୮ଜଣ ପାକିସ୍ତାନୀଙ୍କୁ ୨୦ ବର୍ଷର ଜେଲଦଣ୍ଡ ଶୁଣାଇଲେ ମୁମ୍ବାଇ କୋର୍ଟ

ମୁମ୍ବାଇ,୨।୧: ୨୦୧୫ରେ ଗୁଜୁରାଟ ଉପକୂଳରେ ଅଟକି ରହିଥିବା ଏକ ଡଙ୍ଗାରେ ୨୩୨କିଲୋଗ୍ରାମ ହେରୋଇନ ରଖିବା ଏବଂ ପରିବହନ ଅଭିଯୋଗରେ ଏକ ସ୍ବତନ୍ତ୍ର ଏନଡିପିଏସ କୋର୍ଟ ୮ ଜଣ ପାକିସ୍ତାନୀ ନାଗରିକଙ୍କୁ ୨୦ ବର୍ଷ ଜେଲ ଦଣ୍ଡାଦେଶ ଶୁଣାଇଛନ୍ତି। ଏହି ମାମଲା ଅତ୍ୟନ୍ତ ଗମ୍ଭୀର ଥିଲା, କାରଣ ଏହା ଡ୍ରଗ୍ସ ଚୋରା କାରବାରର ଏକ ବଡ଼ ନେଟୱାର୍କ ସହିତ ସଂଯୁକ୍ତ ଥିଲା । ଏହି ଅପରାଧର ଗମ୍ଭୀରତା ଦର୍ଶାଇ କୋର୍ଟ ସମସ୍ତ ଦୋଷୀଙ୍କୁ ୨ଲକ୍ଷ ଟଙ୍କା ଜରିମାନା ମଧ୍ୟ ଦେଇଛନ୍ତି। ବୁଧବାର (ଜାନୁଆରୀ ୧) ରେ ସ୍ବତନ୍ତ୍ର ବିଚାରପତି ଶଶିକାନ୍ତ ଇ. ବାଙ୍ଗର ଏହି ରାୟ ଦେଇଛନ୍ତି। ଯଦିଓ ଏପର୍ଯ୍ୟନ୍ତ ସବିଶେଷ ଆଦେଶ ଉପଲବ୍ଧ ହୋଇନାହିଁ, ତଥାପି ଏହି ନିଷ୍ପତ୍ତିକୁ ଡ୍ରଗ୍ସ ଚୋରା ଚାଲାଣ ବିରୋଧରେ ଏକ ଦୃଢ କାର୍ଯ୍ୟାନୁଷ୍ଠାନ ଭାବେ ଦେଖାଯାଉଛି।
୨୦୧୫ରେ, ଭାରତର ତଟରକ୍ଷୀ ବାହିନୀ ଗୁଜୁରାଟ ଉପକୂଳରେ ଏକ ଡଙ୍ଗାକୁ ଅଟକାଇଥିଲା ଯେଉଁଥିରେ ୨୩୨ କିଲୋଗ୍ରାମ ହିରୋଇନ ଅଣାଯାଇଥିଲା । ସୂଚନାନୁସାରେ, ଏହି ଡଙ୍ଗାରେ ସମୁଦାୟ ୮ଜଣ ପାକିସ୍ତାନୀ ନାଗରିକ ଥିଲେ। ପ୍ରବର୍ତ୍ତନ ନିର୍ଦ୍ଦେଶାଳୟ କହିଛି ଯେ ଡଙ୍ଗାରେ ୧୧ ଟି ଡ୍ରମ ଥିଲା ଯେଉଁଥିରେ ୨୦ ଟି ପ୍ଲାଷ୍ଟିକ ଥଳି ମିଳିଥିଲା। ଏହା ଭିତରେ ଗହମ ବାଦାମୀ ରଙ୍ଗର ପାଉଡର ଥିଲା। ଅନୁସନ୍ଧାନ ପରେ ଏହା ନିଶ୍ଚିତ ହେଲା ଯେ ଏହି ପାଉଡର ହିରୋଇନ ଅଟେ । ଏହା ବ୍ୟତୀତ ଡଙ୍ଗାରୁ ତିନୋଟି ସାଟେଲାଇଟ ଫୋନ, ଜିପିଏସ ନେଭିଗେସନ ଚାର୍ଟ ଏବଂ ଅନ୍ୟାନ୍ୟ ଇଲେକ୍ଟ୍ରୋନିକ ଉପକରଣ ମଧ୍ୟ ଉଦ୍ଧାର କରାଯାଇଛି।

The post ୮ଜଣ ପାକିସ୍ତାନୀଙ୍କୁ ୨୦ ବର୍ଷର ଜେଲଦଣ୍ଡ ଶୁଣାଇଲେ ମୁମ୍ବାଇ କୋର୍ଟ appeared first on Dharitri Odia News.