ହାସିନାଙ୍କୁ ସହଜେ ଛାଡ଼ିବେନି ୟୁନୁସ ସରକାର: ପୁଣି ୨ ମାମଲାରେ ଫସାଇଲେ

ଢାକା,୨୦।୫: ବାଂଲାଦେଶର ବହିଷ୍କୃତ ପ୍ରଧାନମନ୍ତ୍ରୀ ଶେଖ ହାସିନାଙ୍କ ଅଡୁଆ ବଢିବାରେ ଲାଗିଛି। ବାଂଲାଦେଶର ୟୁନୁସ ସରକାର ହାସିନାଙ୍କ ପାଇଁ ଗୋଟିଏ ପରେ ଗୋଟିଏ ଅଡ଼ୁଆ ବଢ଼ାଇବାରେ ଲାଗିଛନ୍ତି। ଏବେ ଦେଶରେ ହାସିନାଙ୍କ ବିରୋଧରେ ଦୁଇଟି ନୂତନ ମାମଲା ରୁଜୁ ହୋଇଛି।

ଶେଖ ହାସିନାଙ୍କ ବିରୋଧରେ ପଞ୍ଜିକୃତ ମାମଲାଗୁଡ଼ିକ ସେହି ସମୟ ସହିତ ଜଡିତ ଯେତେବେଳେ ଦେଶରେ ଛାତ୍ର ଆନ୍ଦୋଳନ ଆରମ୍ଭ ହୋଇଥିଲା ଏବଂ ହିଂସାତ୍ମକ ରୂପ ନେଇଥିଲା। ଏହି ସମୟ ମଧ୍ୟରେ ଜଣେ ବ୍ୟକ୍ତିଙ୍କୁ ଗୁଳି କରି ହତ୍ୟା କରାଯାଇଥିଲା ଏବଂ ଏବେ ଏହି ବ୍ୟକ୍ତିଙ୍କ ମାଆ ଶେଖ ହସିନା ଏବଂ ଆୱାମୀ ଲିଗର ଅନ୍ୟ ନେତାମାନଙ୍କ ବିରୋଧରେ ମାମଲା ଦାୟର କରିଛନ୍ତି।

ଗତ ବର୍ଷ ଛାତ୍ର ଆନ୍ଦୋଳନର ଜୋତା କାରଖାନାର କର୍ମଚାରୀ ସଜଲ ମିଆଁ (୨୦)ଙ୍କୁ ଗୁଳି କରି ହତ୍ୟା କରାଯାଇଥିଲା। ଏହି ପରିପ୍ରେକ୍ଷୀରେ, ବହିଷ୍କୃତ ପ୍ରଧାନମନ୍ତ୍ରୀ ଶେଖ ହାସିନାଙ୍କ ସହିତ ୬୧ ଜଣ ଆୱାମୀ ଲିଗ ନେତା ଏବଂ କର୍ମୀଙ୍କ ବିରୋଧରେ ଏକ ମାମଲା ରୁଜୁ କରାଯାଇଛି।

ଏହି ମାମଲା ସହିତ, ଶେଖ ହାସିନାଙ୍କ ବିରୋଧରେ ଆଉ ଏକ ମାମଲା ରୁଜୁ ହୋଇଛି। ଭୂୟାପୁରର କାମରୁଲ ହାସନ ଟାଙ୍ଗାଇଲ ଜୁଡିସିଆଲ ମାଜିଷ୍ଟ୍ରେଟ ରୁମେଲିଆ ସିରାଜାମଙ୍କ କୋର୍ଟରେ ଏକ ମାମଲା ଦାୟର କରିଥିଲେ। ଏଥିରେ ହାସିନା ଏବଂ ଅନ୍ୟ ୧୯୩ ଜଣଙ୍କ ବିରୋଧରେ ୨୦୨୪ରେ ‘ଡମି ନିର୍ବାଚନ’ ଆୟୋଜନ କରିବା ଏବଂ ଭୋଟ ଜାଲିଆତି କରିବାର ଅଭିଯୋଗ ଆସିଥିଲା।

The post ହାସିନାଙ୍କୁ ସହଜେ ଛାଡ଼ିବେନି ୟୁନୁସ ସରକାର: ପୁଣି ୨ ମାମଲାରେ ଫସାଇଲେ appeared first on Dharitri Odia News.