍ବରକ ମନ୍ତ୍ରଣାଳୟର ରସାୟନ ଏବଂ ମେଟ୍ରୋରସାୟନ ରିପାର୍ଟମେଣ୍ଟ ଅଧିନରେ କାମ କରିଥାଏ ।

ଔଷଧ ମୂଲ୍ୟ ନିୟନ୍ତ୍ରଣ ଆଦେଶ ୨୦୧୩ର ପାରା ୧୬(୨) ଅନୁସାରେ ଡବ୍ଲୁପିଆଇ ଆଧାରରେ ଔଷଧ ନିର୍ମାତା କମ୍ପାନି ଲିଷ୍ଟେଡ ଔଷଧର ଏମଆରପି ସ୍ଥିର କରିଥାନ୍ତି । ଔଷଧଗୁଡ଼ିକୁ ଦୁଇଟି ଭାଗ-ସିଡ୍ୟୁଲ୍ ଏବଂ ନନ୍-ସିଡ୍ୟୁଲ ଫର୍ମୁଲେସନ ରୂପେ ବିଭକ୍ତ କରାଯାଇଛି ।

ସରକାରୀ ବୟାନ ଅନୁସାରେ, ଡବ୍ଲୁପିଆଇ ଆଧାରରେ ୭୮୨ ଔଷଧ ପାଇଁ ବର୍ତ୍ତମାନ ସିଲିଂରେ କୌଣସି ପରିବର୍ତ୍ତନ ହେବ ନାହିଁ । ଏବଂ ବର୍ତ୍ତମାନର ସିଲିଂରେ ୨୦୨୫ ମାର୍ଚ୍ଚ ୩୧ ସୁଦ୍ଧା ଲାଗୁ ରହିବ । ୯୦ ଟଙ୍କାରୁ ୨୬୧ ଟଙ୍କା ଯାଏ ୫୪ ଔଷଧର ସର୍ବୋଚ୍ଚ ମୂଲ୍ୟରେ ୦.୦୧ ଟଙ୍କାର ସାମାନ୍ୟ ବୃଦ୍ଧି ହେବ । ଔଷଧ ମୂଲ୍ୟକୁ ନେଇ ସରକାରଙ୍କ ଆଭିମୁଖ୍ୟ କଡ଼ା ରହିଛି । ଆବଶ୍ୟକୀୟ ଔଷଧର ରାଷ୍ଟ୍ରୀୟ ସୂଚୀରେ ସାମିଲ ୬୫୧ ଔଷଧର ମୂଲ୍ୟ ଏପ୍ରିଲ ୧, ୨୦୨୩ରୁ ୬.୭୩ ପ୍ରତିଶତ କମ ହୋଇଛି । କାରଣ ସରକାର ଏହି ଔଷଧଗୁଡ଼ିକ ମୂଲ୍ୟରେ ଅଙ୍କୁଶ ଲଗାଇ ଦେଇଥିଲେ ।