୩ ଘଣ୍ଟା ଧରି ସଲମାନଙ୍କ ବୟାନ ରେକର୍ଡ କଲା ପୋଲିସ

ମୁମ୍ବାଇ: ବଲିଉଡ୍‌ର ଦବଙ୍ଗ ଖାନ୍‌ ସଲମାନ ଖାନଙ୍କ ମୁମ୍ବାଇ ଘର ଗାଲାକ୍ସି ଆପାର୍ଟମେଣ୍ଟ ବାହାରେ ୨ ମାସ ତଳେ କିଛି ଦୁର୍ବୃତ୍ତ ଗୁଳି ଚଳାଇଥିଲେ। ଅଭିଯୁକ୍ତ ସେମାନଙ୍କ ଉଦ୍ଦେଶ୍ୟରେ ସଫଳ ହୋଇପାରି ନ ଥିଲେ ଏବଂ ସଙ୍ଗେ ସଙ୍ଗେ ସେଠାରୁ ପଳାଇ ଯାଇଥିଲେ। ପୋଲିସ ତୁରନ୍ତ କାର୍ଯ୍ୟାନୁଷ୍ଠାନ ଗ୍ରହଣ କରି ଅଭିଯୁକ୍ତକୁ ଗିରଫ କରିଥିଲା। ବର୍ତ୍ତମାନ ମୁମ୍ବାଇ ପୋଲିସର କ୍ରାଇମବ୍ରାଞ୍ଚ ଏହି ମାମଲାରେ ସଲମାନଙ୍କ ବୟାନ ରେକର୍ଡ କରିଛି।

ସଲମାନ କହିଛନ୍ତି, ଏପ୍ରିଲ ୧୪ରେ ସେ ଗୁଳି ଶବ୍ଦ ଶୁଣି ସେ ଉଠିପଡ଼ିଥିଲେ। ଯେତେବେଳେ ଦୁଇଜଣ ବାଇକ ଆରୋହୀ ମୁମ୍ବାଇର ବାନ୍ଦ୍ରାସ୍ଥିତ ତାଙ୍କ ବାସଭବନ ବାହାରେ ଗୁଳି ଚଳାଇଥିଲେ। ଏହାପୂର୍ବରୁ ମୁମ୍ବାଇ ପୋଲିସ ସଲମାନଙ୍କ ଭାଇ ଅରବାଜ ଖାନ ଏବଂ ସୋହେଲ ଖାନଙ୍କ ବୟାନ ମଧ୍ୟ ରେକର୍ଡ କରିଥିଲା। ଏହି ଘଟଣାରେ ଉଭୟ ଭାଇ ପୋଲିସକୁ ଜୁନ୍‌ ୪ରେ ବୟାନ ଦେଇଥିଲେ।

ପୋଲିସ କହିଛି, ଲରେନ୍ସ ବିଷ୍ରୋୟୀଙ୍କ ଗ୍ୟାଙ୍ଗ ଦ୍ୱାରା ନିଯୁକ୍ତ ସୁଟରମାନେ ସଲମାନଙ୍କୁ ହତ୍ୟା କରିବା ପାଇଁ ଷଡ଼ଯନ୍ତ୍ର କରିଥିଲେ। ମୁମ୍ବାଇ କ୍ରାଇମ ଶାଖା ଅଧିକାରୀଙ୍କ ସମେତ ଚାରିଜଣିଆ ଟିମ୍‌ ସଲମାନ ଏବଂ ତାଙ୍କ ଭାଇ ଅରବାଜଙ୍କ ବୟାନ ରେକର୍ଡ କରିବା ପାଇଁ ଜୁନ ୪ରେ ଅଭିନେତାଙ୍କ ଘରେ ପହଞ୍ଚିଥିଲେ। ଉଭୟ ଭାଇଙ୍କୁ ମୋଟ୍‌ ୬ ଘଣ୍ଟା ପଚରାଉଚରା କରାଯାଇଥିଲା। ସଲମାନ ପୋଲିସକୁ କହିଛନ୍ତି, ତାଙ୍କ ଜୀବନ ପ୍ରତି ବିପଦ ଥିବା ଅନୁଭବ କରିଛନ୍ତି ଏବଂ ମାମଲାର ଅନୁସନ୍ଧାନ ବେଳେ ସହାୟତା ପାଇଁ ଅଧିକାରୀମାନଙ୍କୁ ଧନ୍ୟବାଦ ଜଣାଇଛନ୍ତି।

ଏକ ରିପୋର୍ଟ ଅନୁଯାୟୀ, ସଲମାନ ପୋଲିସକୁ କହିଛନ୍ତି, ଘଟଣା ଦିନ ସେ ଘରେ ଥିଲେ ଏବଂ ପାର୍ଟି ପରେ ବିଳମ୍ବିତ ରାତି ପର୍ଯ୍ୟନ୍ତ ଶୋଇଥିଲେ। ସେ ତାଙ୍କ ଫ୍ଲାଟର ବାଲକୋନୀରେ ଗୁଳି ବାଜିବାର ଶବ୍ଦ ଶୁଣି ସେ ପୋଲିସକୁ କହିଥିଲେ। ସେ ଏଥିରେ ଚକିତ ହୋଇ ଉଠିବା ପରେ ସେ ବାଲକୋନିକୁ ଯାଇ ବାହାରେ ଦେଖିଲେ କିନ୍ତୁ ସେ କାହାକୁ ପାଇ ନ ଥିଲେ।

ଗୁଳି ବିନିମୟ ସମୟରେ ତାଙ୍କ ଜୁହୁ ନିବାସରେ ଥିବା ସଲମାନଙ୍କ ଭାଇ ଅରବାଜଙ୍କ ବୟାନ ମଧ୍ୟ ପୋଲିସ ରେକର୍ଡ କରିଛି କିନ୍ତୁ ଗ୍ୟାଙ୍ଗ ଦ୍ୱାରା ସଲମାନଙ୍କୁ ଦିଆଯାଇଥିବା ପୂର୍ବ ଧମକ ବିଷୟରେ ସେ ଜାଣିଥିଲେ। ତାଙ୍କ ଭାଇଙ୍କୁ ଦୁଇ ଘଣ୍ଟା ପଚରାଉଚରା କରାଯାଉଥିବା ବେଳେ ସଲମାନଙ୍କ ବୟାନ ତିନି ଘଣ୍ଟା ଧରି ରେକର୍ଡ କରାଯାଇଥିଲା। ଦୁଇ ଭାଇଙ୍କୁ ୧୫୦ରୁ ଅଧିକ ପ୍ରଶ୍ନ ପଚରାଯାଇଛି।

The post ୩ ଘଣ୍ଟା ଧରି ସଲମାନଙ୍କ ବୟାନ ରେକର୍ଡ କଲା ପୋଲିସ appeared first on Dharitri Odia News.