HIVକୁ ମୂଳରୁ ଶେଷ କରିପାରିବେ ଡାକ୍ତର, ବୈଜ୍ଞାନିକଙ୍କୁ ମିଳିଲା ବଡ଼ ସଫଳତା !

ନୂଆଦିଲ୍ଲୀ: CRISPR ନାମକ ଏକ ଶକ୍ତିଶାଳୀ ପ୍ରଯୁକ୍ତି ସାହାଯ୍ୟରେ HIVର ଚିକିତ୍ସା ଦିଗରେ ବୈଜ୍ଞାନିକଙ୍କୁ ଏକ ବଡ଼ ସଫଳତା ମିଳିଛି । CRISPRକୁ ଆଣବିକ କଇଁଚି (molecular scissors) ରୂପେ ଜଣା ଯାଇଥାଏ ଏବଂ ବୈଜ୍ଞାନିକମାନେ ଏହାକୁ ଉପଯୋଗ କରି ଏଚଆଇଭିର ଡିଏନଏକୁ ସଂକ୍ରମିତ କୋଷିକାରୁ ଅଲଗା କରିିଥାନ୍ତି ।

ବିବିସିରେ ପ୍ରକାଶିତ ରିପୋର୍ଟ ଅନୁସାରେ, ଏହା ମେଡିକାଲ ସାଇନ୍ସ ପାଇଁ ବଡ଼ ଉପଲବ୍ଧି ଅଟେ, କାରଣ ବର୍ତ୍ତମାନ ଉପଲବ୍ଧ ଚିକିତ୍ସା ଏଚଆଇଭିକୁ ନିୟନ୍ତ୍ରଣ କରିପାରେ, କିନ୍ତୁ ଏହାକୁ ସମ୍ପୂର୍ଣ୍ଣ ରୂପେ ଶେଷ କରାଯାଇ ପାରିବ ନାହିଁ ।

ପଢନ୍ତୁ: ଶୀତଳାପଲ୍ଲୀ ସମ୍‌ ମଲ୍ଟି ସ୍ପେସିଆଲଟି ହସ୍ପିଟାଲରେ ନିଃଶୁଳ୍କ ବନ୍ଧ୍ୟା ଦୋଷ ଚିକିତ୍ସା ଶିବିର

ଆମଷ୍ଟେରଡମ ବିଶ୍ୱବିଦ୍ୟାଳୟର ବୈଜ୍ଞାନିକ ଏଚଆଇଭିର ଚିକିତ୍ସା ପାଇଁ ଏକ ନୂଆ ଉପାୟ ଖୋଜି ବାହାର କରିଛନ୍ତି । ଏକ ମେଡିକାଲ କନଫରେନ୍ସରେ ନିଜ ପରିଣାମକୁ ସାର୍ବଜାନୀନ କରିଛନ୍ତି । ସେ କହିଛନ୍ତି ଯେ ଏହା ପ୍ରାରମ୍ଭିକ କନସେପ୍ଟ ଏବଂ ଏଥିରେ ତୁରନ୍ତ ଚିକିତ୍ସା ହେବ ନାହିଁ । ଏପରି ସ୍ଥିତିରେ ବୈଜ୍ଞାନିକଙ୍କୁ ଅଧିକ ଗବେଷଣା କରିବାର ଆବଶ୍ୟକତା ରହିଛି । ଯାହାଦ୍ୱାରା ଚିକିତ୍ସା କେତେ ସୁରକ୍ଷିତ ଏବଂ ପ୍ରଭାବୀ ଜଣାପଡିବ ।

ନର୍ଟିଂଘମ ବିଶ୍ୱବିଦ୍ୟାଳୟର ଷ୍ଟେନ ସେଲ ଏବଂ ଜିନ୍ ଥେରେପି ଟେକ୍ନୋଲଜିର ଆସୋସିଏଟ୍ ପ୍ରଫେସର ଡ.ଜେମ୍ସ ଡିକ୍ସନ କହିଛନ୍ତି ଯେ ଏଚଆଇଭିର ଚିକିତ୍ସା ପାଇଁ CRISPR ସାହାଯ୍ୟରେ ରିସର୍ଚ୍ଚର ପୂର୍ଣ୍ଣ ମୂଲ୍ୟାଙ୍କନ ଆବଶ୍ୟକ ଅଟେ ।