୪୮ତମ କୋପା ଆମେରିକା କପ୍; କଲମ୍ବିଆ ଓ ବ୍ରାଜିଲର ଦମ୍ଦାର ବିଜୟ
ନ୍ୟୁୟର୍କ,୩୦/୬: ୪୮ ତମ କୋପା ଆମେରିକା କପ୍ରେ କଲମ୍ବିଆ ଓ ବ୍ରାଜିଲ୍ ଦମ୍ଦାର ବିଜୟ । କଲମ୍ବିଆ କ୍ରମାଗତ ଦ୍ୱିତୀୟ ବିଜୟ ସହ କ୍ୱାର୍ଟର ଫାଇନାଲ୍ରେ ପ୍ରବେଶ କରିଛି । ପ୍ରଥମ ମ୍ୟାଚ୍ ଡ୍ର’ ରଖିଥିବା ବ୍ରାଜିଲ୍ ଦ୍ବିତୀୟ ମ୍ୟାଚରେ ବିଜୟ ଖାତା ଖୋଲି ପଏଣ୍ଟ ତାଲିକାର ଦ୍ୱିତୀୟ ସ୍ଥାନକୁ ଉନ୍ନୀତ ହୋଇଛି । ବ୍ରାଜିଲ୍ ୪-୧ ପାରାଗୁଏ ଲାସ ଭେଗାସ୍ ସ୍ଥିତ ଆଲେ ଜାଏଣ୍ଟ ଷ୍ଟାଡ଼ିୟମ୍ରେ ଅନୁଷ୍ଠିତ ଗ୍ରୁପ୍-ଡି’ର ଏହି ମ୍ୟାଚ୍ରେ ବ୍ରାଜିଲ୍ ପ୍ରଭାବ ବିସ୍ତାର କରି ଖେଳି ୪-୧ ଗୋଲ୍ରେ ବିଜୟ ହାସଲ କରିଥିଲା । ରିୟଲ ମାଦ୍ରିଦ ପକ୍ଷରୁ ଖେଳୁଥିବା ଷ୍ଟାର୍ ଷ୍ଟ୍ରାଇକର ଭିନିସିୟସ ଜୁନିୟର ୨ଟି ଗୋଲ୍ କରିଥିଲେ । ସେହିପରି ୪୩ତମ ମିନିଟ୍ରେ ସାଭିଓ ଏକ ଗୋଲ୍ କରିଥିବାବେଳେ ୬୫ତମ ମିନିଟ୍ରେ ଲୁକାସ ପାକ୍ୱେଟା ଏକ ପେନାଲ୍ଟିକୁ ଗୋଲ୍ରେ ପରିଣତ କରିଥିଲେ । ପାରାଗୁଏ ପକ୍ଷରୁ ଓମାର ଆଲଡରେଟ୍ ୪୮ତମ ମିନିଟ୍ରେ ଏକମାତ୍ର ଗୋଲ ପରିଶୋଧ କରିବାରେ ସଫଳ ହୋଇଥିଲେ । ସେପଟେ କଲମ୍ବିଆ ୩-୦ କୋଷ୍ଟା ରିକା ଆରିଜୋନା ସ୍ଥାନ ଫୋନିକ୍ସ ଷ୍ଟାଡ଼ିୟମ୍ରେ ଅନୁଷ୍ଠିତ ମ୍ୟାଚ୍ରେ କଲମ୍ବିଆ ୩-୦ ଗୋଲ୍ରେ କୋଷ୍ଟାରିକାକୁ ହରାଇଥିଲା । ୩୧ତମ ମିନିଟ୍ରେ କଲମ୍ବିଆକୁ ଏକ ପେନାଲ୍ଟି ମିଳିଥିଲା । ଦଳ ପକ୍ଷରୁ ଲୁଇସ ଡାଏଜ ଏହାକୁ ଗୋଲ୍ରେ ପରିଣତ କରିଥିଲେ । ସେହିପରି ୫୯ତମ ମିନିଟ୍ରେ ଡାଭିନସନ ସାଞ୍ଚେଜ ଦ୍ୱିତୀୟ
ନ୍ୟୁୟର୍କ,୩୦/୬: ୪୮ ତମ କୋପା ଆମେରିକା କପ୍ରେ କଲମ୍ବିଆ ଓ ବ୍ରାଜିଲ୍ ଦମ୍ଦାର ବିଜୟ । କଲମ୍ବିଆ କ୍ରମାଗତ ଦ୍ୱିତୀୟ ବିଜୟ ସହ କ୍ୱାର୍ଟର ଫାଇନାଲ୍ରେ ପ୍ରବେଶ କରିଛି । ପ୍ରଥମ ମ୍ୟାଚ୍ ଡ୍ର’ ରଖିଥିବା ବ୍ରାଜିଲ୍ ଦ୍ବିତୀୟ ମ୍ୟାଚରେ ବିଜୟ ଖାତା ଖୋଲି ପଏଣ୍ଟ ତାଲିକାର ଦ୍ୱିତୀୟ ସ୍ଥାନକୁ ଉନ୍ନୀତ ହୋଇଛି ।
ବ୍ରାଜିଲ୍ ୪-୧ ପାରାଗୁଏ ଲାସ ଭେଗାସ୍ ସ୍ଥିତ ଆଲେ ଜାଏଣ୍ଟ ଷ୍ଟାଡ଼ିୟମ୍ରେ ଅନୁଷ୍ଠିତ ଗ୍ରୁପ୍-ଡି’ର ଏହି ମ୍ୟାଚ୍ରେ ବ୍ରାଜିଲ୍ ପ୍ରଭାବ ବିସ୍ତାର କରି ଖେଳି ୪-୧ ଗୋଲ୍ରେ ବିଜୟ ହାସଲ କରିଥିଲା । ରିୟଲ ମାଦ୍ରିଦ ପକ୍ଷରୁ ଖେଳୁଥିବା ଷ୍ଟାର୍ ଷ୍ଟ୍ରାଇକର ଭିନିସିୟସ ଜୁନିୟର ୨ଟି ଗୋଲ୍ କରିଥିଲେ । ସେହିପରି ୪୩ତମ ମିନିଟ୍ରେ ସାଭିଓ ଏକ ଗୋଲ୍ କରିଥିବାବେଳେ ୬୫ତମ ମିନିଟ୍ରେ ଲୁକାସ ପାକ୍ୱେଟା ଏକ ପେନାଲ୍ଟିକୁ ଗୋଲ୍ରେ ପରିଣତ କରିଥିଲେ । ପାରାଗୁଏ ପକ୍ଷରୁ ଓମାର ଆଲଡରେଟ୍ ୪୮ତମ ମିନିଟ୍ରେ ଏକମାତ୍ର ଗୋଲ ପରିଶୋଧ କରିବାରେ ସଫଳ ହୋଇଥିଲେ ।
ସେପଟେ କଲମ୍ବିଆ ୩-୦ କୋଷ୍ଟା ରିକା ଆରିଜୋନା ସ୍ଥାନ ଫୋନିକ୍ସ ଷ୍ଟାଡ଼ିୟମ୍ରେ ଅନୁଷ୍ଠିତ ମ୍ୟାଚ୍ରେ କଲମ୍ବିଆ ୩-୦ ଗୋଲ୍ରେ କୋଷ୍ଟାରିକାକୁ ହରାଇଥିଲା । ୩୧ତମ ମିନିଟ୍ରେ କଲମ୍ବିଆକୁ ଏକ ପେନାଲ୍ଟି ମିଳିଥିଲା । ଦଳ ପକ୍ଷରୁ ଲୁଇସ ଡାଏଜ ଏହାକୁ ଗୋଲ୍ରେ ପରିଣତ କରିଥିଲେ । ସେହିପରି ୫୯ତମ ମିନିଟ୍ରେ ଡାଭିନସନ ସାଞ୍ଚେଜ ଦ୍ୱିତୀୟ ଓ ୬୨ତମ ମିନିଟ୍ରେ ଜନ କର୍ଡୋନା ତୃତୀୟ ଗୋଲ୍ କରିଥିଲେ ।
