ଶେୟାର ବଜାରର ଉତ୍ସାହ, ମାର୍କେଟ କ୍ୟାପ୍ ୪୦୪ ଲକ୍ଷ କୋଟି ପାର

ମୁମ୍ବାଇ,୨୫।୪: ଗୁରୁବାର ଦ୍ୱିପ୍ରହରରେ ଶେୟାର ବଜାରରେ କିଣାବିକା ବଢିବା ସହିତ ଭାରତୀୟ ଶେୟାର ବଜାର ଉତ୍ସାହ ସହିତ ବନ୍ଦ ହୋଇଛି। ସେନସେକ୍ସ ୭୪,୦୦୦ ପଏଣ୍ଟ ପାର କରିଥିବା ବେଳେ ନିଫ୍ଟି ୨୨,୫୦୦ ଉପରକୁ ଚାଲି ଯାଇଥିଲା। ବ୍ୟାଙ୍କିଙ୍ଗ ସେକ୍ଟର ଠାରୁ ଆରମ୍ଭ କରି ଆଇଟି ସମେତ ପ୍ରାୟ ସମସ୍ତ କ୍ଷେତ୍ରର ଶେୟାରରେ ଉତ୍ସାହ ପରିଲକ୍ଷିତ ହୋଇଥିଲା। ଦିନର କାରବାର ଶେଷ ହେବା ବେଳକୁ ବିଏସଇ ସେନସେକ୍ସ ୪୮୭ ପଏଣ୍ଟ ବୃଦ୍ଧି ସହିତ ବନ୍ଦ ହୋଇଥିଲା, ଯେତେବେଳେ ନିଫ୍ଟି ୧୫୬ ପଏଣ୍ଟ ବୃଦ୍ଧି ସହିତ ୨୨,୫୫୮ ପଏଣ୍ଟରେ ବନ୍ଦ ହୋଇଥିଲା।

ଶେୟାର ବଜାରରେ ଅହେତୁକ ବୃଦ୍ଧି ଯୋଗୁଁ ଭାରତୀୟ ଷ୍ଟକ୍ ମାର୍କେଟର ମାର୍କେଟ୍ କ୍ୟାପ୍ ଏହାର ଐତିହାସିକ ଉଚ୍ଚରେ ପହଂଚିଛି। ବିଏସଇରେ ତାଲିକାଭୁକ୍ତ ଶେୟାରଗୁଡିକର ମାର୍କେଟ କ୍ୟାପ୍ ୪୦୪.୦୯ ଲକ୍ଷ କୋଟିରେ ବନ୍ଦ ହୋଇଯାଇଥିଲା ଯାହା ପୂର୍ବ ଅଧିବେଶନରେ ୪୦୧.୪୭ ଲକ୍ଷ କୋଟିରେ ବନ୍ଦ ହୋଇଯାଇଥିଲା। ଏହାର ଅର୍ଥ ହେଉଛି ଆଜିର ବ୍ୟବସାୟରେ ନିବେଶକଙ୍କ ସମ୍ପତ୍ତିରେ ୨.୬୨ ଲକ୍ଷ କୋଟି ଟଙ୍କା ବୃଦ୍ଧି ପାଇଛି।

The post ଶେୟାର ବଜାରର ଉତ୍ସାହ, ମାର୍କେଟ କ୍ୟାପ୍ ୪୦୪ ଲକ୍ଷ କୋଟି ପାର appeared first on Dharitri Odia News.