ଖଲିସ୍ତାନୀ ଆତଙ୍କବାଦୀ ଅର୍ଶ ଡାଲାଙ୍କୁ ଗିରଫ କଲା କାନାଡା ପୋଲିସ, ଭାରତର ଥିଲେ ‘ମୋଷ୍ଟ ୱାଣ୍ଟେଡ୍’

ଖଲିସ୍ତାନୀ ଆତଙ୍କବାଦୀ ତଥା ଭାରତର ମୋଷ୍ଟ ୱାଣ୍ଟେଡ୍ ଅର୍ଶ ଡାଲାଙ୍କୁ କାନାଡା ପୋଲିସ ଗିରଫ କରିଛି । ଗତ ମାସ ୨୭-୨୮ ତାରିଖରେ କାନାଡାରେ ହୋଇଥିବା ଏକ ଶୁଟଆଉଟ୍ ମାମଲାରେ ତାଙ୍କୁ ଗିରଫ କରିଛି ପୋଲିସ । ଏହି ଘଟଣାରେ ତାଙ୍କର ସମ୍ପୃକ୍ତି ଥିବା ନେଇ ସୂଚନା ମିଳିଥିଲା ।

କାନାଡାର ହାଲଟନ ରିଜିଓନାଲ୍ ପୋଲିସ ସର୍ଭିସ୍ ଅକ୍ଟୋବର ୨୭ କିମ୍ବା ୨୮ରେ ମିଲଟନରେ ହୋଇଥିବା ଗୁଳିକାଣ୍ଡର ତଦନ୍ତ କରୁଛି । ଏହି ଘଟଣାରେ ଅର୍ଶ ଡାଲାଙ୍କୁ ପଚରାଉଚରା କରାଯାଉଛି ।

ଭାରତୀୟ ସୁରକ୍ଷା ଏଜେନ୍ସି ମୁତାବକ, ଗ୍ୟାଙ୍ଗଷ୍ଟର ଅର୍ଶ ଡାଲା ଭାରତରୁ ଫେରାର୍ ହେବା ପରେ ପତ୍ନୀଙ୍କ ସହ କାନାଡାରେ ରହୁଛନ୍ତି । ପଞ୍ଜାବର ଫରିଦକୋଟରୁ ରବିବାର ସକାଳେ ତାଙ୍କ ଗ୍ୟାଙ୍ଗର ୨ ଜଣ ଶୁଟରଙ୍କୁ ଗିରଫ କରାଯାଇଛି । ସେମାନେ ଗୁରପ୍ରୀତ ସିଂ ହତ୍ୟା ମାମଲାରେ ଜଡ଼ିତ ଥିଲେ । ଏହାସହ ଅର୍ଶ ଡାଲାଙ୍କ ନିର୍ଦ୍ଦେଶରେ ଗ୍ବାଲିୟରରେ ଯଶବନ୍ତ ସିଂ ଗିଲଙ୍କୁ ହତ୍ୟା କରିଥିଲେ । ପଞ୍ଜାବ ଡିଜିପି ଏ ନେଇ ସୂଚନା ଦେଇଛନ୍ତି ।

ଡିଜିପି କହିଛନ୍ତି, ଷ୍ଟେଟ୍ ସ୍ପେଶାଲ ଅପରେସନ ସେଲ, ଆଣ୍ଟି ଗ୍ୟାଙ୍ଗଷ୍ଟାର ଟାସ୍କ ଫୋର୍ସ ଏବଂ ଫରିଦକୋଟ ପୋଲିସର ମିଳିତ ଅପରେସନରେ ଦୁଇ ଶୁଟରଙ୍କୁ ଗିରଫ କରାଯାଇଛି ।

ସେପଟେ ଖଲିସ୍ତାନୀ ଆତଙ୍କବାଦୀଙ୍କ ଗ୍ୟାଙ୍ଗରେ ସାମିଲ ହୋଇଥିବା ଅର୍ଶ ଡାଲା ଜାତୀୟ ତଦନ୍ତ ଏଜେନ୍ସି ବା ଏନଆଇଏ, ଦିଲ୍ଲୀ ଏବଂ ପଞ୍ଜାବ ପୋଲିସର ମୋଷ୍ଟ ୱାଣ୍ଟେଡ୍ ତାଲିକାରେ ଅଛନ୍ତି ।

The post ଖଲିସ୍ତାନୀ ଆତଙ୍କବାଦୀ ଅର୍ଶ ଡାଲାଙ୍କୁ ଗିରଫ କଲା କାନାଡା ପୋଲିସ, ଭାରତର ଥିଲେ ‘ମୋଷ୍ଟ ୱାଣ୍ଟେଡ୍’ appeared first on KNews Odisha.