ସାମ୍ନାକୁ ଆସିଲା 'ରାମାୟଣର' ଟିଜର, ପୂରା ଷ୍ଟାରକାଷ୍ଟଙ୍କ ଚରିତ୍ର ଉପରୁ ହଠିଲା ପରଦା

ମୁମ୍ଵାଇ ୦୪।୦୭; ବଲିଉଡ ହ୍ୟାଣ୍ଡସମ୍‌ ହଙ୍କ ରଣବୀର କପୁର ଏବଂ ସାଉଥ ସୁପରଷ୍ଟାର ୟଶଙ୍କ ଆଗାମୀ ଫିଲ୍ମ 'ରାମାୟଣ' ପାଇଁ ସମସ୍ତେ ଅପେକ୍ଷା କରିଥିଲେ । ଦୀର୍ଘ ଅପେକ୍ଷା ପରେ, ଶେଷରେ ଏହି ଫିଲ୍ମର ପ୍ରଥମ ଝଲକ ସାମ୍ନାକୁ ଆସିଛି । ନିର୍ମାତା ନମିତ ମଲହୋତ୍ରା ତାଙ୍କ ସୋସିଆଲ ମିଡିଆରେ ଫିଲ୍ମର ପ୍ରଥମ ଝଲକ ଟିଜର ସେୟାର କରିଛନ୍ତି । ଦେଶର ୯ଟି ସହରରେ ଏହି ଝଲକ ପ୍ରଦର୍ଶିତ ହୋଇଛି । ଯେଉଁଥିରେ ମୁମ୍ବାଇ, ଦିଲ୍ଲୀ, ବାଙ୍ଗାଲୋର, ଚେନ୍ନାଇ, ଅହମ୍ମଦାବାଦ, ହାଇଦ୍ରାବାଦ, କୋଲକାତା, ପୁନେ ଏବଂ କୋଚି ସାମିଲ।

ନିର୍ମାତା ନମିତ ମଲହୋତ୍ରା ତାଙ୍କ ସୋସିଆଲ ମିଡିଆ ଇନଷ୍ଟାଗ୍ରାମରେ ଫିଲ୍ମର ପ୍ରଥମ ଝଲକ ଟିଜର ସେୟାର କରିଛନ୍ତି । ପ୍ରଥମ ଲୁକ୍ ଟିଜର ଭିଡିଓରେ ରଣବୀର କପୁର ଏବଂ ୟଶଙ୍କ ଲୁକ୍ ଦେଖିବାକୁ ମିଳିଛି । ପ୍ରଥମ ଲୁକ୍ ଭିଡିଓରେ ରାମ ଏବଂ ରାବଣଙ୍କ ମଧ୍ୟରେ ଲଢ଼େଇ ଦେଖାଯାଇଛି । ସୋସିଆଲ ମିଡିଆରେ ପ୍ରଶଂସକମାନେ ରଣବୀର ଏବଂ ୟଶଙ୍କୁ ବହୁତ ପସନ୍ଦ କରୁଛନ୍ତି । ରାବଣ ଭୂମିକାରେ ୟଶଙ୍କୁ ଦେଖି ପ୍ରଶଂସକମାନେ ଉତ୍ସାହିତ ଅଛନ୍ତି । ସମସ୍ତ ଷ୍ଟାରକାଷ୍ଟଙ୍କ ନାଁ ଏବଂ ଚରିତ୍ର ମଧ୍ୟ ସାମ୍ନାକୁ ଆସିଛି । ରଣବୀର ଫିଲ୍ମରେ ରାମ ଭୂମିକାରେ ଅଭିନୟ କରୁଥିବା ବେଳେ  ସାଇ ପଲ୍ଲବୀ ଫିଲ୍ମରେ ମା ସୀତା ଭୂମିକାରେ ଅଭିନୟ କରୁଛନ୍ତି। ଫିଲ୍ମର ପ୍ରଥମ ଭାଗ ୨୦୨୬ରେ ମୁକ୍ତିଲାଭ କରିବ। ଦ୍ୱିତୀୟ ଭାଗ ୨୦୨୭ରେ ରିଲିଜ୍‌ ହେବ ।

ନିର୍ମାତା ନମିତ ମଲହୋତ୍ରା ଏହା ସେୟାର କରି ସେ କ୍ୟାପସନରେ ଲେଖିଛନ୍ତି, 'ଦଶ ବର୍ଷର ଆକାଂକ୍ଷା । ସର୍ବକାଳୀନ ମହାକାବ୍ୟକୁ ବିଶ୍ୱ ସମ୍ମୁଖରେ ପହଞ୍ଚାଇବା ପାଇଁ ନିରନ୍ତର ବିଶ୍ୱାସ । ବିଶ୍ୱର କିଛି ଶ୍ରେଷ୍ଠ ବ୍ୟକ୍ତିଙ୍କ ସହଯୋଗ ମାଧ୍ୟମରେ ଏକ ଫଳାଫଳ ଯାହା ନିଶ୍ଚିତ କରିବ ଯେ ରାମାୟଣକୁ ସର୍ବୋତ୍ତମ ଶ୍ରଦ୍ଧା ଏବଂ ସମ୍ମାନ ସହିତ ଉପସ୍ଥାପନ କରାଯାଇଛି । ଆରମ୍ଭକୁ ସ୍ୱାଗତ । ଆସନ୍ତୁ ରାମ ବନାମ ରାବଣର ଅମର କାହାଣୀକୁ ପାଳନ କରିବା । ଆମର ସତ୍ୟ । ଆମର ଇତିହାସ ।'