ୟୁ ଟ୍ୟୁବର ଏଲଭିଶ ଯାଦବ, ଫାଜିଲପୁରିଆଙ୍କ ଉପରେ ଇଡିର ଆକ୍ସନ

ନୂଆଦିଲ୍ଲୀ,୨୬।୯: ମନି ଲଣ୍ଡରିଂ ମାମଲାରେ ୟୁଟ୍ୟୁବର୍‌ ଏଲଭିଶ ଯାଦବ ଏବଂ ଅନ୍ୟ କେତେକଙ୍କ ବିରୋଧରେ ଏକ ବଡ କାର୍ଯ୍ୟାନୁଷ୍ଠାନ ସ୍ବରୂପ ଏନଫୋର୍ସମେଣ୍ଟ ନିର୍ଦ୍ଦେଶାଳୟ(ଇଡି) ବହୁ ପରିମାଣର ସମ୍ପତ୍ତି ଜବତ କରିଛି। ସରକାରୀ ସୂତ୍ର ଗୁରୁବାର ସମ୍ବାଦ ଏଜେନ୍ସି ପିଟିଆଇକୁ ଏହି ସୂଚନା ଦେଇଛି।

ଅଧିକାରୀ କହିଛନ୍ତି ଯେ ମନି ଲଣ୍ଡରିଂ ଆକ୍ଟ (ପିଏମଏଲଏ) ଅନୁଯାୟୀ ଏକ ଅସ୍ଥାୟୀ ନିର୍ଦ୍ଦେଶ ଜାରି କରାଯାଇଛି। ପାର୍ଟିରେ ମନୋରଞ୍ଜନ ପାଇଁ ସାପ ବିଷ ବ୍ୟବହାର ଏବଂ ଆର୍ଥିକ କାରବାର ସଂପର୍କରେ ଏଲଭିଶ ଯାଦବଙ୍କୁ ଇଡି ଦ୍ୱାରା ପ୍ରଶ୍ନ କରାଯାଇଛି।
କେନ୍ଦ୍ରୀୟ ଏଜେନ୍ସି ମେ’ ମାସରେ ଏକ ମାମଲା ରୁଜୁ କରିଥିଲା ଏବଂ ଉତ୍ତରପ୍ରଦେଶର ଗୌତମ ବୁଦ୍ଧ ନଗର (ନୋଏଡା) ଜିଲା ପୋଲିସ ଦ୍ୱାରା ତାଙ୍କ ସହ ଜଡିତ ଥିବା ବ୍ୟକ୍ତିଙ୍କ ବିରୋଧରେ ଏକ ଏଫଆଇଆର୍‌ ଏବଂ ଚାର୍ଜସିଟ ଦାଖଲ ହେବା ପରେ ପିଏମଏଲଏ ଅଧୀନରେ ମାମଲା ଦାୟର କରିଥିଲା। ହରିୟାଣାର ଜଣେ ଗାୟକ ରାହୁଲ ଯାଦବ ଛଦ୍ମନାମ ରାହୁଲ ଫାଜିଲପୁରିଆ ମଧ୍ୟ ଏଲଭିଶ ଯାଦବଙ୍କ ସହ ଲିଙ୍କ ଥିବା ଅଭିଯୋଗ ହୋଇଛି।
ରେଭ କିମ୍ବା ଚିତ୍ତାକର୍ଷକ ପାର୍ଟିର ଆୟୋଜନ ପାଇଁ ଅପରାଧର ଅର୍ଥର ବ୍ୟବହାର ହୋଇଥିବା କଥା ଇଡି ଯାଞ୍ଚ ସ୍କାନରରେ ଅଛି। ତାଙ୍କ ଦ୍ୱାରା ଆୟୋଜିତ ହୋଇଥିବା ପାର୍ଟିରେ ମନୋରଞ୍ଜନ ପାଇଁ ସାପ ବିଷର ସନ୍ଦେହଜନକ ବ୍ୟବହାର ଘଟଣାର ତଦନ୍ତ ସଂପର୍କରେ ଏଲଭିଶ ଯାଦବଙ୍କୁ ମାର୍ଚ୍ଚ ୧୭ରେ ନୋଏଡା ପୋଲିସ ଗିରଫ କରିଥିଲା।

The post ୟୁ ଟ୍ୟୁବର ଏଲଭିଶ ଯାଦବ, ଫାଜିଲପୁରିଆଙ୍କ ଉପରେ ଇଡିର ଆକ୍ସନ appeared first on Dharitri Odia News.