ଯେତେ ହେଉ ନାଁ କାହିଁକି, ଏକ ଘଣ୍ଟାରୁ ବଢିବନି... IPLରେ ବଦଳିଲା ସୁପର ଓଭର ନିୟମ

ନୂଆଦିଲ୍ଲୀ: ଆଇପିଏଲରେ ନିର୍ଦ୍ଧାରିତ ଓଭର ଶେଷ ପରେ ମ୍ୟାଚ୍‌ର ଫଳାଫଳ ନବାହାରିଲେ ସୁପର ଓଭର ଖେଳାଯାଏା । କିନ୍ତୁ ଏଥର ଏଥିରେ ପରିବର୍ତ୍ତନ କରାଯାଇଛି । ଏହା ଅନୁସାରେ ଯେତେ ସୁପର ଓଭର ହେଉ ନାହିଁ କାହିଁ, ଗୋଟିଏ ଘଣ୍ଟା ଭିତରେ ପୂରା ଶେଷ ହେବା ଦରକାର । ଏହା ବ୍ୟତୀତ ସୁପର ଓଭର ବେଳେ ଗୋଟିଏ ଅସଫଳ ଡିଆରଏସ୍ ଅନୁମତି ମିଳିବ । ସୂଚନା ଅନୁସାରେ ଆଇପିଏଲ୍ ଅଧିନାୟକଙ୍କ ବୈଠକରେ ଏହି ସୂଚନା ଦିଆଯାଇଛି । ଆଇପିଏଲ୍ ୨୦୨୫ର ନୂଆ ସଂସ୍କରଣ ଆଜିଠାରୁ କୋଲକାତାର ଇଡନ୍ ଗାର୍ଡେନରେ ଆରମ୍ଭ ହେବ । ପ୍ରଥମ ମୁକାବିଲାରେ କେକେଆର ଓ ଆରବିଆଇ ମଧ୍ୟରେ ଖେଳାଯିବ ।

କ୍ରିକବଜ୍ ଅନୁସାରେ ମ୍ୟାଚ୍ ବିଜେତା ଘୋଷଣା ହେବା ପର୍ଯ୍ୟନ୍ତ ଯେତେ ବି ସୁପର ଓଭର ଦରକାର ପଡ଼ିବ ଖେଳାଯିବ, କିନ୍ତୁ ତାହା ଏକ ଘଣ୍ଟା ଭିତରେ ହିଁ ଶେଷ ହେବାକୁ ପଡ଼ିବ । ପ୍ରଥମ ମ୍ୟାଚ୍ ଶେଷ ହେବାର ୧୦ ମିନିଟ୍ ଭିତରେ ହିଁ ପ୍ରଥମ ସୁପର ଓଭର ଖେଳାଯିବ । ଯଦି ପ୍ରଥମ ସୁପର ଓଭର ବି ଟାଇ ହୁଏ ତେବେ ଏହାର ୫ ମିନିଟ୍ ଭିତରେ ଦ୍ୱିତୀୟ ସୁପର ଓଭର ଆରମ୍ଭ କରିବାକୁ ପଡ଼ିବ ।

ସୂଚନା ଅନୁସାରେ ଯଦି ମ୍ୟାଚ୍ ରେଫରି ଅନୁଭବ କରନ୍ତି ଯେ ଏକ ଘଣ୍ଟାର ସମୟ ସରିବାକୁ ଯାଉଛି, ସେତେବେଳେ ସେ ଉଭୟ କ୍ୟାପ୍ଟେନଙ୍କୁ ଫାଇନାଲ ସୁପର ଓଭର ଖେଳାଯିବ ବୋଲି ଜଣାଇ ଦେବେ । ଉଭୟ ଟିମକୁ ସୁପର ଓଭରରେ ଗୋଟିଏ ଲେଖାଏଁ ଅସଫଳ ଡିଆରଏସର ଅନୁମତି ମିଳିବ ।