ହୋଟେଲ୍‌ ରୁମ୍‌ରେ ପଶି ମହିଳା କ୍ୟାବିନ୍‌ କ୍ର୍ୟୁଙ୍କୁ ଶାରିରୀକ ନିର୍ଯ୍ୟାତନା

ନୂଆଦିଲ୍ଲୀ, ୧୮।୦୮: ଏୟାର ଇଣ୍ଡିଆର ଜଣେ କ୍ୟାବିନ୍‌ କ୍ର୍ୟୁ ସଦସ୍ୟଙ୍କ ଉପରେ ଆକ୍ରମଣ ହୋଇଛି । କିଛି ରିପୋର୍ଟରେ କୁହାଯାଇଛି କି କ୍ୟାବିନ୍‌ କ୍ର୍ୟୁଙ୍କ ସହିତ ବଳାତ୍କାର ହୋଇଛି । ତେବେ ଏହି ଘଟଣାରେ ଲଣ୍ଡନ ପୋଲିସର ତଦନ୍ତ ଜାରି ରହିଛି । ଲଣ୍ଡନର ଏକ ପ୍ରସିଦ୍ଧ ହୋଟେଲର ଏକ ରୁମ୍‌ରେ ଏହି ଘଟଣା ଘଟିଛି। ଏୟାର ଇଣ୍ଡିଆ ଏହି ଘଟଣାକୁ ନିଶ୍ଚିତ କରିଛି। କର୍ମଚାରୀଙ୍କୁ ଶାରୀରିକ ର୍ନିଯାତନା ଦିଆଯାଇଥିବା ଖବର ରହିଛି।

ଶନିବାର ବିଳମ୍ବିତ ରାତିରେ ଏୟାର ଇଣ୍ଡିଆ, ଲଣ୍ଡନର ଏକ ହୋଟେଲରେ ବେଆଇନ ଅନୁପ୍ରବେଶ ଘଟଣା ସମ୍ପର୍କରେ ଏକ ବିବୃତ୍ତି ଜାରି କରିଛି। ବିମାନ ସେବା କମ୍ପାନୀ କହିଛି ଯେ ଏହା ଘଟଣାରେ ପୀଡ଼ିତାଙ୍କୁ ତୁରନ୍ତ ସହାୟତା କରାଯାଇଛି । ଏୟାର ଇଣ୍ଡିଆର ମୁଖପାତ୍ର କହିଛନ୍ତି ଯେ “ଏୟାର ଇଣ୍ଡିଆ ଏହାର କର୍ମଚାରୀ ଏବଂ କର୍ମଚାରୀଙ୍କ ସୁରକ୍ଷା, ନିରାପତ୍ତା ତଥା କଲ୍ୟାଣକୁ ସର୍ବାଧିକ ପ୍ରାଧାନ୍ୟ ଦେଇଥାଏ। ଏକ ପ୍ରମୁଖ ଆନ୍ତର୍ଜାତୀୟ ଚେନ୍‌ ଦ୍ୱାରା ପରିଚାଳିତ ହୋଟେଲରେ ବେଆଇନ ଅନୁପ୍ରବେଶ ଘଟଣାରେ ଆମେ ଗଭୀର ଦୁଃଖିତ। ଆମର କ୍ର୍ୟୁଙ୍କ କ୍ଷତି ଆମେ ଆମର ସହକର୍ମୀ ଏବଂ ତାଙ୍କ ସହକର୍ମୀଙ୍କୁ ସମସ୍ତ ବୃତ୍ତିଗତ ସହାୟତା ପ୍ରଦାନ କରୁଛୁ, ଯେପରିକି ବୃତ୍ତିଗତ ପରାମର୍ଶ, ଏବଂ ସ୍ଥାନୀୟ ପୋଲିସ ସହିତ ଏହି ମାମଲାକୁ ଅନୁସରଣ କରିବା ପାଇଁ ଆମେ କାର୍ଯ୍ୟ କରୁଛୁ । ତେବେ ଏହି ମାମଲାରେ ଲଣ୍ଡନ ପୋଲିସ୍‌ ତଦନ୍ତ କରୁଥିବା ଜଣାପଡ଼ିଛି ।

The post ହୋଟେଲ୍‌ ରୁମ୍‌ରେ ପଶି ମହିଳା କ୍ୟାବିନ୍‌ କ୍ର୍ୟୁଙ୍କୁ ଶାରିରୀକ ନିର୍ଯ୍ୟାତନା appeared first on Dharitri Odia News.