୪ ରାଜ୍ୟର ୫ ବିଧାନସଭା ଆସନ ଉପନିର୍ବାଚନ ପାଇଁ ମତଦାନ ଆରମ୍ଭ, ୨୩ ଜୁନରେ ଫଳାଫଳ

ନୂଆଦିଲ୍ଲୀ,୧୯।୬: ଦେଶର ଚାରୋଟି ରାଜ୍ୟରେ ବିଧାନସଭା ଉପନିର୍ବାଚନ (Assembly Bypolls 2025) ପାଇଁ ଗୁରୁବାର ଜୁନ ୧୯, ୨୦୨୫ରେ ମତଦାନ ଆରମ୍ଭ ହୋଇଛି। କେରଳର ନିଲାମ୍ବୁର, ପଞ୍ଜାବର ଲୁଧିଆନା ପଶ୍ଚିମ, ପଶ୍ଚିମବଙ୍ଗର କାଳିଗଞ୍ଜ ଏବଂ ଗୁଜରାଟର ବିସାବାଦର ଏବଂ କାଡିରେ ବିଧାନସଭା ଉପନିର୍ବାଚନ ପାଇଁ ଭୋଟ ଦିଆଯାଉଛି।
କେରଳର ନିଲାମ୍ବୁର ବିଧାନସଭା ନିର୍ବାଚନ ମଣ୍ଡଳୀର ଭେଟ୍ଟିକୁଥର ସରକାରୀ ନିମ୍ନ ପ୍ରାଥମିକ ବିଦ୍ୟାଳୟରେ ଥିବା ପୋଲିଂ ଷ୍ଟେଶନ ନମ୍ବର ୧୮୪ ରେ ମକ-ପୋଲିଂ କରାଯାଇଥିଲା। ବିଧାନସଭା ଉପନିର୍ବାଚନ ୨୦୨୫ ପାଇଁ ଭୋଟ ସକାଳ ୭ ଟାରେ ଆରମ୍ଭ ହୋଇଥିଲା। LDF ଏମ ସ୍ବରାଜଙ୍କୁ ପ୍ରାର୍ଥୀ କରିଛି, UDF ଆର୍ଯ୍ୟଦାନ ଶୌକତଙ୍କୁ ପ୍ରାର୍ଥୀ କରିଛି ଏବଂ BJP ଆଡଭୋକେଟ ମୋହନ ଜର୍ଜଙ୍କୁ ପ୍ରାର୍ଥୀ କରିଛି।
ପଞ୍ଜାବର ଲୁଧିଆନା ପଶ୍ଚିମ ବିଧାନସଭା ନିର୍ବାଚନ ମଣ୍ଡଳୀର ଏକ ପୋଲିଂ ଷ୍ଟେଶନରେ ମକ-ପୋଲିଂ କରାଯାଇଥିଲା। ଏଠାରେ ମଧ୍ୟ ସକାଳ ୭ଟାରେ ଭୋଟ ଗ୍ରହଣ ଆରମ୍ଭ ହୋଇଥିଲା। ବିଧାନସଭା ଉପନିର୍ବାଚନ ପାଇଁ, AAP ସଞ୍ଜୀବ ଆରୋରାଙ୍କୁ ପ୍ରାର୍ଥୀ କରିଛି, କଂଗ୍ରେସ ଭାରତ ଭୂଷଣ ଆଶୁଙ୍କୁ ପ୍ରାର୍ଥୀ କରିଛି, ଭାଜପା ଜୀବନ ଗୁପ୍ତାଙ୍କୁ ପ୍ରାର୍ଥୀ କରିଛି ଏବଂ ଶିରୋମଣି ଅକାଳୀ ଦଳ ପରରୂପକର ସିଂହ ଘୁମାନଙ୍କୁ ପ୍ରାର୍ଥୀ କରିଛି। ପଶ୍ଚିମବଙ୍ଗର କାଳିଗଞ୍ଜ ବିଧାନସଭା କ୍ଷେତ୍ରରେ ଉପନିର୍ବାଚନ ପାଇଁ ମଧ୍ୟ ମତଦାନ ଆରମ୍ଭ ହୋଇଛି। ଏହି ଅଞ୍ଚଳର ଦେବଗ୍ରାମ ଡିକେ ବାଳିକା ଉଚ୍ଚ ବିଦ୍ୟାଳୟର ବୁଥ ନମ୍ବର ୧୭୧ର ପ୍ରିଜାଇଡିଂ ଅଧିକାରୀ ପ୍ରଦ୍ୟୁତ ମଲ୍ଲିକ କହିଛନ୍ତି, ‘ନିର୍ବାଚନ କମିଶନ ଦ୍ୱାରା ଭଲ ବ୍ୟବସ୍ଥା କରାଯାଇଛି ଏବଂ ସୁରକ୍ଷା ମଧ୍ୟ ଭଲ ଅଛି।’ ସେ କହିଛନ୍ତି ଯେ ସବୁକିଛି ଦେଖିବା ପରେ, ଆମେ ବିଶ୍ୱାସ କରୁଛୁ ଯେ ମତଦାନ ଶାନ୍ତିପୂର୍ଣ୍ଣ ହେବ। ମକ-ପୋଲିଂ କରାଯାଇଛି ଏବଂ ସବୁକିଛି ସୁରୁଖୁରୁରେ ଚାଲିଛି। ଏହି ମତଦାନ କେନ୍ଦ୍ରରେ ୧୧୭୪ ଭୋଟର ଅଛନ୍ତି। ଆପଣଙ୍କୁ କହି ରଖୁଛୁ, କାଳିଗଞ୍ଜ ବିଧାନସଭା ନିର୍ବାଚନ ପାଇଁ ସକାଳ ୭ଟାରେ ମତଦାନ ଆରମ୍ଭ ହୋଇଛି। ଟିଏମସି ପ୍ରାର୍ଥୀ ଭାବରେ ଆଲିଫା ଅହମ୍ମଦ, ଭାଜପା ଆଶିଷ ଘୋଷ ଏବଂ କଂଗ୍ରେସ କାବିଲ ଉଦ୍ଦିନ ଶେଖଙ୍କୁ ପ୍ରାର୍ଥୀ କରିଛି।

The post ୪ ରାଜ୍ୟର ୫ ବିଧାନସଭା ଆସନ ଉପନିର୍ବାଚନ ପାଇଁ ମତଦାନ ଆରମ୍ଭ, ୨୩ ଜୁନରେ ଫଳାଫଳ appeared first on Dharitri Odia News.