୧୨ ଜୁନ, କଳାଦିନ: ୭୫ ବର୍ଷ ପୂର୍ବେ ଆଜିର ଦିନରେ ଘଟିଥିଲା ବଡ଼ ବିମାନ ଦୁର୍ଘଟଣା, ଏତିକି ଲୋକଙ୍କ ଯାଇଥିଲା ଜୀବନ

ନୂଆଦିଲ୍ଲୀ,୧୨।୬: ୧୨ ଜୁନ ୨୦୨୫, ଏହି ତାରିଖ ଏବେ ଭାରତରେ କଳା ଦିନ ଭାବେ ଗଣାହେବ। ଆଜି ଅପରାହ୍ନ ପ୍ରାୟ ୨ଟା ସମୟରେ, ଏୟାର ଇଣ୍ଡିଆର ଲଣ୍ଡନ ଯାଉଥିବା ବିମାନ AI171 (ବୋଇଂ ୭୮୭-୮ ଡ୍ରିମଲାଇନର) ଗୁଜରାଟର ଅହମ୍ମଦାବାଦ ବିମାନବନ୍ଦର ନିକଟବର୍ତ୍ତୀ ମେଘନାନୀ ନଗର ଅଞ୍ଚଳରେ ଦୁର୍ଘଟଣାଗ୍ରସ୍ତ ହୋଇଥିଲା। ଏହି ବିମାନଟି ଲଣ୍ଡନ ଯାଉଥିଲା। ଏଥିରେ ୧୦ ଜଣ କ୍ରୁ ସଦସ୍ୟଙ୍କ ସମେତ ୨୪୨ ଜଣ ଯାତ୍ରା କରୁଥିଲେ।

ଦୁର୍ଘଟଣାର ଭାଇରାଲ ଭିଡିଓରେ, ବୋଇଂ ବିମାନଟି ଉଡ଼ାଣ ଆରମ୍ଭ କରିବା ପରେ ତୁରନ୍ତ ତଳକୁ ଆସୁଥିବାର ଦେଖାଯାଇଥିଲା ଏବଂ ଏହା ଅପରାହ୍ନ ପ୍ରାୟ ୨ଟା ସମୟରେ ବିମାନବନ୍ଦର ନିକଟବର୍ତ୍ତୀ ମେଘନାନୀ ନଗର ଅଞ୍ଚଳରେ ଦୁର୍ଘଟଣାଗ୍ରସ୍ତ ହୋଇଥିଲା। ଦୁର୍ଘଟଣାର ତୁରନ୍ତ ପରେ, ଅଞ୍ଚଳରେ କଳା ଧୂଆଁ ଉଠିବା ଦେଖାଯାଇଥିଲା।

କହାଯାଉଛି ଯେ, ଏହି ବିମାନରେ ୧୬୯ ଭାରତୀୟ ଏବଂ ୫୩ ଜଣ ବ୍ରିଟିଶ ନାଗରିକ ଥିଲେ। ଅନୁମାନ କରାଯାଉଛି ଯେ, ବିମାନରେ ଥିବା ସମସ୍ତ ଲୋକଙ୍କର ମୃତ୍ୟୁ ହୋଇଛି।

ଠିକ ୭୫ ବର୍ଷ ପୂର୍ବେ ୧୯୫୦ ଜୁନ ୧୨ ତାରିଖରେ, ଅର୍ଥାତ୍‌ ଆଜିର ଦିନରେ, ଏକ ଏୟାର ଫ୍ରାନ୍ସ ଡଗଲାସ ଡିସି-୪ (ଏଫ-ବିବିଡିଇ) ବିମାନ ବାହାରିନ ବିମାନବନ୍ଦର ନିକଟରେ ଆରବ ସାଗରରେ ଦୁର୍ଘଟଣାଗ୍ରସ୍ତ ହୋଇଥିଲା। ଏଥିରେ ୪୬ ଜଣଙ୍କର ମୃତ୍ୟୁ ହୋଇଥିଲା।

The post ୧୨ ଜୁନ, କଳାଦିନ: ୭୫ ବର୍ଷ ପୂର୍ବେ ଆଜିର ଦିନରେ ଘଟିଥିଲା ବଡ଼ ବିମାନ ଦୁର୍ଘଟଣା, ଏତିକି ଲୋକଙ୍କ ଯାଇଥିଲା ଜୀବନ appeared first on Dharitri Odia News.