CBSE ଦ୍ବାଦଶ ପରୀକ୍ଷାରେ ରେକର୍ଡ କଲେ, ୫୦୦ରୁ ୪୯୯ ମାର୍କ ରଖିଲେ ସାଭି ଜୈନ

ଦ୍ବାଦଶ ପରୀକ୍ଷାରେ ୫୦୦ ମାର୍କରୁ ୪୯୯ ମାର୍କ ରଖି ଚର୍ଚ୍ଚାରେ ରହିଛନ୍ତି ସାଭି ଜୈନ । CBSE ପିଲାଙ୍କ ରେଲଜ୍ଟ ନିକଟରେ ପ୍ରକାଶ ପାଇଛି । ପୁରା ଦେଶରେ ୧ଲକ୍ଷ ଭଳି ପରୀକ୍ଷାର୍ଥୀ ପରୀକ୍ଷା ଦେଇଥିଲେ । ସେମାନଙ୍କ ମଧ୍ୟରୁ  ଉତ୍ତରପ୍ରଦେଶର ଛାତ୍ରୀ ରେକର୍ଡ କରି ସବୁଠାରୁ ଆଗରେ ରହିଛନ୍ତି ।

ସୂଚନାନୁଯାୟୀ, ସ୍କଟିଶ ଇଣ୍ଟରନ୍ୟାସନାଲ ସ୍କୁଲର ଛାତ୍ରୀ ସାଭି ଜୈନ । ସେ ଉତ୍ତରପ୍ରଦେଶର ଶାମଲୀର ବାସିନ୍ଦା ବୋଲି ସୂଚନା ମିଳିଛି । ଯିଏ ପେଣ୍ଟିଂରେ ୧୦୦ରୁ ୧୦୦, ଇକୋନୋମିକ୍ସରେ ୯୭, ଇତିହାସରେ ୯୯ ମାର୍କ ରଖି ଟୋଟାଲ ୫୦୦ରୁ ୪୯୯ ମାର୍କ ରଖି ନିଜେ ସୁନାମ ଅର୍ଜନ କରିବା ସହ ପରିବାରର ନାଁକୁ ମଧ୍ୟ ଶୀର୍ଷରେ ରଖିଛନ୍ତି । ସାଭିଙ୍କ କଠିନ ପରିଶ୍ରମ ହିଁ ଅସମ୍ଭବକୁ ସମ୍ଭବ କରିପାରେ ବୋଲି ସେ ପ୍ରମାଣ କରି ଦେଖେଇଛନ୍ତି ।

ସାଭି କହିଛନ୍ତି ଯେ, ସେ ଦିନକୁ ୪ରୁ ୫ ଘଣ୍ଟା ପଢ଼ା ପାଇଁ ପରିଶ୍ରମ କରୁଥିଲେ । ସ୍କୁଲ ବ୍ୟତୀତ ଟ୍ୟସନ ମଧ୍ୟ ଯାଉଥିଲେ । ପଢିବା ପାଇଁ ସେ ଏକ ସିଡ୍ୟୁଲ ମଧ୍ୟ ପ୍ରସ୍ତୁତ କରିଥିଲେ । ତାଙ୍କର ସବୁ ସଫଳତାର ଶ୍ରେୟ ସେ ତାଙ୍କ ବାପା-ମା, ସ୍କୁଲ ଟିଚର, ଟ୍ୟୁସନ ଟିଚର, ପ୍ରିନ୍ସିପଲ, ସ୍କୁଲର ଡାଇରେକ୍ଟରଙ୍କୁ ଦେଇଛନ୍ତି । ସେମାନଙ୍କର ଅବଦାନ ତାଙ୍କୁ ସଫଳତାରେ ଠିଆ କରିଛି ବୋଲି ମଧ୍ୟ କହିଛନ୍ତି ।

ସାଭି ଜଣେ ମଧ୍ୟମ ଶ୍ରେଣୀ ପରିବାରର ଥିଲେ । ତାଙ୍କ ବାପା ଫର୍ଣ୍ଣିଚର ଦୋକାନ କରି ତାଙ୍କ ପାଠପଢା ଖର୍ଚ୍ଚ ଉଠାଉଥିଲେ ।  ଭବିଷ୍ୟତରେ ସେବା କାର୍ଯ୍ୟରେ ନିଜକୁ ସାମିଲ କରିବାକୁ ଚାହିଁଛନ୍ତି ବୋଲି କହିଛନ୍ତି ସାଭି । ସେ ଜଣେ IAS ହେବାକୁ ଲକ୍ଷ୍ୟ ରଖିଛନ୍ତି ବୋଲି ମଧ୍ୟ କହିଛନ୍ତି । ତାଙ୍କର ଏଭଳି ସଫଳତା ଅନ୍ୟ ଛାତ୍ରଛାତ୍ରୀଙ୍କ ପାଇଁ ପ୍ରେରଣା ସାଜିଛି ।

Also Read : ଅପରେସନ ସିନ୍ଦୂର ପରେ ବଢିଲା ବୈଦେଶିକ ମନ୍ତ୍ରୀଙ୍କ ସୁରକ୍ଷା, କାରକେଡରେ ସାମିଲ ହେଲା ବୁଲେଟପ୍ରୁଫ ଗାଡ଼ି

The post CBSE ଦ୍ବାଦଶ ପରୀକ୍ଷାରେ ରେକର୍ଡ କଲେ, ୫୦୦ରୁ ୪୯୯ ମାର୍କ ରଖିଲେ ସାଭି ଜୈନ appeared first on KNews Odisha.