ହାଇକୋର୍ଟରେ ଏକାଧିକ ନିର୍ବାଚନୀ ମାମଲା ଉପରେ ଶୁଣାଣି

କଟକ ୨୯।୧୦: ଏକାଧିକ ନିର୍ବାଚନୀ ମାମଲା ଉପରେ ଶୁଣାଣି କରିଛନ୍ତି ହାଇକୋର୍ଟ । ରାଉରକେଲା ବିଧାୟକ ଶାରଦା ନାୟକ ମଙ୍ଗଳବାର ତାଙ୍କର ଜବାବ ଦାଖଲ କରିଛନ୍ତି । ଶାରଦା ମିଥ୍ୟା ତଥ୍ୟ ଦାଖଲ କରିଛନ୍ତି, ତେଣୁ ତାଙ୍କର ସଭ୍ୟପଦ ରଦ୍ଦ କରିବା ଲାଗି ଆବେଦନ କରି, ପ୍ରତିପକ୍ଷ ବିଜେପି ପ୍ରାର୍ଥୀ ଦିଲ୍ଲୀପ ରାୟ ହାଇକୋର୍ଟରେ ମାମଲା ଦାୟର କରିଛନ୍ତି, ଯାହା ଉପରେ ଆସନ୍ତା ଡିସେମ୍ବର ମାସରେ ଶୁଣାଣି ହେବ ।

ତେଣେ ୧୧ ନଭେମ୍ବର ସୁଦ୍ଧା ଝାରସୁଗୁଡ଼ା ବିଧାୟକ ଟଙ୍କଧର ତ୍ରିପାଠୀଙ୍କୁ ଜବାବ ଦାଖଲ କରିବାକୁ ଆଜି ନିର୍ଦ୍ଦେଶ ହୋଇଛି । ଟଙ୍କଧରଙ୍କ ବିରୁଦ୍ଧରେ ମିଥ୍ୟା ସତ୍ୟପାଠ ଦାଖଲ କରିଥିବା ନେଇ ଅଭିଯୋଗ ରହିଛି । ସେହିପରି ଜଳେଶ୍ଵର ବିଧାନସଭା ନିର୍ବାଚନୀ ମାମଲା ଉପରେ ଜବାବ ଦାଖଲ କରିବା ଲାଗି ବିଜେଡି ବିଧାୟକ ଅଶ୍ୱିନୀ ପାତ୍ର ସମୟ ଲୋଡିଛନ୍ତି । ଯାହା ଉପରେ ଆସନ୍ତା ମାସ ୧୮ ତାରିଖରେ ଶୁଣାଣି ହେବ। ଭୁବନେଶ୍ୱର ମଧ୍ୟ ନିର୍ବାଚନ ଅନିୟମିତତା ମାମଲା ଉପରେ ବିଜେଡି ବିଧାୟକ ଅନନ୍ତ ନାରାୟଣ ଜେନାଙ୍କ ଆବେଦନକୁ ମଞ୍ଜୁରି ଦେଇଛନ୍ତି ହାଇକୋର୍ଟ । ଜବାବ ଦାଖଲ ପାଇଁ ସମୟ ଲୋଡିଛନ୍ତି ଅନନ୍ତ । ଯାହାକୁ ଆସନ୍ତା ୨୦ ତାରିଖ ଭିତରେ ଦାଖଲ କରିବାକୁ ନିର୍ଦ୍ଦେଶ ହୋଇଛି । ଠିକ ସେହିପରି ଚାନ୍ଦବାଲି ବିଧାୟକ ବ୍ୟୋମକେଶ ରାୟଙ୍କୁ ମଧ୍ୟ ଜବାବ ଦାଖଲ କରିବାକୁ ସମୟ ଦେଇଛନ୍ତି ହାଇକୋର୍ଟ । ବ୍ୟୋମକେଶଙ୍କ ବିରୁଦ୍ଧରେ ନିର୍ବାଚନ ସତ୍ୟପାଠ ଅନିୟମିତତାର ଅଭିଯୋଗ ହୋଇଛି, ଏହି ମାମଲାର ପରବର୍ତ୍ତୀ ଶୁଣାଣି ଡିସେମ୍ବର ମାସରେ ହେବ ।

You Can Read:

ବାବୁଲା ନାୟକ ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗିରଫ, ପୂର୍ବରୁ ଗିରଫ ହୋଇଥିଲେ ବାପା