୨୦୨୫ରେ ବିବାହ କରିବେ ଅଲି ଗୋନି-ଜସ୍ମିନ୍ ଭସିନ, ଅଭିନେତ୍ରୀଙ୍କ ମାଆ କଲେ କନଫର୍ମ

ମୁମ୍ଵାଇ ୧୧।୧୧; ଟେଲି କପଲ ଅଲି ଗୋନି ଏବଂ ଜସ୍ମିନ୍ ଭସିନ୍ । ପ୍ରଶଂସକମାନେ ସେମାନଙ୍କର ଯୋଡିକୁ ଖୁବ୍‌ ପସନ୍ଦ କରନ୍ତି। ବିଗ୍ ବସ୍ ଘରେ ସେମାନଙ୍କର ବନ୍ଧୁତା ପ୍ରେମରେ ପରିଣତ ହେଲା । ସେବେଠାରୁ ଉଭୟ ଏକାଠି ଅଛନ୍ତି ଏବଂ ସେମାନଙ୍କ ଜୀବନ ସହିତ ଜଡିତ ଅନେକ ଅପଡେଟ ସେୟାର କରନ୍ତି। ପ୍ରଶଂସକମାନେ ବର୍ତ୍ତମାନ ଅଲି ଗୋନି ଏବଂ ଜସ୍ମିନ ଭସିନଙ୍କ ବିବାହକୁ ଅପେକ୍ଷା କରିଛନ୍ତି। ଲାଗୁଛି ଯେ ଏହି ଦମ୍ପତି ଖୁବ୍‌ ଶୀଘ୍ର ବିବାହ ବନ୍ଧନରେ ବାନ୍ଧି ହେବେ।

ନିକଟରେ କୃଷ୍ଣ ମୁଖାର୍ଜୀ ଏକ ଦିୱାଲୀ ପାର୍ଟିର ଆୟୋଜନ କରିଥିଲେ । ଏହି ପାର୍ଟିରେ ଅଲି ଏବଂ ଜସ୍ମିନ୍ ମଧ୍ୟ ଯୋଗ ଦେଇଥିଲେ। ଏଠାରେ ଉଭୟ ବହୁତ ଉପଭୋଗ କରୁଥିବା ଦେଖିବାକୁ ମିଳିଥିଲେ। ଏହି ଭିଡିଓରେ କୃଷ୍ଣ ଅଲିଙ୍କୁ ପଚାରିଛନ୍ତି ଯେ ସେ ଆସନ୍ତା ବର୍ଷ ଜସ୍ମିନଙ୍କୁ ବିବାହ କରିବେ କି? ଏହା ଉପରେ ଅଲି ମୁଣ୍ଡ ନୁଆଁଇ କୁହନ୍ତି - ହଁ, ଆସନ୍ତା ବର୍ଷ ହିଁ ହେବ।  ପାଖରେ ବସିଥିବା ଜସ୍ମିନଙ୍କ ମାଙ୍କୁ ପଚାରିଥିଲେ ଯେ ସେ ସେମାନଙ୍କ ବିବାହକୁ ସମର୍ଥନ କରୁଛନ୍ତି କି? ସାମାନ୍ୟ ହସ ସହିତ ସେ କୁହନ୍ତି - ଅବଶ୍ୟ, ମୁଁ କହୁଛି ଆଜି ହିଁ ଦୁହେଁ ବିବାହ କର । ଶୀଘ୍ର ଯାଅ । ମୋତେ ମଧ୍ୟ ଛୁଟି ଦିଅ । ଏହାକୁ ପରିହାସ କରି ଅଲି କୁହନ୍ତି- ଆପଣଙ୍କ ଛୁଟି  ପାଇଁ ବିବାହ କରିବା ଉଚିତ କି? ଆପଣ ବହୁତ ଛୋଟ, ଆପଣ ତ ଦୌଡି ପାରିବେ ।  

ଅଲି ଏବଂ ଜସ୍ମିନଙ୍କ ବିଷୟରେ କଥାବାର୍ତ୍ତା କଲେ ଦୁହେଁ ଦୀର୍ଘ ସମୟ ଧରି ଏକାଠି ଥିଲେ।  ପ୍ରଥମେ ଦୁହିଁଙ୍କ ମଧ୍ୟରେ ବନ୍ଧୁତା ଥିଲା ଏବଂ ପରେ ପ୍ରେମ ।  ଅଲି ଜସ୍ମିନ ପାଇଁ ବିଗ୍ ବସ୍ ଘରେ ଏଣ୍ଟ୍ରି କରିଥିଲେ। ଘର ଭିତରେ ସେମାନେ ଧୀରେ ଧୀରେ ପରସ୍ପର ପ୍ରତି ପ୍ରେମ ଅନୁଭବ କଲେ ଏବଂ ପରେ ଦୁହେଁ ଏକାଠି ହୋଇଥିଲେ।