ସୋନିଆ ରାଜ୍ୟ ସଭା ଯିବା ନିଶ୍ଚିତ: ରାୟବରେଲୀରୁ ଲଢ଼ିବେ ନାହିଁ…

ନୂଆଦିଲ୍ଲୀ,୧୨।୨ : କଂଗ୍ରେସର ପୂର୍ବତନ ମଧ୍ୟବର୍ତ୍ତୀକାଳୀନ ସଭାପତି ସୋନିଆ ଗାନ୍ଧୀ ରାଜ୍ୟ ସଭା ଯିବାକୁ ପ୍ରାୟ ନିଶ୍ଚିତ ହୋଇଛି। ସୋମବାର ଦଳୀୟ ସୂତ୍ରରୁ ଏହି ସୂଚନା ଦିଆଯାଇଛି। ଏହା ମଧ୍ୟ କୁହାଯାଇଛି ଯେ ସେ ରାଜସ୍ଥାନରୁ ରାଜ୍ୟ ସଭାକୁ ଯିବାର ଯୋଜନା ରହିଛି।

ତେବେ ଏହା ପୂର୍ବରୁ ହିମାଚଳ ପ୍ରଦେଶ ରାଜ୍ୟ ମାଧ୍ୟମରେ ସେ ରାଜ୍ୟ ସଭାରେ ପହଞ୍ଚି ପାରିବେ ବୋଲି ଆଲୋଚନା ହୋଇଥିଲା। ଏହି ସମୟରେ ଦଳ ପକ୍ଷରୁ ଖବରଦାତାଙ୍କୁ ସୂଚନା ପ୍ରଦାନ କରାଯାଇଛି ଲୋକସଭା ନିର୍ବାଚନରେ ସୋନିଆ ପ୍ରତିଦ୍ୱନ୍ଦ୍ୱିତା ନ କରିବାର ସମ୍ଭାବନା ରହିଛି। ସ୍ବସ୍ଥ୍ୟ ସମ୍ବନ୍ଧୀୟ କାରଣରୁ ସେ ଏହା କରିପାରନ୍ତି ।

ସୋନିଆଙ୍କ ପାଇଁ ଏପ୍ରିଲ-ମେ ୨୦୨୪ ରେ ହେବାକୁ ଥିବା ସାଧାରଣ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବା ଏବଂ ସେମାନଙ୍କ ପାଇଁ ପ୍ରଚାର କରିବା ଅତ୍ୟନ୍ତ କଷ୍ଟକର ବୋଲି ବିବେଚନା କରାଯାଉଛି। ଏହି କାରଣରୁ ରାଜନୈତିକ ମହଲରେ ୭୮ ବର୍ଷିୟା ସୋନିଆ ଗାନ୍ଧୀଙ୍କୁ ନେଇ ଏକ ବଡ ପ୍ରଶ୍ନ ଉଠିଥିଲା କି ସେ ଏଥର ୟୁପିରେ ରାୟବରେଲରରୁ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବେ କି ନାହିଁ ।

ଏହି ପ୍ରଶ୍ନ ମଧ୍ୟ ଗୁରୁତ୍ୱପୂର୍ଣ୍ଣ କାରଣ ଯଦି ସୋନିଆ ଗାନ୍ଧୀ ରାୟବରେଲୀରୁ ପ୍ରତିଦ୍ୱନ୍ଦ୍ୱିତା ନ କରିବେ, ତେବେ ସେଠାରୁ କିଏ ପ୍ରତିଦ୍ୱନ୍ଦ୍ୱିତା କରିବେ? ତାଙ୍କ ଝିଅ ତଥା କଂଗ୍ରେସ ନେତା ପ୍ରିୟଙ୍କା ଭଦ୍ରା ଗାନ୍ଧୀ ସେଠାରୁ ସୁଯୋଗ ପାଇପାରନ୍ତି ବୋଲି କଳ୍ପନାଜଳ୍ପନା କରାଯାଉଥିଲା।

ରାୟବରେଲୀ ଆସନ ଆରମ୍ଭରୁ କଂଗ୍ରେସ ଏବଂ ଗାନ୍ଧୀ ପରିବାର ପାଇଁ ସ୍ବତନ୍ତ୍ର ଥିଲା। ଏହା ତାଙ୍କର ଉତ୍ତରାଧିକାରୀ ସହିତ ଜଡିତ ଏକ ରାଜନୈତିକ ଆସନ। ସୋନିଆ ଗାନ୍ଧୀଙ୍କ ପୂର୍ବରୁ ଫିରୋଜ ଗାନ୍ଧୀ (ଜବାହରଲାଲ ନେହେରୁଙ୍କ ଜ୍ବାଇଁ), ଇନ୍ଦିରା ଗାନ୍ଧୀ, ଅରୁଣ ନେହେରୁ, ଶିଲା କୌଲ (କମଲା ନେହେରୁଙ୍କ ଭାଇଙ୍କ ସ୍ତ୍ରୀ) ଏହି ଆସନରୁ ଲଢ଼ିଛନ୍ତି। କେବଳ ଗାନ୍ଧୀ ପରିବାର ଏବଂ ସେମାନଙ୍କ ସମ୍ପର୍କୀୟମାନେ ଏହି ଆସନରୁ ପ୍ରତିଦ୍ୱନ୍ଦ୍ୱିତା କରିଛନ୍ତି।

The post ସୋନିଆ ରାଜ୍ୟ ସଭା ଯିବା ନିଶ୍ଚିତ: ରାୟବରେଲୀରୁ ଲଢ଼ିବେ ନାହିଁ… appeared first on Dharitri Odia News.