8th Pay Commission: ଅଷ୍ଟମ ବେତନ ଆୟୋଗର ବଡ଼ ଅପଡେଟ୍ ! ଏମାନେ ହେବେନି ସାମିଲ

ନୂଆଦିଲ୍ଲୀ: କେନ୍ଦ୍ର ସରକାରଙ୍କ ଦ୍ୱାରା ଅଷ୍ଟମ ବେତନ କମିଶନ ଗଠନକୁ ଅନୁମୋଦନ ମିଳିବା ପରଠାରୁ ସରକାରୀ କର୍ମଚାରୀଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି । ଲକ୍ଷ ଲକ୍ଷ ସରକାରୀ କର୍ମଚାରୀ ଆଶାବାଦୀ ଯେ ଅଷ୍ଟମ ବେତନ କମିଶନ ଲାଗୁ ହେବା ପରେ, ସେମାନଙ୍କ ଦରମା ଯଥେଷ୍ଟ ବୃଦ୍ଧି ପାଇବ ।

ତଥାପି, କିଛି ବିଭାଗ ଅଛି ଯାହା ଅଷ୍ଟମ ବେତନ କମିଶନ ଅଧୀନରେ ଆସିବ ନାହିଁ । ଅର୍ଥାତ୍ ଅଷ୍ଟମ ବେତନ କମିଶନ ଲାଗୁ ହେବା ପରେ ମଧ୍ୟ ସେମାନଙ୍କର ଦରମା ବୃଦ୍ଧି ପାଇବ ନାହିଁ ।

ଏମାନଙ୍କ ପାଇଁ ଲାଗୁ ହେବ ନାହିଁ- ବର୍ତ୍ତମାନ ଦେଶରେ ସପ୍ତମ ବେତନ କମିଶନ କାର୍ଯ୍ୟକାରୀ ହେଉଛି । ଏହି ବେତନ କମିଶନ ୨୦୧୪ ମସିହାରେ ଗଠିତ ହୋଇଥିଲା ଏବଂ ୨୦୧୬ ମସିହାରେ କାର୍ଯ୍ୟକାରୀ ହୋଇଥିଲା ।

ସାଧାରଣତଃ ଭାରତରେ ପ୍ରତି 10 ବର୍ଷରେ ଏକ ନୂତନ ବେତନ କମିଶନ ଲାଗୁ କରାଯାଏ, ଦେଶର ପ୍ରଥମ ବେତନ କମିଶନ 1946 ମସିହାରେ ଗଠିତ ହୋଇଥିଲା। ଯେଉଁ ସମସ୍ତ କର୍ମଚାରୀ ପବ୍ଲିକ୍ ସେକ୍ଟର ଅଣ୍ଡରଟେକିଂ (PSU) କିମ୍ବା କୌଣସି ସ୍ୱାୟତ୍ତ ସଂସ୍ଥାର କର୍ମଚାରୀ କିମ୍ବା ହାଇକୋର୍ଟ ଏବଂ ସୁପ୍ରିମକୋର୍ଟର ବିଚାରପତି, ସେମାନେ ବେତନ କମିଶନର ପରିସର ବାହାରେ ରହିବେ ।

ଏହାର ଅର୍ଥ ହେଉଛି ଏହି ଲୋକମାନଙ୍କ ପାଇଁ ବେତନ କମିଶନ ପ୍ରଯୁଜ୍ୟ ନୁହେଁ । ସେମାନଙ୍କର ଦରମା ଏବଂ ଭତ୍ତା ପାଇଁ ଭିନ୍ନ ନିୟମ ଅଛି । ଏହି କାରଣରୁ ଏହି ଲୋକମାନଙ୍କ ପାଇଁ ଅଷ୍ଟମ ବେତନ କମିଶନ ଲାଗୁ ହେବ ନାହିଁ ।

ଅଷ୍ଟମ ବେତନ ଆୟୋଗରେ କେବେ ବଢ଼ିବ ଦରମା- ଅଷ୍ଟମ ବେତନ କମିଶନରେ, ଫିଟମେଣ୍ଟ ଫ୍ୟାକ୍ଟର ଏବଂ ଭତ୍ତା ଉପରେ ଆଧାରିତ ଦରମା ବୃଦ୍ଧି କରାଯିବ । ରିପୋର୍ଟ ଅନୁଯାୟୀ, ଅଷ୍ଟମ ବେତନ କମିଶନରେ ଫିଟମେଣ୍ଟ ଫ୍ୟାକ୍ଟର 1.92 ରୁ 2.86 ମଧ୍ୟରେ ହୋଇପାରେ। ଅର୍ଥାତ୍ ସରକାରୀ କର୍ମଚାରୀଙ୍କ ମୂଳ ଦରମା 18,000 ଟଙ୍କାରୁ ସିଧାସଳଖ 51,000 ଟଙ୍କାକୁ ବୃଦ୍ଧି ପାଇବ । ତଥାପି, ଅଷ୍ଟମ ବେତନ କମିଶନରେ ଫିଟମେଣ୍ଟ ଫ୍ୟାକ୍ଟର କ’ଣ ହେବ ତାହା ଏପର୍ଯ୍ୟନ୍ତ ସ୍ଥିର ହୋଇନାହିଁ ।