୧୪ କୋଟି ମାଇଲ୍ ଦୂରରୁ ପୃଥିବୀକୁ ମିଳିଲା ସିଗନାଲ୍, NASA କଲା ଖୁଲାସା

ନୂଆଦିଲ୍ଲୀ: ପୃଥିବୀକୁ ସୁଦୂର ମହାକାଶରୁ ଏକ ଖାସ୍ ସିଗନାଲ୍ ମିଳିଛି । କୁହାଯାଉଛି ଯେ ଏହି ସିଗନାଲ୍ ପ୍ରାୟ ୧୪୦ ମିଲିୟନ ମାଇଲ୍ ଦୂରରୁ ଆସିଛି । ଆମେରିକାର ସ୍ପେସ୍ ଏଜେନ୍ସି ନାସା ଏହି ଖୁଲାସା କରିଛି । ଉଲ୍ଲେଖଯୋଗ୍ୟ ଯେ ନାସାକୁ ନୂଆ ସ୍ପେସ୍ କ୍ରାଫ୍ଟ ସାଇକିରୁ ସିଗନାଲ ମିଳିଛି । ଏହି ସିଗନାଲ୍ ୧୪୦ ମିଲିୟନ ମାଇଲ୍ (୨୨୬ ମିଲିୟନ କିଲୋମିଟର) ଦୂରରୁ ମିଳିଛି । ଏହି ଦୂରତା ସୂର୍ଯ୍ୟ ଏବଂ ପୃଥିବୀର ମଧ୍ୟର ଦୂରତାଠାରୁ ଦେଢ ଗୁଣା ଅଧିକ । 

ନାସା ୨୦୨୩ ଅକ୍ଟୋବର ୧୩ରେ ଏକ ମହାକାଶ ଯାନ ଲଞ୍ଚ କରିଥିଲା । ଏହି ଯାନ ସାଇକି ନାମକ କ୍ଷୁଦ୍ରଗ୍ରହ ନିକଟକୁ ପଠାଯାଇଥିଲା । ସାଇକି ନାମକ କ୍ଷୁଦ୍ରଗ୍ରହ ମଙ୍ଗଳ ଏବଂ ବୃହସ୍ପତି ମଧ୍ୟରେ ରହିଛି । ସାଇକିରେ ଡିପ୍ ସ୍ପେସ୍ ଅପ୍ଟିକଲ୍ କମ୍ପ୍ୟୁନିକେସନ ଏକ୍ସପେରିମେଣ୍ଟ ସିଷ୍ଟମ ଖଞ୍ଜା ହୋଇଛି । ସାଇକିର ରେଡିଓ ଫ୍ରିକ୍ୱେନସି ଟ୍ରାନ୍ସମିଟର ସହ ଯୋଡି ହେବା ପରେ ଲେଜର କମ୍ୟୁନିକେଶନ ୧୪ କୋଟି ମାଇଲ୍ ଦୂରରୁ ଇଞ୍ଜିନିୟରିଂ ଡାଟାର ଏକ କପି ପଠାଇଛି । ନାସା ପାଇଁ ଏହା ଏକ ବଡ଼ ଉପଲବ୍ଧି ଅଟେ । କାରଣ ଏହା ଜଟିଳ ବୈଜ୍ଞାନିକ ସୂଚନା ସହ ଏଚଡି ଫଟୋ ଏବଂ ଭିଡିଓ ଆଦାନ ପ୍ରଧାନକୁ ସକ୍ଷମ କରି ଉଚ୍ଚ ଡାଟା ରେଟ୍ କମ୍ପ୍ୟୁନିକେସନକୁ ସକ୍ଷମ କରିବ ।

ଉଲ୍ଲେଖଯୋଗ୍ୟ ଯେ ଲେଜର ଟେକ୍ନୋଲଜିକୁ ସୁଦୂର ମହାକାଶରୁ ଡାଟାକୁ ୧୦ରୁ ୧୦୦ ଗୁଣା ଦ୍ରୁତ ବେଗରେ ସଂଚାଳିତ କରିବା ପାଇଁ ଡିଜାଇନ କରାଯାଇଛି । ଯାହା ଅତ୍ୟାଧୁନିକ ରେଡିଓ ଫ୍ରିକ୍ୱେନସି ସିଷ୍ଟମରୁ ମିଳୁଛି ।