ଆଫଗାନିସ୍ତାନରେ ପୁଣି ଭୂକମ୍ପ ଝଟକା, ରିକ୍ଟର ସ୍କେଲ୍‌ରେ ତୀବ୍ରତା ୪.୨ ରେକର୍ଡ

ନୂଆଦିଲ୍ଲୀ ୧୯।୦୫; ଭାରତର ପଡ଼ୋଶୀ ଦେଶ ଆଫଗାନିସ୍ତାନରେ ପୁଣି ଥରେ ଭୂମିକମ୍ପ ଅନୁଭୂତ ହୋଇଛି। ନ୍ୟାସନାଲ ସେଣ୍ଟର ଫର୍ ସିସମୋଲୋଜି (NCS) ଏହି ଭୂମିକମ୍ପ ବିଷୟରେ ସୂଚନା ଦେଇଛି। ରିକ୍ଟର ସ୍କେଲରେ ତୀବ୍ରତା ୪.୨ ରେକର୍ଡ କରାଯାଇଥିଲା। ଏହି ଭୂମିକମ୍ପ ଭାରତୀୟ ସମୟ ସକାଳ ୦୮:୫୪ ରେ ଅନୁଭୂତ ହୋଇଥିଲା। ଭୂମିକମ୍ପ ପରେ ଲୋକମାନେ ଭୟଭୀତ ହୋଇ ଘରୁ ବାହାରକୁ ଚାଲିଆସିଥିଲେ। ଆଫଗାନିସ୍ତାନ ଏବଂ ପାକିସ୍ତାନର ଅନେକ ଅଞ୍ଚଳରେ ଭୂକମ୍ପର ଝଟକା ଅନୁଭୂତ ହୋଇଥିଲା। ଭୂମିକମ୍ପର କେନ୍ଦ୍ରସ୍ଥଳ ଭୂମିର ୧୪୦ କିଲୋମିଟର ଗଭୀରରେ ଥିଲା।

An earthquake with a magnitude of 4.2 on the Richter Scale hit Afghanistan at 08:54:18 IST: National Centre for Seismology pic.twitter.com/NeW4mAtAQH— ANI (@ANI) May 19, 2025

ଅନେକ ଦେଶରେ ଭୂମିକମ୍ପ ଅନୁଭୂତ ହୋଇଛି

କହିବାକୁ ଗଲେ ଆଜି ସକାଳେ ତିବ୍ଦତ, ବଙ୍ଗୋପସାଗର ଏବଂ ମିଆଁମାରରେ ଭୂମିକମ୍ପର ତୀବ୍ର ଝଟକା ଅନୁଭୂତ ହୋଇଥିଲା। ତିବ୍ଦତରେ ୩.୮ ତୀବ୍ରତା ଅନୁଭୂତ ହୋଇଥିବା ବେଳେ ବଙ୍ଗୋପସାଗରରେ ୪.୫ ତୀବ୍ରତାର ଭୂମିକମ୍ପ ହୋଇଥିଲା। ଏହି ସମୟରେ, ମିଆଁମାରରେ ୩.୯ ତୀବ୍ରତା ଅନୁଭବ ହୋଇଥିଲା। ହେଲେ ଏହି ଭୂମିକମ୍ପରେ କୌଣସି କ୍ଷତି ହୋଇଥିବାର ରିପୋର୍ଟ ମିଳିନାହିଁ। ଏହା ଉଲ୍ଲେଖନୀୟ ଯେ ଭୂମିକମ୍ପ ହେଉଛି ପୃଥିବୀ ପୃଷ୍ଠରେ ହେଉଥିବା ଗତି କିମ୍ବା କମ୍ପନ, ଯାହା ମୁଖ୍ୟତଃ ଟେକ୍ଟୋନିକ୍ ପ୍ଲେଟଗୁଡ଼ିକର ଗତି ଯୋଗୁଁ ହୋଇଥାଏ।