ହାଇଦ୍ରାବାଦରେ ଖାଇବା ପରେ ଚାଲିଗଲା ମହିଳାଙ୍କ ଜୀବନ, ୨୦ ଜଣ ଅସୁସ୍ଥ

ମୁମ୍ଵାଇ ୨୯।୧୦: ହାଇଦ୍ରାବାଦର ଲୋକଙ୍କ ପାଇଁ ମୋମୋ ଖାଇବା ଏକ ସମସ୍ୟା ହୋଇଗଲାଣି । ଏଠାରେ, ବନଜାରା ହିଲ୍ସ ନନ୍ଦିନଗରରେ ଲୋକମାନେ ରାସ୍ତା କଡରେ ଥିବା ଫୁଡ୍‌ ଷ୍ଟଲରେ ମୋମୋ ଖାଇବା ପରେ ଫୁଡ୍‌ ପଜନିଂ ହୋଇ ଯାଇଥିଲା। ଜଣେ ମହିଳା ଅସୁସ୍ଥ ହେବା ପରେ ମୃତ୍ୟୁ ବରଣ କରିଛନ୍ତି । ଏଥିରେ ୨୦ ରୁ ଅଧିକ ଲୋକ ଅସୁସ୍ଥ ଅଛନ୍ତି।

ଖାଦ୍ୟ ଷ୍ଟଲ ମାଲିକଙ୍କ ବିରୋଧରେ ମାମଲା ରୁଜୁ

ପୋଲିସର ସୂଚନାନୁସାରେ, ଗତ ଶୁକ୍ରବାର ଦିନ ଲୋକମାନେ ମୋମୋ ଖାଇଥିଲେ। ଯାହା ପରେ ସେମାନଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା। ସୋମବାର ମହିଳାଙ୍କ ମୃତ୍ୟୁ ପରେ ଲୋକମାନେ ବନଜାରା ହିଲ୍ସ ପୋଲିସ ଷ୍ଟେସନରେ ଏ ସମ୍ପର୍କରେ ଅଭିଯୋଗ କରିଛନ୍ତି। ପୋଲିସ ଖାଦ୍ୟ ଷ୍ଟଲ ମାଲିକଙ୍କ ବିରୋଧରେ ମାମଲା ରୁଜୁ କରି ଅଧିକ ତଦନ୍ତ କରୁଛି। ପୋଲିସର ସୂଚନାନୁସାରେ, ସ୍ଥାନୀୟ ନାଗରିକ ଏଜେନ୍ସିମାନଙ୍କୁ ଏ ସମ୍ପର୍କରେ ସୂଚନା ଦିଆଯାଇଛି।

ପୋଲିସର ସୂଚନାନୁସାରେ, ଡାକ୍ତରଖାନାରେ ପହଞ୍ଚିଥିବା ଲୋକମାନେ ପେଟ ଯନ୍ତ୍ରଣା, ବାନ୍ତି ଏବଂ ଝାଡ଼ା ବିଷୟରେ କହିଥିଲେ। ମହିଳାଙ୍କ ମୃତ୍ୟୁ ପରେ ଡାକ୍ତରମାନେ ତାଙ୍କ ପେଟରୁ ନମୁନା ନେଇଛନ୍ତି, ଅନୁସନ୍ଧାନ ପରେ ଲୋକଙ୍କ ଅସୁସ୍ଥ ହେବାର ସ୍ପଷ୍ଟ କାରଣ ଜଣାପଡିବ। ପୋଲିସର ସୂଚନାନୁସାରେ ମହିଳାଙ୍କ ପରିବାରର ବିବୃତ୍ତି ନିଆଯାଇଛି। ମହିଳାଙ୍କ ଶରୀରର ପୋଷ୍ଟ ମର୍ଟମ କରାଯାଇଛି।

ମୋମୋର ନମୁନା ନିଆଯାଇଛି

ପୋଲିସର ସୂଚନାନୁସାରେ, ଖାଦ୍ୟ ଷ୍ଟଲରୁ ନମୁନା ସଂଗ୍ରହ କରାଯାଇଛି ଯେଉଁଠାରୁ ମୋମୋ ଖାଇଥିଲେ। ଅନ୍ୟାନ୍ୟ ଖାଦ୍ୟ ଷ୍ଟଲ ଗୁଡିକର ଅନୁସନ୍ଧାନ ଏବଂ ତଦାରଖ ପାଇଁ ନାଗରିକ ଏଜେନ୍ସିମାନଙ୍କୁ ଅନୁରୋଧ କରାଯାଇଛି। ଅନୁସନ୍ଧାନ ପରେ ଅଭିଯୁକ୍ତଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।