ହେମା ମାଳିନୀଙ୍କ ଉପରେ ଟିପ୍ପଣି ଦେଇ ଫସିଗଲେ ସୁରଜଓ୍ବୋଲା

ନୂଆଦିଲ୍ଲୀ,୪।୪: ନିକଟରେ କଂଗ୍ରେସ ନେତା ରଣଦୀପ ସୁରଜେୱାଲା ଭାଜପା ଏମପି ହେମା ମାଳିନୀଙ୍କ ଉପରେ ଆପତ୍ତିଜନକ ମନ୍ତବ୍ୟ ଦେଇଥିଲେ। ଏବେ ଏହି ମାମଲାରେ ସୁରଜେୱାଲା ଫସି ରହିଥିବା ଜଣାପଡିଛି। ହେମା ମାଳିନୀଙ୍କ ଉପରେ ତାଙ୍କର ମନ୍ତବ୍ୟକୁ ରାଷ୍ଟ୍ରୀୟ ମହିଳା ଆୟୋଗ (ଏନସିଡବ୍ଲୁ) ଦ୍ୱାରା ବିଚାରକୁ ନିଆଯାଇଛି।

ଏନେଇ ଏନଡବ୍ଲ୍ୟୁ ନିର୍ବାଚନ ଆୟୋଗଙ୍କୁ ଏକ ଚିଠି ଲେଖି କାର୍ଯ୍ୟାନୁଷ୍ଠାନ ଦାବି କରିଛି। ଆୟୋଗର ଅଧ୍ୟକ୍ଷ ରେଖା ଶର୍ମା ଆନୁଷ୍ଠାନିକ ଭାବେ ମୁଖ୍ୟ ନିର୍ବାଚନ କମିଶନରଙ୍କୁ ଏକ ଚିଠି ଲେଖି ସୁରଜେୱାଲାଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ କହିଛନ୍ତି।
ରାଷ୍ଟ୍ରୀୟ ମହିଳା ଆୟୋଗ ରଣଦୀପ ସୁରଜେୱାଲା ଦେଇଥିବା ଅତ୍ୟଧିକ ଆପତ୍ତିଜନକ ମନ୍ତବ୍ୟକୁ ଦୃଢ ନିନ୍ଦା କରିଛନ୍ତି। ଏହି ମନ୍ତବ୍ୟଗୁଡିକ ଅତ୍ୟନ୍ତ ଭୁଲ ଏବଂ ଜଣେ ମହିଳାଙ୍କ ସମ୍ମାନ ପାଇଁ ଅପମାନଜନକ। ଆୟୋଗର ଅଧ୍ୟକ୍ଷ ରେଖା ଶର୍ମା ଆନୁଷ୍ଠାନିକ ଭାବେ ମୁଖ୍ୟ ନିର୍ବାଚନ କମିଶନରଙ୍କୁ ଏକ ଚିଠି ଲେଖି ସୁରଜେୱାଲାଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅନୁରୋଧ କରିଛନ୍ତି ଏବଂ ୩ଦିନ ମଧ୍ୟରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅନୁରୋଧ କରିଛନ୍ତି -ଏନସିଡବ୍ଲ୍ୟୁ ଏଥିସହ ହରିୟାଣା ରାଜ୍ୟ ମହିଳା ଆୟୋଗ ମଧ୍ୟ ଏହି ପ୍ରସଙ୍ଗରେ କଂଗ୍ରେସ ନେତା ରଣଦୀପ ସିଂ ସୁରଜେୱାଲାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛନ୍ତି। ଭାଜପା ଏମପି ହେମା ମାଳିନୀଙ୍କ ବିରୋଧରେ ଦେଇଥିବା ମନ୍ତବ୍ୟକୁ ନେଇ ହରିୟାଣା ରାଜ୍ୟ ମହିଳା ଆୟୋଗ କଂଗ୍ରେସ ନେତା ରଣଦୀପ ସିଂ ସୁରଜେୱାଲାଙ୍କୁ ନୋଟିସ ଜାରି କରିଛନ୍ତି।
ଏହି ସମୟରେ, ଭାଜପା ଏମପି ହେମା ମାଳିନୀଙ୍କ ବିରୋଧରେ ଆପତ୍ତିଜନକ ବିବୃତ୍ତି ନେଇ ଭାରତୀୟ ଜନତା ପାର୍ଟି ନେତାଙ୍କ ସମାଲୋଚନାର ସମ୍ମୁଖୀନ ହେବା ପରେ କଂଗ୍ରେସ ନେତା ରଣଦୀପ ସୁରଜେୱାଲା ସ୍ପଷ୍ଟ କରିଛନ୍ତି ଯେ ସେ ଅଭିନେତା-ରାଜନେତାଙ୍କୁ ଅପମାନ କିମ୍ବା ଆଘାତ ଦେବା ପାଇଁ କେବେ ଇଚ୍ଛା କରିନାହାଁନ୍ତି।

The post ହେମା ମାଳିନୀଙ୍କ ଉପରେ ଟିପ୍ପଣି ଦେଇ ଫସିଗଲେ ସୁରଜଓ୍ବୋଲା appeared first on Dharitri Odia News.