AI ସାହାଯ୍ୟରେ ହଟାଗଲା ରକ୍ତ ଜମାଟ, ୬୨ ବର୍ଷୀୟ ବ୍ୟକ୍ତି ପାଇଲେ ନୂଆ ଜୀବନ

ନୂଆଦିଲ୍ଲୀ: ସାରା ଦେଶରେ ହୃଦଘାତ ମାମଲା ବଢିବାରେ ଲାଗିଛି। ଶରୀରରେ ସୃଷ୍ଟି ହୋଇଥିବା ରକ୍ତ ଜମାଟ ବାନ୍ଧିବା ମଧ୍ୟ ହୃଦଘାତର ଏକ ପ୍ରମୁଖ କାରଣ। ଏହି ଜମାଟଗୁଡିକ କୌଣସି ବ୍ୟକ୍ତିଙ୍କ ଶରୀରରେ ସୃଷ୍ଟି ହୁଏ ଯେଉଁଥିରୁ ରକ୍ତ ସଠିକ୍ ଭାବରେ ପ୍ରବାହିତ ହୁଏ ନାହିଁ। ଆଜିକାଲି, ହୃଦ୍‌ରୋଗରେ ରକ୍ତ ଜମାଟ ବଢ଼ିବାରେ ଲାଗିଛି। ଏହାକୁ ଥ୍ରୋମ୍ବୋସିସ୍ କୁହାଯାଏ। ଏହି ରୋଗର ଚିକିତ୍ସା ପଦ୍ଧତି ସମସ୍ତ ଡାକ୍ତରଖାନାରେ ଭିନ୍ନ ଅଟେ।

ଗୁରୁଗାଓଁର ମେଦାନ୍ତ ହସ୍ପିଟାଲରେ ଥ୍ରୋମ୍ବୋସିସର ଚିକିତ୍ସା AI ଆଧାରିତ ଟେକ୍ନୋଲୋଜି Penumbra Flash 12 F Catheter ଦ୍ୱାରା କରାଯାଇଛି। ମେଦାନ୍ତ ଗ୍ରୁପ୍ ଚେୟାରମ୍ୟାନ୍ ତଥା ପ୍ରଖ୍ୟାତ ହୃଦ୍‌ରୋଗ ବିଶେଷଜ୍ଞ ଡକ୍ଟର ନରେଶ ଟ୍ରେହାନ୍ ତାଙ୍କ ଦଳ ସହିତ ଟେକ୍ନୋଲୋଜି Penumbra Flash 12 F Catheter ମାଧ୍ୟମରେ ଏକ ସଫଳ ଅସ୍ତ୍ରୋପଚାର କରିଛନ୍ତି। ଏହା ମାଧ୍ୟମରେ pulmonary Embolismରେ ପୀଡିତ ୬୨ ବର୍ଷିୟା ରୋଗୀର ଫୁସଫୁସରେ ଥିବା ରକ୍ତ ଜମାଟକୁ କାଢ଼ି ଦିଆଯାଇଛି।

ଏହି ଟେକ୍ନୋଲୋଜିକୁ ଗ୍ରହଣ କରିଥିବା ମେଦାନ୍ତ ଭାରତର ପ୍ରଥମ ହସ୍ପିଟାଲ। ବର୍ତ୍ତମାନ ପର୍ଯ୍ୟନ୍ତ, ଜୁଲାଇ ୨୦୨୩ ଠରୁ ଏହି କୌଶଳ ମାଧ୍ୟମରେ ୨୫ ରୋଗୀଙ୍କ ଅସ୍ତ୍ରୋପଚାର କରାଯାଇଛି। ଏହା ମାଧ୍ୟମରେ ସର୍ବନିମ୍ନ ରକ୍ତସ୍ରାବ ହୁଏ ଏବଂ ରୋଗୀ ସୁସ୍ଥ ଶୀଘ୍ର ହୁଏ। ରୋଗୀକୁ ଡାକ୍ତରଖାନାରେ ଦୀର୍ଘ ସମୟ ରହିବାର ମଧ୍ୟ ଆବଶ୍ୟକତା ନାହିଁ। ପ୍ରକାଶଥାଉକି, ଫୁସଫୁସ ଏମ୍ବୋଲାଇଜିମ୍ ହେଉଛି ଏକ ରକ୍ତ ଜମାଟ ବାନ୍ଧିବା ଯାହା ଫୁସଫୁସରେ ଥିବା ଧମନୀରେ ରକ୍ତ ପ୍ରବାହକୁ ଅବରୋଧ କରିଥାଏ କିମ୍ବା ବନ୍ଦ କରିଥାଏ।

ମେଦାନ୍ତ ଗ୍ରୁପ୍ ଚେୟାରମ୍ୟାନ୍ ତଥା ପ୍ରଖ୍ୟାତ ହୃଦ୍‌ରୋଗ ବିଶେଷଜ୍ଞ ଡକ୍ଟର ନରେଶ ଟ୍ରେହାନ୍ କହିଛନ୍ତି ଯେ ଏହି ଏଆଇ ଆଧାରିତ ଟେକ୍ନୋଲୋଜି ମାଧ୍ୟମରେ ଛାତି ଏବଂ ଧମନୀ ନଖୋଲି ବି ରକ୍ତଜମାଟ ସହଜରେ ବାହାର କରାଯାଇପାରିବ। ଏହି ପ୍ରକ୍ରିୟା ୧୫ ମିନିଟ୍ ନେଇଥାଏ। ଏହାପୂର୍ବରୁ ଆମକୁ ଏଥିପାଇଁ ଏକ ବଡ ଅପରେସନ୍ କରିବାକୁ ପଡୁଥିଲା ଏବଂ ବିପଦ ମଧ୍ୟ ବହୁତ ଅଧିକ ଥିଲା।

ଚିକିତ୍ସା ପରେ ରୋଗୀକୁ ୪୮ ଦିନ ମଧ୍ୟରେ ଡାକ୍ତରଖାନାରୁ ଡିସଚାର୍ଜ କରାଯାଇପାରିବ। ଏହି ସର୍ଜିକାଲ୍ ପଦ୍ଧତି ସ୍ଥାନୀୟ ଆନାସ୍ଥେସିଆ ଦେଇ କରାଯାଇଥାଏ। ଏହି କାର୍ଯ୍ୟକ୍ରମ ଭାରତରେ ବଢୁଥିବା pulmonary Embolism ମଧ୍ୟରେ ସଚେତନତା ସୃଷ୍ଟି ପାଇଁ ଉତ୍ସର୍ଗୀକୃତ। PEiRT କାର୍ଯ୍ୟକ୍ରମ ଏକ ସ୍ୱତନ୍ତ୍ର ଦଳ ଦ୍ୱାରା ପରିଚାଳିତ, ଯେଉଁଥିରେ ସମସ୍ତ ବିଶେଷଜ୍ଞ ସାମିଲ ଅଛନ୍ତି।

The post AI ସାହାଯ୍ୟରେ ହଟାଗଲା ରକ୍ତ ଜମାଟ, ୬୨ ବର୍ଷୀୟ ବ୍ୟକ୍ତି ପାଇଲେ ନୂଆ ଜୀବନ appeared first on Prameya News7.