ସତ୍ୟନଗରରେ ଥିବା ଇଲେକ୍ଟ୍ରୋନିକ୍ସ ଗୋଦାମରେ ବଡ଼ଧରଣର ଅଗ୍ନିକାଣ୍ଡ, ନିଆଁ ଆୟତ ପାଇଁ ଲାଗିଛନ୍ତି ୨୫୦ କର୍ମଚାରୀ

ଭୁବନେଶ୍ବର : ରାଜଧାନୀ ଭୁବନେଶ୍ବରରେ ସୋମବାର ସନ୍ଧ୍ୟାରେ ବଡ଼ଧରଣର ଅଗ୍ନିକାଣ୍ଡ ଘଟିଛି। ସ୍ଥାନୀୟ ସତ୍ୟନଗରରେ ଥିବା ଏକ ଇଲେକ୍ଟ୍ରୋନିକ୍ସ ଗୋଦାମରେ ଲାଗିଛି ଏହି ନିଆଁ । ଅଗ୍ନିକାଣ୍ଡ ଅତି ଭୟଙ୍କର ରୂପଧାରଣ କରିଥିବାରୁ ଏହା ସହଜରେ ନିୟନ୍ତ୍ରଣକୁ ଆସିପାରି ନାହିଁ।

ବର୍ତ୍ତମାନ ପର୍ଯ୍ୟନ୍ତ 90 ପ୍ରତିଶତ ନିଆଁ ଆୟତ ହୋଇଛି । ଅଗ୍ନିଶମ ବାହିନୀର  ମୋଟ 250 କର୍ମଚାରୀଙ୍କ ସମେତ ମୋଟ 15 ଟି ଗାଡିର ବ୍ୟବହାର  ହୋଇଥିଲା ନିଆଁ ଆୟତ ପାଇଁ । ଆମର ଟିମ୍ ଉଭୟ ପୂର୍ବ ଏବଂ ପଶ୍ଚିମ ପାର୍ଶ୍ୱରୁ ନିଆଁକୁ ଆୟତ କରିବା ପାଇଁ ପାଣି ସିଞ୍ଚନ କରୁଥିଲେ ।

ମାତ୍ର ଗୋଦାମ ବହୁତ୍ ବଡ଼ ହୋଇଥିବାରୁ ଏବଂ ଗୋଦାମ ମଧ୍ୟରେ ଅନେକ ଯାନ୍ତ୍ରିକ ଉପକରଣ ରହିଥିବାରୁ   ନିଆଁ ଅଧିକ ଜୋରରେ  ପରିବ୍ୟାପ୍ତ  ହୋଇଥିଲା। ସେପଟେ ଗୋଦାମରେ  ବହୁତ୍ ବଡ଼ ଅଞ୍ଚଳ  ହୋଇଥିବାରୁ  ଗୋଦମର ମଝିରେ  ପାଣି ପଡ଼ିପାରୁ ନଥିଲା । ଯେଉଁଥିପାଇଁ ନିଆଁକୁ ଆୟତ କରିବାକୁ ବେଶୀ ସମୟ ଲାଗିଥିଲା ।

ତେବେ ପ୍ରଥମ ଥର ପାଇଁ ନିଆଁ  ଲିଭାଇବାରେ ଆମେ ରୋବୋଟିକ ଫାୟାର ଫାଇଟର  ବ୍ୟବହାର  କରିଥିଲୁ। ଯେହେତୁ ଗୋଦାମ ମଧ୍ୟରେ ପଶି ଆମର ଆଗ୍ନିକମନେ ନିଆଁ  ଲିଭାଇବା ସମ୍ଭବ ନଥିଲା, ସେଥିପାଇଁ ଆମେ ରୋବାଟିକ ଫାୟାର ଫାଇଟର୍ ର ସାହାଯ୍ୟ ନେଇଥିଲୁ । ତେବେ ନିଆଁ କେମିତି ଲାଗିଛି ତାର ତଦନ୍ତ ପରବର୍ତ୍ତୀ ସମୟରେ  ହେବ । ଆମର ଟିମ୍ ସଠିକ ସମୟରେ ପହଞ୍ଚି  ନିଆଁ ଲିଭାଇବା କାମରେ ନିୟୋଜିତ ହୋଇଥିଲେ ବୋଲି କହିଛନ୍ତି ମୁଖ୍ୟ ଫାୟାର ଅଧିକାରୀ  ।

ସେପଟେ ଗୋଦାମ ମାଲିକଙ୍କ ଭାଇ କହିଛନ୍ତି, ଗୋଦାମ ବନ୍ଦ କରିକି ଯିବା ପରେ ଧୁଆ ବାହାରୁଥିବା ଦେଖିବାକୁ ମିଳିଥିଲା । ପରେ ଖବର ପାଇ ଆମେ ଅଗ୍ନିଶମ ବାହିନୀକୁ ଖବର ଦେଇଥିଲୁ। ତେବେ ଗୋଦାମ ମଧ୍ୟରେ ପ୍ରାୟ 7 କୋଟିରୁ ଅଧୀଖଟଙ୍କର ସାମଗ୍ରୀ ଜଳିପୋଡ଼ି ପାଉଁଶ ହୋଇଯାଇଛି ।  ନିଆଁ ଲାଗିବାର  କାରଣ  ଏ ପର୍ଯ୍ୟନ୍ତ ଅସ୍ପଷ୍ଟ  ରହିଛି ।

The post ସତ୍ୟନଗରରେ ଥିବା ଇଲେକ୍ଟ୍ରୋନିକ୍ସ ଗୋଦାମରେ ବଡ଼ଧରଣର ଅଗ୍ନିକାଣ୍ଡ, ନିଆଁ ଆୟତ ପାଇଁ ଲାଗିଛନ୍ତି ୨୫୦ କର୍ମଚାରୀ appeared first on KNews Odisha.