ସ୍ୱତନ୍ତ୍ର ଉତ୍ସବରେ କାହିଁକି ପଡେ ରେଡ୍ କାର୍ପେଟ୍, ଜାଣନ୍ତୁ ଏହା ସହିତ ଜଡିତ ଥିବା ତଥ୍ୟ

ଆପଣ ଅନେକ ସ୍ଥାନରେ ଦେଖିଥିବେ କୌଣସି ପ୍ରୋଗ୍ରାମ ହେଉ କିମ୍ୱା ବଡ଼ ଶୋ, ରେଡ୍ କାର୍ପେଟ୍ ବ୍ୟବହାର କରାଯାଏ। କିନ୍ତୁ ଆପଣ କ’ଣ ଜାଣିଛନ୍ତି କି ଏହା ପଛରେ ଏକ ବିଶେଷ କାରଣ ରହିଛି। ଏହି ରେଡ କାର୍ପେଟର ଇତିହାସ ଆଜିଠାରୁ ନୁହେଁ, କାହିଁ କେଉଁ କାଳରୁ ବିଶେଷ ଭାବେ ରହି ଆସିଛି।ଏହାକୁ ସବୁ ଉତ୍ସବ ପାଇଁ ବ୍ୟବହାର କରାଯାଏ। ଗ୍ରୀକ୍ ନାଟ୍ୟକାର ପ୍ରଥମେ ଏହାକୁ ତାଙ୍କର ଗୋଟିଏ ନାଟକରେ ବ୍ୟବହାର କରିଥିଲେ ଏବଂ ପରେ ଏହା ହଲିଉଡ୍ ସହିତ ଜଡିତ ହେଲା। ପରେ ପରେ ବଲିଉଡ଼ ଓ ଅନେକ ସ୍ଥାନରେ ଏହାକୁ ଦେଖିବାକୁ ମିଳିଲା।

ଆପଣ ନିଶ୍ଚିତ ଭାବରେ ରେଡ୍ କାର୍ପେଟ୍ ଅନେକ ପୁରସ୍କାର ବିତରଣି ଉତ୍ସବ କିମ୍ବା ଶୋ’ରେ ପଡିଥିବାର ଦେଖିଥିବେ। ଅଧିକାଂଶ ରେଡ କାର୍ପେଟ ସିନେମା ଜଗତର ଲୋକଙ୍କ ସହ ଯୋଡି ହୋଇଥିବା ଦେଖାଯାଏ। ସେଲିବ୍ରିଟିମାନେ ରେଡ୍ କାର୍ପେଟରେ ଚାଲନ୍ତି ଓ ଶୋ’ରେ ପ୍ରବେଶ କରନ୍ତି। ଏଥି ସହିତ, ତାଙ୍କୁ ତାଙ୍କ ପୋଷାକ ବିଷୟରେ ପଚରାଯାଏ ଏବଂ ଅନ୍ୟାନ୍ୟ କାର୍ଯ୍ୟ ମଧ୍ୟ କରାଯାଇଥାଏ।

କିନ୍ତୁ ଆପଣ କେବେ ଚିନ୍ତା କରିଛନ୍ତି କି କାହିଁକି କେବଳ ରେଡ କାର୍ପେଟ ନିର୍ଦ୍ଦିଷ୍ଟ ଲୋକ କିମ୍ବା ଉତ୍ସବରେ ବ୍ୟବହାର କରାଯାଏ, ଅନ୍ୟ କୌଣସି ରଙ୍ଗର କାହିଁକି ନୁହେଁ?
ରେଡ କାର୍ପେଟର ଇତିହାସ ଆଜିଠାରୁ ନୁହେଁ, ଏହାର ଇତିହାସ ଖୁବ୍ ପୁରୁଣା। ଖ୍ରୀଷ୍ଟପୂର୍ବ ୪୫୮ ମସିହାରେ, ଗ୍ରୀକ୍ ନାଟ୍ୟକାର ଇସକଲସ୍ ଏକ ନାଟକ ଲେଖିଥିଲେ ଯାହାକି ରେଡ୍ କାର୍ପେଟ୍ ବିଷୟରେ ଥିଲା। ଜଣେ ରାଜା ବିଜୟ ହାସଲ କରି ଫେରିବା ପରେ ରାଜାଙ୍କ ପାଇଁ ଏକ ରେଡ୍ କାର୍ପେଟ୍ ପକାଯାଇଥାଏ। ଏକ ରିପୋର୍ଟ ଅନୁଯାୟୀ ୧୯୯୩ ମସିହାରେ ଟୁଫ୍ଟ ୟୁନିଭରସିଟି ପ୍ରଫେସର ଗ୍ରେଗୋରୀ କ୍ରେନଙ୍କ ଏକ ଆର୍ଟିକିଲରେ ରାଜା ଏବଂ ରାଜ ପରିବାର ପାଇଁ ଶତାବ୍ଦୀ ଧରି ନାଲି କାର୍ପେଟ ଏକ ପ୍ରଥା ହୋଇଆସୁଛି ବୋଲି ଲେଖା ଯାଇଥିଲା।

ରେଡ୍ କାର୍ପେଟ୍ କାହିଁକି ବ୍ୟବହୃତ ହୁଏ?

ତେବେ ସବୁଠାରୁ ବଡ଼ କଥା ହେଲା ଏହି ରେଡ୍ କାର୍ପେଟ୍ କ’ଣ ପାଇଁ ବ୍ୟବହାର କରାଯାଏ। ମଧ୍ୟଯୁଗୀୟ ୟୁରୋପରେ ରେଡ୍ କାର୍ପେଟ୍ ଅଧିକ ବ୍ୟାପିଗଲା କାରଣ ଏହି କାର୍ପେଟ୍ ତିଆରିରେ ବ୍ୟବହୃତ ଲାଲ ରଙ୍ଗର ରଙ୍ଗ ବହୁତ ମହଙ୍ଗା ଥିଲା। ସେଥିପାଇଁ ଏହାକୁ କେବଳ ସ୍ୱତନ୍ତ୍ର ଲୋକଙ୍କ ପାଇଁ ରଖାଯାଇଥିଲା। ତୁର୍କୀରେ ବହୁ ପରିଶ୍ରମ ସହିତ ଏହି ନାଲି ରଙ୍ଗ ତିଆରି କରାଯାଉଛି। ରୁବିଆରେ ଥିବା ଉଦ୍ଭିଦର ମୂଳ ରଙ୍ଗ କରିବା ପାଇଁ ବ୍ୟବହୃତ ହେଉଥିଲା ଏହି ନାଲି ରଙ୍ଗ ଏବଂ ଅଲିଭ୍ ଅଏଲ୍ ଓ ଅନ୍ୟାନ୍ୟ ଜିନିଷରେ ମିଶାଯାଉଥିଲା।

ଏହି ସମସ୍ତ କାରଣ ପାଇଁ, ରେଡ୍ କାର୍ପେଟ୍ କେବଳ ଧନୀମାନଙ୍କ ପାଇଁ ବ୍ୟବହାର କରାଯାଏ। ଯେତେବେଳେ ଶିଳ୍ପ ବିପ୍ଳବ ଘଟିଲା, ସେତେବେଳେ ଏହି କାର୍ପେଟଗୁଡିକ ବହୁତ ଶସ୍ତା ହେବାକୁ ଲାଗିଲା। ଏହା ସହିତ ରେଡ୍ କାର୍ପେଟ୍ ଟ୍ରିଟମେଣ୍ଟ ମଧ୍ୟ ରହିଛି। ରେଡ୍ କାର୍ପେଟ୍ ଟ୍ରିଟମେଣ୍ଟ ଶବ୍ଦର ଆରମ୍ଭ ୧୯୦୨ ରୁ ୧୯୦୭ ପର୍ଯ୍ୟନ୍ତ ଆମେରିକାରେ ଚାଲୁଥିବା ଏକ ଟ୍ରେନ୍ ସହିତ ସଂଯୁକ୍ତ। ଏହି ଟ୍ରେନ୍ ର ନାମ ଥିଲା 20th Century Limited, ଯାହା ନ୍ୟୁୟର୍କରୁ ଚିକାଗୋ ପର୍ଯ୍ୟନ୍ତ ଚାଲୁଥିଲା। ଏଠାରେ ଷ୍ଟେସନରେ ଯାତ୍ରୀମାନଙ୍କୁ ରେଡ କାର୍ପେଟରେ ସ୍ୱାଗତ କରାଯାଇଥିଲା ଯାହା ଦ୍ଵାରା ସେମାନେ ଧନୀ ବୋଲି ଅନୁଭବ କରିବେ। ୧୯୨୨ ମସିହାରେ, ରେଡ୍ କାର୍ପେଟ୍ ହଲିଉଡରେ ଏଣ୍ଟ୍ରି ମାରିଲା। ସେଠାରୁ ହିଁ ଏହା ଅନ୍ୟ ଦେଶର ଚଳଚ୍ଚିତ୍ର ଦୁନିଆ ସହିତ ଜଡିତ ପୁରସ୍କାର ଉତ୍ସବରେ ମଧ୍ୟ ବ୍ୟବହୃତ ହୋଇ ଆସୁଛି। ତେଣୁ ଆମେ ଯେକୌଣସି ଜିନିଷ ବ୍ଯବହାର କରୁଛୁ ସବୁ ଜିନିଷର ମହତ୍ତ୍ଵ ଓ ଇତିହାସ ମଧ୍ୟ ରହିଛି।

The post ସ୍ୱତନ୍ତ୍ର ଉତ୍ସବରେ କାହିଁକି ପଡେ ରେଡ୍ କାର୍ପେଟ୍, ଜାଣନ୍ତୁ ଏହା ସହିତ ଜଡିତ ଥିବା ତଥ୍ୟ appeared first on KNews Odisha.