ଲୋକ ସଭା ନିର୍ବାଚନ ଲଢିବେ ନାହିଁ ମଲ୍ଲିକାର୍ଜୁନ? ଗୁଲବର୍ଗା ଆସନରୁ ଏହି ନାମକୁ ନେଇ ହେଉଛି ଚର୍ଚ୍ଚା

ନୂଆଦିଲ୍ଲୀ,୭।୩: କଂଗ୍ରେସ ଅଧ୍ୟକ୍ଷ ମଲ୍ଲିକାର୍ଜୁନ ଖାର୍ଗେଙ୍କ ପୁତୁରା ରାଧାକୃଷ୍ଣ ଦୋଡାମଣି କର୍ନାଟକର ଗୁଲବର୍ଗା ଆସନରୁ ଆସନ୍ତା ଲୋକ ସଭା ନିର୍ବାଚନ ପାଇଁ ଦଳ ଟିକେଟ ପାଇଁ ଦୃଢ ପ୍ରତିଯୋଗୀ ଭାବରେ ଉଭା ହୋଇଛନ୍ତି। ମଲ୍ଲିକାର୍ଜୁନ ଖାର୍ଗେ (୮୧) ଗୁଲବର୍ଗା (କଲବୁରାଗି) ଲୋକ ସଭା ଆସନରୁ ଦୁଇଥର ଜିତିଛନ୍ତି, କିନ୍ତୁ ୨୦୧୯ ନିର୍ବାଚନରେ ପରାଜୟର ସମ୍ମୁଖୀନ ହେବାକୁ ପଡିଥିଲା।

ମଲ୍ଲିକାର୍ଜୁନ ଖାର୍ଗେ କଲବୁରାଗିରୁ ନିର୍ବାଚନ ପ୍ରତିଦ୍ୱନ୍ଦ୍ୱିତା କରିବା ସପକ୍ଷରେ ନାହାଁନ୍ତି ବୋଲି ଦଳର ବରିଷ୍ଠ ନେତା କହିଛନ୍ତି, ରାଜ୍ୟ ସଭାରେ ବିରୋଧୀ ଦଳର ନେତାଙ୍କର ଅନେକ ଦାୟିତ୍ୱ ରହିଛି। ଜାତୀୟ ସ୍ତରରେ ପାର୍ଟି ବ୍ୟାପାର ପରିଚାଳନା ବ୍ୟତୀତ ତାଙ୍କୁ ଇଣ୍ଡିଆନ ନେଶନାଲ ଡେଭଲପମେଣ୍ଟାଲ ଇନକ୍ଲୁସିଭ ଆଲାଇନ୍ସ (ଇଣ୍ଡିଆ ଆଲାଇନ୍ସ) ର ସହଭାଗୀମାନଙ୍କ ସହ ସମନ୍ବୟ ରକ୍ଷା କରିବାକୁ ପଡିବ।
ସେ କହିଛନ୍ତି, ଏହା ବ୍ୟତୀତ ତାଙ୍କର ରାଜ୍ୟ ସଭାରେ ଚାରି ବର୍ଷରୁ ଅଧିକ କାର୍ଯ୍ୟକାଳ ବାକି ଅଛି। ତାଙ୍କ ପୁଅ ପ୍ରିୟଙ୍କ ଖାର୍ଗେ ଗୁଲବର୍ଗ ଅଞ୍ଚଳର ଚିତ୍ରପୁର ବିଧାନସଭା ନିର୍ବାଚନମଣ୍ଡଳୀରୁ ପ୍ରତିନିଧିତ୍ୱ କରୁଛନ୍ତି ଏବଂ କର୍ନାଟକର ସିଦ୍ଧରମୟାଙ୍କ ନେତୃତ୍ୱାଧୀନ ସରକାରରେ ଜଣେ ମନ୍ତ୍ରୀ ଅଟନ୍ତି। ସେ ମଧ୍ୟ ଲୋକ ସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଆଗ୍ରହୀ ନୁହଁନ୍ତି।
ଦଳର ନେତା କହିଛନ୍ତି, ଶିକ୍ଷାନୁଷ୍ଠାନ ପରିଚାଳନା କରୁଥିବା ଜଣେ ବ୍ୟବସାୟୀ ଡୋଡାମଣି ମୁଖ୍ୟ ପ୍ରତିଦ୍ୱନ୍ଦ୍ୱୀ ବୋଲି ଜଣାପଡିଛି। ପାର୍ଟି ସୂତ୍ରରୁ ପ୍ରକାଶ ଯେ ପୂର୍ବତନ ଅଧ୍ୟକ୍ଷା ସୋନିଆ ଗାନ୍ଧୀ ଏବଂ କଂଗ୍ରେସ ସାଂସଦ ରାହୁଲ ଗାନ୍ଧୀଙ୍କ ସମେତ ବରିଷ୍ଠ ନେତାଙ୍କ ପରାମର୍ଶ କ୍ରମେ ଖାର୍ଗେ ନିର୍ବାଚନ ଲଢିବେ କା ନା ତାହାର ଶେଷ ନିଷ୍ପତ୍ତି ନେବେ।

The post ଲୋକ ସଭା ନିର୍ବାଚନ ଲଢିବେ ନାହିଁ ମଲ୍ଲିକାର୍ଜୁନ? ଗୁଲବର୍ଗା ଆସନରୁ ଏହି ନାମକୁ ନେଇ ହେଉଛି ଚର୍ଚ୍ଚା appeared first on Dharitri Odia News.