ସିରିଜ ବୋମାମାଡରେ ଥରିଲା ରାଜଧାନୀ, ବାଇକରେ ଆସି ଫିଙ୍ଗି ଚାଲିଗଲେ ଦୁର୍ବୃତ୍ତ

ଭୁବନେଶ୍ୱର ୧୯/୦୯: ସିରିଜ ବୋମାମାଡରେ ଥରିଲା ରାଜଧାନୀ ଭୁବନେଶ୍ୱର । ବିଳମ୍ୱିତ ରାତିରେ ଆସି ବାଇକରେ ବୋମା ଫିଙ୍ଗି ଚାଲିଗଲେ ଦୁର୍ବୃତ୍ତ । କେଦାରପଲ୍ଲୀ ବସ୍ତିର ଦୁଇ ଜାଗାରେ ବୋମା ମାଡ ହୋଇଥିବା ସୂଚନା । ଦୁଇଟି ଜାଗାରେ ସିରିଜ୍ ବୋମା ମାଡ଼ରେ ଥରି ଉଠିଛି ବାପୁଜୀ ନଗର । ଘଟଣା ସ୍ଥଳରେ କ୍ୟାପିଟାଲ ଥାନା ପୋଲିସ ପହଞ୍ଚି ତଦନ୍ତ କରୁଛି । ବୋମା ମାଡ଼ କରି ଚାଲି ଯାଉଥିବା ବେଳର ସିସିଟିଭିରେ କଏଦ୍ ହୋଇଛି ଦୃଶ୍ୟ । ସିସିଟିଭି ଆଧାରରେ ଦୃର୍ବୃତ୍ତଙ୍କୁ ଖୋଜୁଛି ପୋଲିସ । 

ସୂଚନା ଥାଉକି, ପୁଣି ଥରେ ଅଶାନ୍ତ ହୋଇଛି ଭୁବନେଶ୍ୱର । ସିରିଜ ବୋମା ମାଡ଼ରେ ଥରିଲା ରାଜଧାନୀ । କ୍ୟାପିଟାଲ ଥାନା ଅନ୍ତର୍ଗତ ବାପୁଜୀ ନଗର ଲେନ୍ ୧ ଏବଂ ଶିଶୁ ଭବନ ନିକଟସ୍ଥ ବରହମପୁର ଗଳି ବସ୍ତିରେ ହୋଇଛି ସିରିଜ ବ୍ଲାଷ୍ଟ। ଦୁଇ ଦୁର୍ବୃତ୍ତ ପଲ୍ସର ବାଇକ୍‌ରେ ଆସି ବ୍ୟାଗ୍‌ରୁ ବୋମା ଫିଙ୍ଗି ଥିବା ଜଣାପଡ଼ିଛି । ଘଟଣାରେ ଦୁଇଜଣ ସାମାନ୍ୟ ଆହତ ହୋଇଥିବା ବେଳେ ଜଣେ ଗୁରୁତର ହୋଇ କ୍ୟାପିଟାଲ ହସ୍ପିଟାଲରେ ଚିକିତ୍ସିତ ହେଉଛି । 

ସିରିଜ୍ ବ୍ଲାଷ୍ଟ୍‌ର କାରଣ ଅସ୍ପଷ୍ଟ ଥିବା ବେଳେ ପ୍ରାଥମିକ ସ୍ତରରେ ପତିଆରା ଜାହିର ପାଇଁ ଏହି କାଣ୍ଡ ଭିଆଇ ଥିବା ସୂଚନା ମିଳିଛି । ସେପଟେ ଘଟଣା ପରେ କ୍ୟାପିଟାଲ ଥାନା ପୋଲିସ ଏବଂ ସ୍ପେଶଲ୍ ସ୍କ୍ୱାର୍ଡର ଏକ ସ୍ବତନ୍ତ୍ର ଟିମ୍ ସିସିଟିଭି ଆଧାରରେ ଦୃର୍ବୁତ୍ତଙ୍କୁ ଧରିବା ପାଇଁ ଚାରିଆଡ଼େ ମାରାଥନ୍ ରେଡ ଜାରି ରଖିଛି।