ହଠାତ୍‌ ଷ୍ଟେଜ ଉପରେ ଭୋ ଭୋ ହୋଇ କାନ୍ଦିଲେ ପ୍ରଧାନମନ୍ତ୍ରୀ ମୋଦି, ଜାଣନ୍ତୁ କାହିଁକି…

ନୂଆଦିଲ୍ଲୀ,୨୯।୧୦: ଆୟୁଷ୍ମାନ ଯୋଜନା ପାର୍ଟ-୨ରେ ସମସ୍ତେ ଲାଭ ନେଇ ପାରିବେ। ୭୦ ବର୍ଷରୁ ଅଧିକ ହେଲେ ବି ଆପଣଙ୍କ ସ୍ବାସ୍ଥ୍ୟ ସେବା ଦାୟିତ୍ୱ ସରକାରଙ୍କର। ଆଜି ଆୟୁଷ୍ମାନ ଯୋଜନା ପାର୍ଟ-୨ର ଶୁଭାରମ୍ଭ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହି ଅବସରରେ ପ୍ରଧାନମନ୍ତ୍ରୀ କହିଛନ୍ତି, ଦେଶରେ ସ୍ବାସ୍ଥ୍ୟ ସେବାରେ ବୈପ୍ଲବିକ ପରିବର୍ତ୍ତନ ଆଣିବ ଯୋଜନା । ଦେଶର କୋଟି କୋଟି ଲୋକ ଏହି ଯୋଜନାର ଲାଭ ଉଠାଇ ପାରୁଛନ୍ତି । ଏବେ ୭୦ ବର୍ଷରୁ ଉଦ୍ଧର୍‌ବ ବୟସ୍କ ବ୍ୟକ୍ତି ବି ଆୟୁଷ୍ମାନ ଯୋଜନାରେ ସାମିଲ ହୋଇପାରିବେ । ତେବେ ଏ ଆୟୁଷ୍ମାନ ଯୋଜନା ବାବଦରେ କହିବା ବେଳେ ପ୍ରଧାନମନ୍ତ୍ରୀ ଷ୍ଟେଜ ଉପରେ ଭୋ ଭୋ ହୋଇ କାନ୍ଦିବାକୁ ଲାଗିଥିଲେ।

ଆୟୁଷ୍ମାନ ଯୋଜନା ବିଷୟରେ ସାରା ଦେଶବାସୀଙ୍କୁ ସମ୍ବୋଧନ କରିବା ସମୟରେ ହଠାତ କାନ୍ଦି ପକାଇଥିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେ କହିଥିଲେ, ଦିଲ୍ଲୀ ଓ ପଶ୍ଚିମବଙ୍ଗର ୭୦ ବର୍ଷରୁ ଅଧିକ ବୟସ୍କ ଲୋକଙ୍କୁ ମଞ୍ଚ ଉପରୁ କ୍ଷମା ମାଗୁଛି । କାରଣ ଏହି ଯୋଜନା ସେହି ଦୁଇ ରାଜ୍ୟର ସରକାର ରାଜ୍ୟରେ ଲାଗୁ କରିବାକୁ ଦେଉ ନାହାନ୍ତି ।

ଦିଲ୍ଲୀରେ ଠିଆ ହୋଇ ଦିଲ୍ଲୀ ଲୋକଙ୍କୁ ସମ୍ବୋଧନ କରି ମୋଦି କହିଥିଲେ, ଦିଲ୍ଲୀରେ ଠିଆ ହୋଇ ଘୋଷଣା କରୁଛି, କିନ୍ତୁ ଦିଲ୍ଲୀବାସୀ ଏହାର ଲାଭ ଉଠାଇପାରିବେ ନାହିଁ । ଏହି ଦୁଇ ରାଜ୍ୟର ବୟସ୍କଙ୍କ ସେବା କରିବାରୁ ମୁଁ ବଞ୍ଚିତ ହୋଇଥିବାରୁ, ମୁଁ ଦୁଃଖିତ ବୋଲି ମୋଦି କହିଛନ୍ତି । ଏହି କଥା ତାଙ୍କ ମନକୁ କଷ୍ଟ ଦେଇଛି ବୋଲି ସେ ପ୍ରକାଶ କରିଛନ୍ତି । ଏହି କଥା କହିବା ବେଳକୁ ବାସ୍ପରୁଦ୍ଧ ହୋଇଯାଇଥିଲେ ପ୍ରଧାନମନ୍ତ୍ରୀ ।

The post ହଠାତ୍‌ ଷ୍ଟେଜ ଉପରେ ଭୋ ଭୋ ହୋଇ କାନ୍ଦିଲେ ପ୍ରଧାନମନ୍ତ୍ରୀ ମୋଦି, ଜାଣନ୍ତୁ କାହିଁକି… appeared first on Dharitri Odia News.