ଲଗାଣ ବର୍ଷାରେ ଫୁଲିଲା ଦେଓ ନଦୀ, ବୁଡିଗଲା ଉଦଳା ଜାମୁଘାଟ ପୋଲ

ଉଦଳା ୦୫/୦୮: ଉପର ମୁଣ୍ଡରେ ଲଗାଣ ବର୍ଷା । ଲଗାଣ ବର୍ଷା ଜାରି ରହିଥିବା କାରଣରୁ ଫୁଲିଲା ଦେଓ ନଦୀ । ଦେଓ ନଦୀର ଜଳସ୍ତର ବୃଦ୍ଧି ପାଇବା ଫଳରେ ଉଦଳା ଜାମୁଘାଟ ପୋଲ ଉପରେ ୨ ଫୁଟ ଉଚ୍ଚର ପାଣି ପ୍ରବାହିତ ହେଉଛି । ବୁଡ଼ିଯାଇଛି ଜାମୁଘାଟ ପୋଲ । ଲଗାଣ ବର୍ଷା ଜାରି ରହିଥିବା ବେଳେ ହଠାତ ଆଜି ଦେଓ ନଦୀର ଜଳସ୍ତର ବୃଦ୍ଧି ପାଇବା ସହିତ ଜାମୁଘାଟ ପୋଲ ବୁଡି ଯାଇଛି । 

ଏହି ପୋଲ ବୁଡି ଯାଇଥିବା ବେଳେ ପୋଲ ଉପରେ ପ୍ରଖର ବେଗରେ ପାଣି ପ୍ରବାହିତ ହେଉଛି, ଯାହା ଫଳରେ ଉଦଳା-ବାଲେଶ୍ୱର ଯୋଗାଯୋଗ ବାଧାପ୍ରାପ୍ତ ହୋଇଛି । କେବଳ ସେତିକି ନୁହେଁ ଏହି ପୋଲ ବୁଡିବା ଫଳରେ ୨ ଗୋଟି ବ୍ଲକ ଅଞ୍ଚଳକୁ ଯୋଗାଯୋଗ ବାଧାପ୍ରାପ୍ତ ହୋଇଛି। ହେଲେ ଏହି ପ୍ରଖର ସୁଅରେ ମଧ୍ୟ ଲୋକେ ପୋଲ ଉପରେ ଜୀବନ କୁ ବାଜି ଲଗାଇ ବିପଦ ସଂକୁଳ ଅବସ୍ଥାରେ ଯାତାୟାତ କରୁଛନ୍ତି।