ସୁଜିତ କୁମାରଙ୍କୁ କିଏ ଦେଉଥିଲେ ଧମକ, ଖୋଲାଖୋଲି କହିଦେଲେ ନାଁ, ରାଜ୍ୟ ରାଜନୀତିରେ ହଲଚଲ!

ଭୁବନେଶ୍ୱର,୭।୯: ମମତା ମହନ୍ତଙ୍କ ପରେ ସୁଜିତ କୁମାର । ବିଜେଡି ଏମପି ଥିବା ସୁଜିତ କୁମାର ଶୁକ୍ରବାର ଏମ୍ପି ପଦରୁ ଇସ୍ତଫା ଦେବା ପରେ, ଭାଜପାରେ ସାମିଲ ହୋଇଛନ୍ତି। ତେବେ ଏମପି ପଦରୁ ଇସ୍ତଫା ଦେବା ପରେ ତୁରନ୍ତ ବିଜେଡି ସୁପ୍ରିମୋ ତାଙ୍କୁ ଦଳରୁ ବହିଷ୍କାର କରିଛନ୍ତି । ତେବେ ଯାହାକୁ ନେଇ ରାଜ୍ୟ ରାଜନୀତିରେ କମ୍ପନ ସୃଷ୍ଟି ହୋଇଛି।

ତେବେ ଭାଜପାରେ ଯୋଗ ଦେବା ପରେ ବିଜେଡିକୁ ନେଇ ଅନେକ ସାଂଘାତିକ ଅଭିଯୋଗ ଆଣିଥିବାବେଳେ କଳାହାଣ୍ଡି ଦୁର୍ନୀତର ପୋଲ ଖୋଲିଛନ୍ତି। ସେ କହିଛନ୍ତି, ଧର୍ମଗଡ଼ର ବିକାଶ ପାଇଁ କଣ କରିଛନ୍ତି ପୁଷ୍ପେନ୍ଦ୍ର। ସ୍ବାଭିମାନକୁ ଆଘାତ ହେବା ପରେ ନିଷ୍ପତ୍ତି ନେଲି।
କଳାହାଣ୍ଡିରେ ସମସ୍ତ ବୈଠକରେ ସାମିଲ ହୋଇଛି। ମୋତେ ଅନେକ କିମିଟି ନଜଣାଇ କରିଛି ବିଜେଡି। ମୋର ରାଜନୀତି ଶେଷ କରିବା ପାଇଁ ଧମକ ମିଳୁଥିଲା। ପୂର୍ବ ଓଡ଼ିଶାର ଜଣେ ନେତା ଏଭଳି ଧମକ ଦେଉଥିଲେ। ବିଜେଡିରେ ମୋର ସମ୍ମାନ ହାନି ହୋଇଛି । ଅର୍ଥ ପାଇଁ ମୁଁ ରାଜନୀତି କରେ। ଆଗାମୀ ଦିନରେ କଳାହାଣ୍ଡିର ସବୁ ଦୁର୍ନୀତିର ପୋଲ ଖୋଲିବି ବୋଲି ସେ ସଙ୍ଗୀନ ଅଭିଯୋଗ ଆଣିଛନ୍ତି।

The post ସୁଜିତ କୁମାରଙ୍କୁ କିଏ ଦେଉଥିଲେ ଧମକ, ଖୋଲାଖୋଲି କହିଦେଲେ ନାଁ, ରାଜ୍ୟ ରାଜନୀତିରେ ହଲଚଲ! appeared first on Dharitri Odia News.