ଲଦାଖରେ ମର୍ମନ୍ତୁଦ ସଡ଼କ ଦୁର୍ଘଟଣା, ଦୁଇ ଯବାନ ସହିଦ

ଲଦାଖ: କେନ୍ଦ୍ର ଶାସିତ ଅଞ୍ଚଳ ଲଦାଖର ଲେହ ଜିଲ୍ଲାରେ ଏକ ସଡ଼କ ଦୁର୍ଘଟଣାରେ ଦୁଇ ଜଣ ସେନା ଯବାନ ସହିଦ ହୋଇଛନ୍ତି। ଶନିବାର ଲଦାଖରେ ଦେଶ ସେବା କରିବା ସମୟରେ ପ୍ରାଣବଳି ଦେଇଥିବା ସୈନିକମାନଙ୍କୁ ହାବଲଦାର କିଶୋର ବାରା ଏବଂ ସିପାହୀ ସୂରଜ କୁମାର ଭାବରେ ଚିହ୍ନଟ କରାଯାଇଛି। ଏହି ସହିଦମାନଙ୍କ ପାର୍ଥିବ ଶରୀରକୁ ସାମରିକ ସମ୍ମାନ ସହିତ ଲେହରୁ ସେମାନଙ୍କ ଘରକୁ ପଠାଯାଉଛି। ଲଦାଖର ସୁରକ୍ଷା ପାଇଁ ଦାୟୀ ସେନାର ଫାୟାର ଆଣ୍ଡ ଫ୍ୟୁରି କୋର୍ପସ ସୈନିକଙ୍କ ମୃତ୍ୟୁରେ ଗଭୀର ଶୋକ ପ୍ରକାଶ କରିଛି।

ଶୁକ୍ରବାର ଦିନ ଖ୍ରୀଷ୍ଟମାସ ଦିବସରେ ସୈନିକମାନଙ୍କ ବଳିଦାନ ଏବଂ ଦେଶ ପ୍ରତି ସେମାନଙ୍କ ଅବଦାନକୁ ସଲାମ କରିଛନ୍ତି କୋର୍ପସ କମାଣ୍ଡର। ସେ କୋରସର ଅଧିକାରୀ ଏବଂ ଜବାନମାନଙ୍କ ପକ୍ଷରୁ ଶୋକସନ୍ତପ୍ତ ପରିବାରବର୍ଗଙ୍କୁ ସମବେଦନା ଜଣାଇଥିଲେ। ସେହି ସମୟରେ, ସେନାର ଉତ୍ତର କମାଣ୍ଡର ଜେନେରାଲ ଅଫିସର କମାଣ୍ଡିଂ ଇନ୍ ଚିଫ୍, ଲେଫ୍ଟନାଣ୍ଟ ଜେନେରାଲ ଏମଭି ସୁଚିନ୍ଦ୍ର କୁମାର ମଧ୍ୟ ନିଜ ଜୀବନ ବଳିଦାନ ଦେଇଥିବା ସୈନିକଙ୍କ ସାହସିକତାର ପ୍ରଶଂସା କରିଥିଲେ।

The post ଲଦାଖରେ ମର୍ମନ୍ତୁଦ ସଡ଼କ ଦୁର୍ଘଟଣା, ଦୁଇ ଯବାନ ସହିଦ appeared first on .