ଭାରତ-ଗୁୟାନାକୁ ଯୋଡୁଛି ସଂସ୍କୃତି, ଖାଦ୍ୟ ଆଉ କ୍ରିକେଟ

ଜର୍ଜଟାଉନ,୨୨।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ବୁଧବାର ଗୁୟାନାଠାରେ ପହଞ୍ଚି ସେଠାରେ ଅନେକ କାର୍ଯ୍ୟକ୍ରମରେ ଭାଗ ନେଇଥିଲେ। ଏଥି ସହିତ, ୫୦ ବର୍ଷରୁ ଅଧିକ ସମୟ ମଧ୍ୟରେ ଏହି ଦେଶକୁ ଜଣେ ଭାରତୀୟ ପ୍ରଧାନମନ୍ତ୍ରୀଙ୍କର ଏହା ଥିଲା ପ୍ରଥମ ଗସ୍ତ। ପ୍ରଧାନମନ୍ତ୍ରୀ ମୋଦି ଗୁରୁବାର ଗୁୟାନାଠାରେ ଏକ ସମ୍ପ୍ରଦାୟର କାର୍ଯ୍ୟକ୍ରମକୁ ସମ୍ବୋଧିତ କରିବାବେଳେ ଇଣ୍ଡୋ-ଗୁଇନିଆ ସମ୍ପ୍ରଦାୟ ତଥା କାରିବିଆନ ଦେଶର ବିକାଶରେ ସେମାନଙ୍କର ଅବଦାନକୁ ପ୍ରଶଂସା କରିଛନ୍ତି। ସେ କହିଛନ୍ତି ଯେ ବିଶେଷ ଭାବରେ ତିନୋଟି ଜିନିଷ ଭାରତ ଏବଂ ଗୁୟାନାକୁ ଗଭୀର ଭାବରେ ଯୋଡିଥାଏ। ତାହା ହେଉଛି ସଂସ୍କୃତି, ଖାଦ୍ୟ ଏବଂ କ୍ରିକେଟ ।

ଭାରତୀୟ ସମ୍ପ୍ରଦାୟକୁ ସମ୍ବୋଧିତ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି କହିଛନ୍ତି ଯେ ମୋର ଆସିବା ପରଠାରୁ ମୋତେ ମିଳିଥିବା ଭଲପାଇବା ମୋତେ ଅଭିଭୂତ କରିଛି। ରାଷ୍ଟ୍ରପତି ଅଲି ଏବଂ ତାଙ୍କ ଜେଜେମା’ଙ୍କ ସହ ଆମେ ମଧ୍ୟ ଏକ ଗଛ ଲଗାଇଲୁ। ଏହା ଆମର ପଦକ୍ଷେପ ‘ଏକ ପେଡ ମା’ କେ ନାମ’ ର ଏକ ଅଂଶ। ଏହା ଏକ ଭାବପ୍ରବଣ ମୁହୂର୍ତ୍ତ ଥିଲା ଯାହାକୁ ମୁଁ ସବୁବେଳେ ମନେ ରଖିବି। ଆମେ ତୃତୀୟ ବୃହତ୍ତମ ଅର୍ଥନୀତି ହେବା। ଏଥିସହ ପ୍ରଧାନମନ୍ତ୍ରୀ କହିଛନ୍ତି ଯେ ଉଭୟ ଭାରତ ଏବଂ ଗୁୟାନା ସେମାନଙ୍କର ସମୃଦ୍ଧ ତଥା ବିବିଧ ସଂସ୍କୃତି ପାଇଁ ଗର୍ବିତ। ଆମ ଦେଶ ଦର୍ଶାଉଛି ଯେ ସାଂସ୍କୃତିକ ବିବିଧତା ଆମର ଶକ୍ତି । ଏଥିସହ ସେ କହିଛନ୍ତି ଯେ ଗତ ଦଶନ୍ଧି ମଧ୍ୟରେ ଭାରତର ଯାତ୍ରା ଏକ ମାପ, ଗତି ଏବଂ ସ୍ଥିରତା ମଧ୍ୟରେ ରହିଛି। କେବଳ ୧୦ ବର୍ଷ ମଧ୍ୟରେ, ଦଶମ ବୃହତ୍ତମ ଅର୍ଥନୀତିରୁ ଭାରତ ପଞ୍ଚମ ବୃହତ୍ତମ ଅର୍ଥନୀତିରେ ପରିଣତ ହୋଇଛି ଏବଂ ଖୁବ ଶୀଘ୍ର ଆମେ ତୃତୀୟ ବୃହତ୍ତମ ଅର୍ଥନୀତିରେ ପରିଣତ ହେବା। ଆମର ଯୁବକମାନେ ଆମକୁ ବିଶ୍ୱର ତୃତୀୟ ବୃହତ୍ତମ ଷ୍ଟାର୍ଟଅପ ଇକୋସିଷ୍ଟମ କରିଛନ୍ତି ।

The post ଭାରତ-ଗୁୟାନାକୁ ଯୋଡୁଛି ସଂସ୍କୃତି, ଖାଦ୍ୟ ଆଉ କ୍ରିକେଟ appeared first on Dharitri Odia News.